Jeremiah 44:7 - Tedim Bible Revision 2017

⁷ “Tu-in Vanglian Topa Pasian, Israel miteʼ Pasian in kong genin ah: Bang hangin note in hih bangin noteʼ siat nadingin mawhna lianpi bawl na hi uh hiam? Judah gam sungah papi, nupi, naupang le naungek a kipan a nungta lai kuamah om nawn kei hen, cih na deihna uh ahi hiam?

Tedim Bible

⁷ Tu-in a vanglian Topa Pasian, Israel mite’ Pasian in kong gen-inah: Bang hangin’ note in hih bangin note’ siat nadingin mawhna lianpi bawl na hi uh hiam? Judah gam sungah papi, nupi, naupang leh naungek-a kipan a nungta lai kuamah om nawn kei hen, cih na deihna uh ahi hiam?

Jeremiah 44:7 Referans Kwoze

Habakkuk 2:10

Noteʼ vaihawmna mah in na mite uh tungah maizumna hong tun a, minam dangte na suksiatna uh tawh, note mahmahʼ siat nading a bawl na hi uh hi.

Jeremiah 51:22

papite le nupite, khanghamte le khangnote, tangvalte le nungakte,

Gamlak-vakna 16:38

amauʼ nuntakna a beina dongin a khial hih miteʼ paknamtui beelte a siangtho hi. Tua ahih ciangin biakna tau sitna kuangdai dingin seek un; bang hang hiam cih leh amaute in Topaʼ mai ah tuate pia uh hi. Tua ahih ciangin tua nate siangtho hi. Israel mite tungah tua bangin hih nate pen lim khat hi ding hi,” a ci hi.

Ezekiel 33:11

Amaute kiangah hih bangin gen in: Kei pen a nungta Topa Pasian ka hih mah bangin mawhnei mi khat a si ka muh ciangin nuam ka sa het kei hi. A mawh gamtatna khawlin a nuntak ding ka deih hizaw hi. Israel mite aw, na mawh gamtatnate uh khawl un. Bang hangin si nuam se na hi uh hiam?

Kah la 2:11

Ka kahkahna-in ka mit paat gawp ta a, ka lungsim gim lua mahmah hi. Ka mite a kisiatna hangin dahin husamin ka bah gawp hi. Naupangte le nungakte kongzing lakah sibup uh hi.

Jeremiah 44:14

Egypt gamah pai-in a teeng Judah mi a omlaite in a zuatkik nop uh ahi Judah gamah ciahkik thei nawn loin, khat beek suakta loin, zong a nungta suak kei ding uh hi. Galtai pawl khat longal khat beek a suakta kei ding uh hi,” a hong ci hi.

Jeremiah 9:21

Bang hang hiam cih leh tawlet vang panin sihna hong lut a, kumpipaʼ inn sungah zong sihna hong lut hi. Kongzing a naupangte vat mang a, sumbuk a tangvalte vatlum hi.

Jeremiah 7:19

Topa in kong cih in ah, tua hangin gimna a thuak, kei hi zenzen ka hi hiam? Hi lo hi. Amauʼ zum nadingin amau mah in a thuak uh hizaw hi lo ahi hiam?

Paunak 15:32

Kihilh ding a ut lote a mahmah a kisusia hi a, kithuhilh ding a utte pil semsem ding hi.

Paunak 5:22

Migilo paʼ mawhna thangzak bang hi a, ama mawhna thang sung mahah amah a awk hi.

1 SAMUEL MASA 15:3

Tu-in pai-in Amalek mite vat gawp unla, amauteʼ neih khempeuh susia mangkhin un. Amaute siit loin, numei le pasal, naupang le nawine laite, bawngtal le tuu, kalaoh le la, that un,’ ci hi,” a ci hi.

Thukhente 21:11

Hih bangin na hih ding uh hi: Pasal khempeuh le pasal tawh a lum khawm sa numei khempeuh na sumai ding uh hi,” ci-in thu pia uh hi.

Joshua 6:21

Tua ciangin amaute in khuapi sunga om khempeuh numei le pasal, a moi a ham, bawngtalte, tuute le late khempeuh namsau tawh that mangkhin uh hi.

Thu-hilhkikna 32:25

Namsau in gamlak ah amaute susia-in, inn sungah launa lianpi om dinga, tangval le nungak, naungek nawi nete, sam kangte tawh susia khawm ding hi.

Jeremiah 44:8

Note si-in, leitung a minam dang khempeuhte in hamsiatna-in a hong zat ding uh le hong simmawh nadingun bang hangin na khut uh tawh milim bawlin, na ten nadingun na zuat uh Egypt gamah pasian dangteʼ kiangah paknamtui halin kei hong hehsak na hi uh hiam?

Jeremiah 42:20

Na sih nadingun lam na pial khin uh hi. Bang hang hiam cih leh Topa na Pasian uh kiangah kei nong paisak uh a, ‘Ko adingin Topa i Pasianʼ kiangah thu hong ngetsak in. Topa i Pasian in a hong gen peuhpeuh ko kiangah hong gen in. Ko zong ka mang ding uh hi,’ na hong ci uh hi.

Jeremiah 26:19

“Tua hi napi, Judah kumpipa Hezekiah le Judah mi khempeuhte in amah that zenzen uh ahi hiam? Kumpipa in Topa zahtakin, Topaʼ pahtak ding a nget ciangin Topa in zong amauʼ tungah siatna tunsak dingin a gen sa khelkik zaw hi lo ahi hiam? Ahih hangin eite in eiteʼ tungah siatna lianpi khat i tungsak dektak hi,” a ci uh hi.

Jeremiah 25:7

Ahih hangin Topa in kong cih in ah, note in ka thu nong ngai kei uh a, noteʼ gim ngah nading mahin na khut uh tawh milim bawlin nong hehsak uh hi.

Paunak 8:36

Ahi zongin kei hong mu lo mi, a mahmah a kisusia hi a, kei hong mudah peuhmah, a si nuam ahi hi,” hong ci hi.

Paunak 1:18

Ahi zongin mite in amauʼ awk nading mah thangsiah uh a, kuamah dang awk loin, amau mah hai awk uh hi.

1 SAMUEL MASA 22:19

Amah in siampiteʼ khuapi Nob khua sunga om nuntakna a nei khempeuh numei le pasal, naupang le nawine, bawngtalte, late le tuute, namsau tawh a that khin hi.

Jeremiah 3:24

“Ahih hangin i neu lai a kipan a zumhuai Baal pasian i biakna hangin i pu i pateʼ biakna ahi tuu le bawngte, a tapate le a tanute khempeuh uh i sum khinzo hi.

Kah la 2:22

Kei a hong dipkuasak dingin ka galte pen pawi siim ding bangin na sam a, amaute in hong umcih uh hi. Nangma heh ni-in a suakta zo khat beek a om kei hi. Ka hawmthawh ka it ka tate a hong thahsak uh hi.

Jeremiah 25:6

Pasian dangteʼ nung delh loin, a na sem loin na biak kei uh a, na khut uh tawh na bawl uh milimte peuh bia-in na hehsak kei nak uh leh, note bangmah hong cih kei ding hi,’ ci-in hong gen uh hi.

Jeremiah 38:17

Tua ciangin keimah in Zedekiah kiangah, “Topa, Vanglian Pasian, Israel miteʼ Pasian in hong genin ah, Babylon kumpipaʼ uliante na belh leh na nuntakna hong kimap dinga, hih khuapi in zong mei tawh hal tum na thuak loin nang le na innkuanpihte na nungta ding uh hi.

Ezekiel 9:6

Puteek, nungak, tangval, numei, naupang dong takin va that lum unla, ahi zongin a taltang ah ciaptehna a nei peuhmah su kei un. Hih ka biakinn mahmah panin kipan pah un,” a cihna ka za hi. Tua ahih manin tua biakinn sungah a ding Israel makaite, kipatna-in a nei pah uh hi.