Jeremiah 45:5 - Tedim Bible Revision 2017

⁵ Tua sung panin nang a peng thei tuam dingin kingaihsun na hi hiam? Tua bangin kingaihsun kei in; bang hang hiam cih leh en in, Topa in kong cih in ah, mi khempeuh tungah gimna ka tungsak ding hi. Ahih hangin nang pen na paina mun khempeuh ah kong suaktasak liailiai ding hi, ci hi,” ka ci hi.

Tedim Bible

⁵ Tua panin nang a peng thei tuam dingin kingaihsun na hi hiam? Tua bangin kingaihsun kei in; bang hang hiam cih leh, en in, Topa in kong cih-inah, mi khempeuh’ tungah gimna ka tung sak ding hi. Ahih hangin nang pen na paina mun khempeuh ah kong suakta sak liailiai ding hi,” a ci hi.

Jeremiah 45:5 Referans Kwoze

Jeremiah 39:18

Bang hang hiam cih leh nang kong hon khia taktak dinga, namsau tawh thahna na thuak kei ding hi. Topa in kong cih in ah, kei hong muang na hih manin na nuntakna na suahtak liailiai ding hi, hong ci hi,’ ci-in va gen in,” a hong ci hi.

Hebru 13:5

Sum deih luatna tawh na kipelh nadingun na nuntakna uh ah kikem unla, na neihzah uh tawh lungkim un. Pasian in, “Note ka hong nusia ngei kei dinga, ka hong tamasak ngei kei ding hi,” hong ci hi.

Jeremiah 21:9

Hih khuapi sunga om mi peuhmah namsau tawh ahi a, kial tawh ahi a, pulnatna tawh ahi zongin a si ding uh hi. Ahi zongin pusuak khia-in note a hong sim Khaldea mite kiangah a lut peuhmah suakta liailiai ding uh hi.

ROM (Romans) 12:16

Mi deidan loin a kibangin en un. Kiphasak loin mi neute tawh kikhawl thei unla, kipilsak se kei un.

Jeremiah 25:26

le a gamla hitaleh a nai hitaleh leilu lam a a om kumpite khempeuh khat khit ciangin khat ka dawnsak hi. Tua ciangin leitung a om gam khempeuh ka dawnsak hi. A tawpna ah Babylon kumpipa in a dawn ding hi.

Zefaniah 3:8

Topa in hih bangin thu gen a, “Tua ahih ciangin minamte ka mawhsak ni hun dong kei hong ngak phot dih un. Minamte le kumpi gamte kaikhawmin, ka hehna ka thuaksak ding, ka lungsim ka khensat khin hi. Ka hehluatna meikuang tawh leitung khempeuh kaang tum ding hi.

Jeremiah 38:2

Keimah in mite kiangah, “Topa in hong cih in ah: Hih khuapi sungah a om mi peuhmah namsau tawh ahi a, kial tawh ahi a, pulnatna tawh ahi zongin a si ding uh hi. Ahih hangin pusuak khia-in Babylon mite a beel peuhmah nungta dinga, suakta liailiai ding uh hi.

2 KUMPI NIHNATE 5:26

Ahih hangin Elisha in ama kiangah, “Nangmah a dawn dingin a leeng tung panin mipa a kihei laitakin nang tawh ka kha om khawm hi lo ahi hiam? Sum le puante, oliv huante le leenggui lote, tuute le bawngtalte, nasem numeite le nasem pasalte san ding hun ahi hiam?

Piancilna 6:12

Pasian in leitung en a, a kisiat gawp mu hi. Bang hang hiam cih leh leitungah mi khempeuh a sia-in a gamta lo kuamah om lo hi.

Isaiah 66:16

Bang hang hiam cih leh Topa in mei tawh thukhenna sem dinga, a mawh mi khempeuh tungah a namsau tawh thu khen dinga, Topa in a thah mite tam mahmah ding hi.

1 KUMPI MASATE 3:9

Tua ahih ciangin keimah in a sia le a pha ka theihtheih nadingin na mite uk nading thu theihtelna lungsim na nasem pa hong pia in. Bang hang hiam cih leh hih a lian a tam na mite kua in uk zo ding ahi hiam?” a ci hi.

1 KUMPI MASATE 3:11

Pasian in ama kiangah, “Nangmah in hih thu hong ngenin, nangma adingin khansauna ahi a, hauhna ahi a, na galte thah zawh nading ahi zongin hong ngen loin, a man thu na theih nadingin nang adingin thu theihtelna hong ngen na hih manin,

Late 131:1

Topa aw, ka lungsim kiliansak nawn lo a, kei ka kihisak nawn kei hi. Kei adingin a lian lua le a lamdang luate ngaihsutin ka nei kei hi.

Jeremiah 25:31

A awging, leimong dongah kithawn ding hi; bang hang hiam cih leh gamteʼ lang khat ah Topa pang hi. Amah in mi khempeuh thu sit dinga, namsau tawh migilote a that lum ding hi, Topa in ci hi,’ na ci ding hi.

Jeremiah 25:15

Topa, Israel miteʼ Pasian in kei hong hopih a, “Ka khuttung panin hehna tawh a kidim hih leenggahzu hai la inla, kong sawlna gamte khempeuh dawnsak in.

Jeremiah 25:16

Amaute in dawn ding uh a, amauteʼ kiang a ka sawl namsau hangin hoi dangdangin a hai lawh ding uh hi,” hong ci hi.