Jeremiah 47:1 - Tedim Bible Revision 2017

¹ Faro kumpipa in Gaza khua a sim ma-in Filistia mite tawh kisai-in Topa in kei tungah thu hong gen hi.

Tedim Bible

¹ Faro kumpipa in Gaza khua a sim ma-in Filistia mite tawh kisai-in Topa in kamsangpa Jeremiah a hopih hi.

Jeremiah 47:1 Referans Kwoze

Jeremiah 25:20

Egypt mite le amauʼ lakah a teeng gamdang mite khempeuh; Uz gam sunga kumpite khempeuh le Filistia gam sunga om Ashkelon, Gaza, Ekron khuapite le Ashdod khuapi ah a om lai sunteʼ kumpite khempeuh;

Piancilna 10:19

Kanaan miteʼ gam pen Sidon panin kipanin Gerar lam manawhin Gaza ciang dong ban a, Sodom lam panin Gomorrah, Admah le Lasha gei-a Zeboiim ciang dong ban hi.

1 KUMPI MASATE 4:24

Bang hang hiam cih leh amah in Eufratis nitumna lam gam sung khempeuh Tifsah panin Gaza ciang dong, Eufratis nitumna lam pang kumpi khempeuh uk a, ama kiim mun khempeuh ah galdaihna om hi.

Isaiah 14:29

“Filistia mi khempeuh aw, note hong kisatna ciangkhut a kitan manin lungdam kei un. Bang hang hiam cih leh singbul panin a sel a om bangin, gulpi a sih khit ciangin a siahuai zaw gul gunei hong om dinga, tuate pen a leng thei gulpi hong hi ding uh hi.

Ezekiel 25:16

Tua ahih ciangin Filistia mite simin ka beimangsakna ding thu a hong gen khia ta ka hi hi. Filistia Zanglei a a om lai mi khempeuh ka susia mang ding hi.

Joel 3:4

“Taia khua, Sidon khua le Filistia gam khempeuh aw, kei bang hong cih nuamin a kinei na hi uh hiam? Bang khat peuhpeuh hangin hong thukkik nuamin a kinei na hi uh hiam? Kei a hong thukkik na hih uh leh, kei zong manlang takin kong thukkik pah ding hi.

Ezekiel 25:15

Topa Pasian in kei kiangah thu hong gen a, “Filistia mite in galin a neih tawntung mite uh tungah phu nasia lakin hehna tawh susia gawp uh hi.