Jeremiah 48:16 - Tedim Bible Revision 2017

¹⁶ Moab gam a kisiat ding sawt nawn lo a, a gimna ding hong nai ta hi.

Tedim Bible

¹⁶ Moab gam kisiat ding sawt nawn lo hi; a gim nading hong nai ta hi.

Jeremiah 48:16 Referans Kwoze

Isaiah 13:22

Mihauteʼ inn sungah ngiate, kumpi inn nuam sungah se-alte a ham ding uh hi. Babylon khuapi a siat ding hun hong nai ta a, a ni sawt nawn lo ding hi.

2 PETER NIHNA 2:3

Hih sia man lote in a huaiham manun note kiang panin sum a ngah theih nadingun phuahtawm thu hong gen ding uh hi. Ahi zongin sawt pek a kipanin amauteʼ thu a Khen ding pa a kiging sa-in om niloh a, amaute a Susia ding pa in en gige hi.

Ezekiel 12:28

Tua ahih ciangin Topa Pasian ahi keima thugenna: ‘Zekai cih om nawn lo dinga, ka gen sa bangin tung ding hi. Topa Pasian ahi keimah in ka gen khinzo hi, ci hi,’ ci-in gen in,” a hong ci hi.

Ezekiel 12:23

Tua ahih ciangin Topa Pasian ahi keimah in tua thu tawh kisai-in ka thugenna amaute kiangah va gen in. Hih paunak ka beisak ta dinga, Israel mite in genin a nei nawn kei ding uh hi. Tu-in a hun a naina le gen kholhnate a manin a tun nading thu amaute kiangah va gen in.

Jeremiah 1:12

Tua ciangin Topa in, “Na man hi; bang hang hiam cih leh ka thugente ka tangtunsak nadingin kei zong ka ngak hi,” hong ci hi.

Thu-hilhkikna 32:35

Phulakna le thukkikna kei aʼ hi a, a hun ciangin amaute puk ding uh hi. Bang hang hiam cih leh amauʼ gim ngah hun ding hong nai ta a, amauʼ siat nading hong tung pah hi.

Paunak 7:23

thaltang in ama lungtang a khak nading munah amah va pai hi. Vasa in a sih nading thang antah a bawh bangin va bawh a, a lauhuai sung a tun lamtak thei lo hi.