Jeremiah 47:3 - Tedim Bible Revision 2017

³ Sakol khegingte za-in, sakol leeng gingte le a pei kigawite a zak uh ciangin, a khut uh zaw lua ta ahih manin pate in a tate uh a don zo nawn kei ding uh hi.

Tedim Bible

³ Sakol khe gingte za-in, sakol leeng gingte leh a pei kigawi gingte a zak uh ciangin, pate in a khut uh zaw lua ta ahih manin a tate uh a don zo nawn kei uh hi.

Jeremiah 47:3 Referans Kwoze

Jeremiah 8:16

Leilu lam Dan khua pek panin galteʼ sakol nak ging kiza hi. A sakol hatteʼ hamna awging in gam le lei liingsak hi. Amaute in i gam le a sunga om teng, hong susia khin ding uh hi,’ a ci ding uh hi.

Thukhente 5:22

Tua ciangin sakol khe, a koptaina, a sakol hangteʼ koptaina a ging hi.

Nahum 2:4

Sakol leengte kongzing lakah kileh suk kileh to uh a, lamka bom khempeuh nawkin leeng kawikawi uh hi. Meikuang bangin kikhawh uh a, khuaphia bangin leeng uh hi.

Jeremiah 46:9

Sakolte aw, mai nawt un; sakol leengte aw, hat un! Lum a tawi Ethiopia mite le Put mite aw, thal tawi a siam Lud mite aw, na galkapte uh kuansak un.

Mangmuhna 9:9

A awm uh, sik-awmdal tawh a kibang pian in tuam a, a khazap uh a gingte pen gal kido laitakin sakol in a kaih leeng tampiteʼ gin tawh a kibang hi.

Jeremiah 50:42

A thal uh le a teipi uh tawi uh a, gilo mahmah in hehpihna lungsim nei lo uh hi. A husa uh tuipi ging bang a, sakol tungah tuang uh hi. Babylon mite aw, note a hong sim gawp dingin hong kithawi uh hi.

Ezekiel 23:24

Amaute in leilu lam panin nang hong sim ding uh a, leeng galkap le van pua leeng tampi hong kengin galkap tampi tak tawh hong kuan ding uh hi. Lumte le sik lukhute tawh kidalin amaute in nang hong umcih ding uh hi. Amauteʼ khut sungah nang kong ap dinga, amauteʼ ngeina om bangin nangʼ tungah thu hong khen ding uh hi.

Nahum 2:8

Tuibeem kitam panin tui a kikhawh khia bangin, Nineveh khuapi panin mite a tai khia uh hi. “Khawl un, khawl un,” a kicih hangin khat beek nunghei lo uh hi.

Isaiah 5:28

Amauʼ thaltangte hiam a, a thal khempeuh uh a kikeek sa ahi hi. Amauʼ sakolteʼ khecinte meisuang bangin sak a, a leengpeite uh pingpei bangin manlang hi.