Jeremiah 45:1 - Tedim Bible Revision 2017

¹ Josiahʼ tapa Jehoiakim, Judah gamah kumpi a suah zawh kum li a cin ciangin Neriahʼ tapa Baruk in laibu khat sungah keima gen bangbang a gelh hi. Tua ahih ciangin Baruk kiangah,

Tedim Bible

¹ Josiah’ tapa Jehoiakim, Judah gamah kumpi a suah zawh kum li a cin’ ciangin Neriah’ tapa Baruk in kamsangpa Jeremiah’ gen bangbang laibu khat sungah a gelh hi. Tua ciangin Jeremiah in Baruk kiangah:

Jeremiah 45:1 Referans Kwoze

Jeremiah 36:1

Josiahʼ tapa Judah kumpipa Jehoiakim in a uk zawh kum li a phakna kumin Topa in kei hong hopih a,

Jeremiah 36:4

Tua ciangin kei zong Neriahʼ tapa Baruk ka sam a, Topa in keima tungah a hong gen khit sa thu khempeuh sitin Baruk in laizial khat tungah a gelh hi.

Jeremiah 32:12

Neriahʼ tapa ahi, Mahseiahʼ tupa Baruk kiangah ka pia hi. Tua laite, ka innlak sanggampa Hananel tawh, tua kileina laite tunga a min uh a gelh a hong theih pih mite tawh thong huang sunga a tu Judah mite tawh a omkim laitakun ka pia hi.

Jeremiah 36:32

Tua ciangin kei zong laizial dang khat la leuleu-in Neriahʼ tapa lai-at Baruk ka pia hi. Amah in zong Judah kumpipa Jehoiakim in meikhuk sungah a khul tum sa laizial sunga thu ki-at khempeuh, keima sit bangbangin a at hi. A thu kibang tampi zong ka gelhbehsak hi.

Jeremiah 32:16

“Neriahʼ tapa Baruk kiangah kileina lai ka piak khit ciangin Topaʼ kiangah thu ka ngen a,

Jeremiah 25:1

Josiahʼ tapa Jehoiakim, Judah gamah kumpi a suah zawh kum sawm li a cin kumin Judah mite tawh kisai-in Topa in Jeremiah a hopih hi. (Hih hun pen Babylon ah Nebukhadnezzar kumpi a suah kum ahi hi.)

2 KHANG TANGTHU NIHNATE 36:5

Jehoiakim in uk ding a kipatin kum sawm nih le nga pha a, amah in Jerusalem ah kum sawm le kum khat sung uk hi. Topa a Pasian mai ah amah a sia gamta hi.

Jeremiah 36:26

Tua ciangin kumpipa in kumpipaʼ tapa Jerahmeel pen Azrielʼ tapa Seraiah le Abdeelʼ tapa Shelemiah tawh, ka lai-at Baruk le keimah a man dingin thu a pia hi. Ahih hangin Topa in ko tegel a hong seelsim hi.

Jeremiah 26:1

Josiahʼ tapa Jehoiakim, Judah gam kumpi a suah tungin Topa in hih bangin Jeremiah hopih a,

2 KUMPI NIHNATE 24:1

Ama hun sungin Babylon kumpipa Nebukhadnezzar hong kuan to a, Jehoiakim kum thum sung ama nasem a suak hi. Tua ciangin Jehoiakim in amah lehdo hi.

Jeremiah 45:2

“Baruk aw, Topa, Israel miteʼ Pasian in nang hong hopih hi.

Jeremiah 46:2

Josiahʼ tapa Jehoiakim, Judah gamah kumpi a suah zawh kum li a phak hunin Babylon kumpipa Nebukhadnezzar in Eufratis gun gei Karkhemish khua ah Egypt kumpipa Faro Neko simin a zo hi. Egypt kumpipaʼ galkapte tawh kisai-in hih bangin a hong gen hi:

Jeremiah 51:59

Neriahʼ tapa, Mahseiahʼ tupa Seraiah pen Zedekiah kumpipaʼ thuvaan pa ahi hi. Kumpi Zedekiah in Judah gamah a uk zawh kum li ciangin Seraiah le kumpipa Babylon ah a pai uh hi. Tua hun laitakin keimah in Seraiah thu ka vaikhak hi.

Daniel 1:1

Judah kumpipa Jehoiakim kumpi a suah zawh a kum thumna kumin, Babylon kumpipa Nebukhadnezzar in Jerusalem khuapi simin a umcih hi.

Jeremiah 36:2

“Laizial khat la inla, tua sungah Josiah kumpi a suah kum, nang kong hopih masak hun a kipan tu ni ciang dong Israel gam le gamdang khempeuhteʼ lang khat ah ka thugente khempeuh gelh in.