Jeremiah 47:6 - Tedim Bible Revision 2017

⁶ Note in, ‘Topaʼ namsau aw, tawlnga nai lo ding na hi hiam? Na paai sungah lutkik inla, taang loin khawl dide in,’ na ci uh hi.

Tedim Bible

⁶ Note in, ‘Aa, Topa’ namsau aw, Tawlnga nai lo ding na hi hiam? Na paai sungah lut kik in la, taang loin khawl dide in,’ na ci uh hi.

Jeremiah 47:6 Referans Kwoze

Jeremiah 12:12

Sehnel gam mual sang panin a susia dingte hong pai zo uh hi. Gam mong khat panin gam mong khat dongah a lungmuang kuamah om lo hi. Bang hang hiam cih leh Topaʼ namsau in mi khempeuh a vattuk hi.

Johan 18:11

Tua ciangin Jesu in Peter kiangah, “Na namsau a paai ah siat in. Ka Pa in thuak dingin a hong piak thu thuak lo ding ka hi hiam?” a ci hi.

Ezekiel 21:30

“A do dingin kithawi vet kei unla na namsau uh a paai ah siatkik zaw un. Note na pianna gam, na suahna mun uh ah, thu a hong khen ding ka hi hi.

Ezekiel 14:17

Tua gam sungah gal tungsakin, mihing ganhing a siak siang dingin a husia galhiamte kizang leh,

Jeremiah 25:27

Tua ciangin Topa in hong hopih a, “Amaute kiangah, Vanglian Topa, Israel miteʼ Pasian in hih bangin ci hi: ‘Dawn un. Kham unla lua un. Note kiangah namsau hong paisak ding ka hih manin tuk unla, tho zo nawn kei un,’ va ci in.

Jeremiah 15:3

“Amauteʼ sih nadingin gimna nam li ka tungsak ding hi. A kithah nading uh namsau, a kei zan gawp dingin ui, a valh tum ding le a susia gawp dingin huihlak a vasate le leilak a ganhingte ka koih ding hi.

Jeremiah 12:4

Ka gam sung bang tanvei keucip ding ahi hiam? Mun khempeuh ah lopate bang tanvei vul cip ding ahi hiam? A teng miteʼ gitlohna hangin gamsate le vasate a mangthang khin uh hi. Bang hang hiam cih leh amaute in, “I gamtatnate Pasian in hong mu kei ngawn,” a ci uh hi.

Jeremiah 4:21

Bang tanvei gal kisimna mu lai ding ka hi hiam? Bang tanvei peengkul aw za lai ding ka hi hiam?

Isaiah 10:15

Amah a lik to pa pen molhtumin a zang ding bang keek, sing ahi lo mipa pen ciangkhut bangin a lik to ding bang keekin, phuk nadingin amah a zang pa tungah, hei, kihisak thei ding ahi hiam? Sing-at tem zong amah a zang pa tungah kiliansak thei ding ahi hiam?

Isaiah 10:5

Assiria-te pen ka hehna mite gimpiak nadingin molhtum le ciangkhutin ka zat ahi hi.

Late 17:13

Topa aw, tho in! Amaute mai phut inla, thal paih in! Topa aw, a deih khempeuh uh hih leitungah a nei migilote kiang panin na khut le na namsau tawh kei hong hon khia in. Amau adingin na koihcing gimnate thuaksak inla, a tate un zong a cingvalin thuak uh henla, a naungekte uh ading nangawn nusiat lai ta uh hen.

1 KHANG TANGTHU MASATE 21:27

Tua ciangin Topaʼ thupiakna tawh vantungmi in a namsau a pai sungah a siatkik hi.

2 SAMUEL NIHNA 2:26

Tua ciangin Abner in Joab samin, “Mi hih bangin kithat lai ding ahi hiam? A tawpna ah a haksat zawk nading thei lo na hi hiam? A sanggamte uh a delhna panin na mite a kihei nadingin na thupiak ding bang tan sawt lai ding ahi hiam?” a ci hi.

Thukhente 7:20

A pawl thumun peengkul tumin beelte sukham uh a, a veilam khutun meilah tawi-in, a taklam khutun a tum ding uh peengkul tawi uh hi. Tua ciangin amaute kiko-in, “Topa ading le Gideon ading namsau khat!” a ci uh hi.

Jeremiah 48:10

“Topaʼ na citakin a sem lopa in kamsiatna thuak tahen. Thah nadingin a namsau a dok lopa in hamsiatna thuak tahen.

Jeremiah 50:35

“Topa in kong cih in ah, Khaldea gam mite, Babylon khua ah a teengte, a kumpi uliante le a mipilte namsau tawh kithat tahen!

Zekhariah 13:7

“Namsau aw, ka tuucingpa a su dingin kipan inla, kei tawh nasem khawm pa langpang in. Tuucingpa sat in. Tuute kithehthang dinga, ka tuute gim ka pia ding hi.