Jeremiah 48:10 - Tedim Bible Revision 2017

¹⁰ “Topaʼ na citakin a sem lopa in kamsiatna thuak tahen. Thah nadingin a namsau a dok lopa in hamsiatna thuak tahen.

Tedim Bible

¹⁰ “Topa’ na citak-a sem lopa in haamsiatna thuak ta hen. Thah nading a, a namsau a dok lopa in haamsiatna thuak ta hen.

Jeremiah 48:10 Referans Kwoze

1 KUMPI MASATE 20:42

Tua ciangin amah in ama kiangah, “Topa in hih bangin ci hi: ‘Thah dinga ka seh mipa khah na hih ciangin ama nuntakna tangin nangma nuntakna, ama miteʼ tangin nangma mite pai ding hi,’ ci hi,” a ci hi.

1 SAMUEL MASA 15:3

Tu-in pai-in Amalek mite vat gawp unla, amauteʼ neih khempeuh susia mangkhin un. Amaute siit loin, numei le pasal, naupang le nawine laite, bawngtal le tuu, kalaoh le la, that un,’ ci hi,” a ci hi.

Thukhente 5:23

“Topaʼ vantungmi in, ‘Meroz khua samsia in, a sunga teeng mite nasia takin samsia in. Bang hang hiam cih leh Topa a huh dingin a thahatpa dona ah Topa a huh dingin hong kuan lo uh hi,’ a ci hi.

2 KUMPI NIHNATE 13:19

Tua ciangin Pasianʼ mipa ama tungah hehin, “Nga vei ahi a, guk vei ahi zongin na sat ding kilawm hi. Tua hileh na beisak dongin Syria na sat puk ding hi. Ahih hangin tu-in thum vei bek Syria na sat puk ding hi,” a ci hi.

1 SAMUEL MASA 15:9

Ahih hangin Saul le mite in Agag le a hoih pen tuute, bawngtalte, gannote, tuunote le a hoih khempeuh khawi uh a, tuate that mangkhin lo uh hi. A kisimmawh bangmah a man lo khempeuh amaute in that mang uh hi.

Jeremiah 50:25

Topa in a galhiam koihna hong khia zo a, a hehna galhiamte a la khia hi. Bang hang hiam cih leh Babylon gamah Vanglian Topa Pasian in sep ding khat a nei hi.

Jeremiah 47:6

Note in, ‘Topaʼ namsau aw, tawlnga nai lo ding na hi hiam? Na paai sungah lutkik inla, taang loin khawl dide in,’ na ci uh hi.

1 KUMPI MASATE 20:39

Kumpipa in a nawk laitakin kumpipa tungah amah kiko-in, “Na nasem pa gal sungah kuan hi. Galkap khat in kei kiangah gal mat sa mi khat hong paipih a, ‘Hih mipa kem in; amah na tai suah leh ama nuntakna tangin nangma nuntakna hi dinga, ahih kei leh ngun talen khat na liau ding hi,’ hong ci hi.

1 KUMPI MASATE 20:40

Na nasem pa hih lai hua lai ah manlahin ka om kalin amah na mang hi,” a ci hi. Tua ciangin Israel kumpipa in ama kiangah, “Nangma thukhenna bang hi tahen; nang mahmah in na khen tawm hi,” a ci hi.

Jeremiah 11:3

Topa, Israel miteʼ Pasian in kong cih in ah, hih thuciamna a mang lo mi peuhmah in hamsiatna thuak tahen, ci-in va gen in.

Jeremiah 47:7

Topa in ka sawl nakleh bangci-in khawl dide thei ding ahi hiam? Ashkelon khua le tuipi geiteng a sim dingin ka sawl sa ahi hi,” a hong ci hi.

Jeremiah 50:27

A galkap hangte khempeuh uh thahsak un. Amaute in gimna thuak ding uh a, a thuak ni ding uh hong tung zo ta!”

Joshua 10:19

Ahih hangin note tua lai ah om kei un. Na galte uh delhin a nungdalte bawh unla, a khuapi sung uh ah amaute lutsak kei un. Bang hang hiam cih leh Topa na Pasian un noteʼ khut sungah amaute hong pia zo hi,” a ci hi.