Jeremiah 48:15 - Tedim Bible Revision 2017

¹⁵ Moab gam le a khuapite a susia ding pa hong pai to ta hi. A tangval hoih pente uh thah lup dingin kipaipih khinzo hi, ci-in Vanglian Topa a kici keimah Kumpipa in kong gen hi.

Tedim Bible

¹⁵ Moab gam leh a khuapite susia dingpa hong paito ta hi. A tangval hoihpente uh thahlup dingin a kipaipih khin zo hi, ci-in a vanglian Topa a kici keimah Kumpipa in kong gen hi.

Jeremiah 48:15 Referans Kwoze

Jeremiah 50:27

A galkap hangte khempeuh uh thahsak un. Amaute in gimna thuak ding uh a, a thuak ni ding uh hong tung zo ta!”

Jeremiah 46:18

Vanglian Topa keimah Kumpipa ka hi hi. Taber mual, mual khempeuh sangin sang zaw-in, Karmel mual, tuipi tungah sangpi-in a dawk toh bangin, no hong sim paʼ thahatna a lian mahmah ding hi.

Jeremiah 51:57

A kumpi uliante le a mipilte uh a kipan ukpite, uliante le galkapte, zu ka khamsak dinga, a tawntungin ihmu-in a khanglo nawn kei ding uh hi, ci-in Vanglian Topa a kici kumpipa in kong gen hi.

Malakhi 1:14

A tuu hon lakah tuutal cidam nei napi-in, a kamciam sa bangin kei tungah hong piak ciangin, a sitbaang ganhing a hong pia mi khempeuh in samsiatna thuak tahen. Bang hang hiam cih leh kei pen a lian mahmah Kumpipa ka hi a, minam khempeuh in kei hong zahtak uh hi,” a ci hi.

Mangmuhna 19:16

A puan tung le a phei tungah, “Kumpiteʼ Kumpi, topateʼ Topa,” ci-in a min kigelh hi.

Jeim 5:4

Na lo uh a hong khawhsakte a thaman pia lo na hih manun tu-in amauteʼ phunna za un. An la dingin na sawl uh miteʼ phunna Vanglian Topa in za khinta hi.

Zekhariah 14:9

Tua ciangin Topa pen leitung khempeuhʼ kumpi suak dinga, mi khempeuh in amah bek thei-in bia ding uh hi.

Daniel 4:37

Tu-in keimah Nebukhadnezzar in Vantung Kumpipa phatin, zahtakin a min ka thangsak hi. Ama bawlna khempeuh a man hi. Amah a tawntungin thuman a, a kiphasakin a gamtate a neusak hi,” a ci hi.

Jeremiah 51:40

Gawh dingin a kipaipih tuuno bangin ahi a, tuutal le keeltal bangin ahi zongin amaute ka paipih suk ding hi.

Jeremiah 48:4

“Moab gam kisusia khinta a, a kahna aw uh Zoar khua dongin a kiza hi.

Late 47:2

Bang hang hiam cih leh Topa, a Sangpen pa, dipkuathuai a, leitung khempeuh a uk kumpi lian khat ahi hi.

Amos 4:10

Egypt gamah ka hong tunsak bangin note lakah gimna kong tungsak hi. Gal sungah na tangval teng uh ka sisak a, na sakolte uh kong paih khiatsak hi. Na giahphual sungte uh a uih mahmahna tawh na nakngek uh kong zensak hi. Tua bang hi napi-in kei lamah nong kihei kei uh hi, Topa in ci hi.

Jeremiah 50:34

Ahih hangin amaute a hon khia pa hat mahmah a, Vanglian Topa kici hi. Amah in leitungah kilemna a omna ding le Babylon mite in gimna a ngah nadingin, amaute adingin a sem ding hi.