Jeremiah 47:2 - Tedim Bible Revision 2017

² Topa in a hong genin ah, “En un, leilu lam panin tui hong khang dinga, hong let khia-in hong luang ding hi. Gam sung le gam sunga om khempeuh hong tum dinga, khuapi le a sunga teeng khempeuh hong tum ding hi. Mite kiko ding uh a, gam sunga om mi khempeuh a kap ding uh hi.

Tedim Bible

² Topa in a cih-inah: “En un, leilu gam panin tui hong khang a, a let khia-in hong luang ding hi. Gamsung leh gam sunga om khempeuh hong tum ding a, khuapi leh khuapi sunga teeng khempeuh hong tum ding hi. Mite kiko-in, gam sunga om mite khempeuh a kap ding uh hi.

Jeremiah 47:2 Referans Kwoze

Jeremiah 46:20

Egypt gam, bawngla hoih mahmah tawh a kibang hi. Leilu lam panin a hong leeng cippi in amah a pet hi.

Jeremiah 8:16

Leilu lam Dan khua pek panin galteʼ sakol nak ging kiza hi. A sakol hatteʼ hamna awging in gam le lei liingsak hi. Amaute in i gam le a sunga om teng, hong susia khin ding uh hi,’ a ci ding uh hi.

Jeremiah 1:14

Tua ciangin Topa in, “Leilu lam panin hih gam mi khempeuhteʼ tungah siatna hong so suk ding hi.

Mangmuhna 17:15

Tua ciangin vantungmi in hong gen thuah lai a, “A paktat numei a tutna gun tuite pen minam tuamtuam, pau nam tuamtuam a zang mihonpite ahi hi.

Mangmuhna 17:1

Tua ciangin hai sagih a tawi vantungmi sagihte sung panin kei kiangah khat hong pai a, “Hong pai in; gun tampi gei ah a kilam a paktat mahmah khuapi gimna a kipiak zia ding kong lak ding hi.

Jeim 5:1

A haute aw, tu-in ka thugen hong ngai dih un. Note tungah a hong tung ding lungkhamna hangin kapin thum un.

1 KORIN MASA 10:28

Ahi zongin mi khatpeuh in, “Milim biakna sa hi,” hong cih leh, tua a hong gen mipa na khualna le nangma lungsim nopmawhna a om loh nadingin ne kei pah in.

1 KORIN MASA 10:26

Bang hang hiam cih leh Lai Siangtho in, “Leitung le a sungah a om khempeuh pen Topa aʼ ahi hi,” na ci hi.

Nahum 1:8

Tuikhang in a suksiat bangin a langte susia gawp a, a galte khempeuh khuamial sungah a nawt khia hi.

Daniel 11:22

Ama thu a nial galkap honpite le Pasianʼ siampi liante khempeuh a mangthangsak ding hi.

Jeremiah 48:39

Moab gam kitam ta! A mite kap! Maizumin hong nungngat ta! Tua ahih manin amah pen miteʼ nuihsat ding le lipkhap ding a suak zo hi.

Jeremiah 46:13

Egypt gam a sim dingin Babylon kumpipa Nebukhadnezzarʼ hong paina tawh kisai-in Topa in hih bangin kei kiangah a hong gen hi:

Isaiah 59:19

Tua ahih ciangin nisuahna le nitumna kikalah a om mi khempeuh in amah zahtakin, a vangliatna kihta ding uh hi. Bang hang hiam cih leh huihpi nung bang, tuipi khang bangin amah hong pai ding hi.

Isaiah 28:17

Keimah in thutang pen khaukhai bangin ka bawl dinga, thuman pen khaukhai sikbawk bangin ka bawl ding hi. Gial in na zuau buk uh deng khia dinga, tui in na bukna mun uh susia ding hi,” ci hi.

Isaiah 22:1

Maangmuhna Kuam tawh kisai thu hih bangin gen hi: Kikona tawh a kidim, a gamlum khuapi, lungdamin a diang khua aw, note khempeuh, innkhum zang ah na kah toh uh bang na cihnopna uh ahi hiam? A kithat nangma mite pen namsau tawh a kithat hi lo a, gal sung a si hi lo uh hi.

Isaiah 15:8

Bang hang hiam cih leh Moab gam kiim khempeuh ah kahna aw a ging hi. Kahna in Eglaim khua ban a, kahna in Beerelim khua zong a ban hi.

Isaiah 14:31

“Filistia khuapi kongpite aw, nakpi takin kap un; khuapite aw, kiko un. Filistia mi khempeuh aw, lau-in liing un! Bang hang hiam cih leh leilu lam panin galkap honteʼ hong paina leivui khu hong kitung a, tua galkapte a meidawi khat beek om lo hi,” hong ci hi.

Late 98:7

Tuipi le a sunga omte khempeuh aw, awng unla, leitung le a tunga teng khempeuhte aw, la sa un.

Late 96:11

Vantung mite kipak henla, leitung mite lungdam hen. Tuipi le a sunga om khempeuh awng ta uh hen.

Late 50:12

“Ka gil kial taleh zong note kiang panin an kong ngen kei ding hi; bang hang hiam cih leh leitung le a sunga om khempeuh keima-aʼ ahi hi.

Late 24:1

Leitung le a tunga omte, leitung le a tunga teengte Topa-aʼ ahi hi.

Jeremiah 6:22

Topa in, “En un, leilu lam gam panin mi hong pai uh a, leimong gamla pen panin galsim dingin gam lian khat hong kithawithawi hi.

Jeremiah 46:12

Gamdangte in na zumhuaina uh hong za khin uh a, leitung bupah na kahna aw uh kiza hi. Na galkapte uh khatlekhat kiphu kha-in, a nihun a pukkhawm uh hi,” a hong ci hi.

Jeremiah 46:24

Egypt nungakte a maizum ding uh hi. Leilu lam panin a hong pai miteʼ khut sungah amaute a kipia ding uh hi,” a hong ci hi.