Jeremiah 44:6 - Tedim Bible Revision 2017

⁶ Tua ahih manin Judah gam khuapite sung le Jerusalem khua kongzing lakah ka hehna le ka thangpaihna ka bua a, ka kuangsak hi. Tu ni-a na muh uh bangin tuate kisia-in gamlak suak khinta hi.

Tedim Bible

⁶ Tua ahih manin Judah gam khuapite’ sung leh Jerusalem khua kongzing lakah ka hehna leh ka thangpaihna ka bua-a ka kuangsak hi. Tu ni-a na muh uh bangin tuate kisia-in gamlak suak khin ta hi.

Jeremiah 44:6 Referans Kwoze

Jeremiah 7:20

Tua ahih manin Topa in kong cih in ah: En in, ka hehna le ka thangpaihna hih munah ka bua dinga, mihingteʼ tung le ganhingteʼ tung, lo lai-a singkungte le leilak a singgahte tungah ka sung ding hi. Ka hehna mei bangin kuang dinga, kisumit lo ding hi.

Ezekiel 8:18

Tua ahih manin amaute in ka heh mahmahna thuak ding uh a, amaute zah loin, zong ka khasiat kei ding hi. Amaute in a thaneih tawpun kei kiangah thu hong nget uh hangin amauteʼ thungetna ka ngai kei ding hi,” a hong ci hi.

Jeremiah 42:18

“Bang hang hiam cih leh Vanglian Topa, Israel miteʼ Pasian in kong cih in ah: Jerusalem khua ah a teeng miteʼ tungah ka hehna le ka thangpaihna a kibuak bangmahin Egypt gamah na pai uh leh note tungah ka hehna hong kibua ding hi. Mite in note hong lipkhap dinga, kihamsiatna-in hong zangin hong zahko ding uh hi. Note in hih mun na mukik nawn kei ding uh hi, ci-in gen hi,” ka ci hi.

Jeremiah 21:5

Kei mahmah in hehna le thangpaihna lianpi tawh ka khut zanin, a hat mahmah ka khut tawh note kong do ding hi.

Jeremiah 7:34

Tua ciangin Judah gam khuapite le Jerusalem khua kongzing lakah gualnopna le lungdamna awte le zi nei thakte le mothakteʼ awte ka gingsak nawn kei ding hi; bang hang hiam cih leh tua mun kinusia ding hi.

Isaiah 51:20

Na mite gim khin a, ngenthang sungah a awk sanang bangin lam kiu khempeuh ah amaute lum uh hi. Topa’ hehna, na Pasianʼ taina amaute in a thuak uh hi.

Isaiah 51:17

Topa’ khut sung panin ama gimpiakna hai a dawn khin, hoina haipi a tawdat dongin a dawn khin Jerusalem aw, nangmah kisosuah tawm in. Nangmah kihanthawn tawm inla, ding tang to in.

Isaiah 6:11

Tua ciangin keimah in, “Topa aw, bang tanvei sawt ding ahi hiam?” ka ci hi. Amah in, “Khuapi ah a teeng kuamah om loin hawm suakin, innte ah kuamah om loin, leitang pen gamkhing suak kiuhkeuhin,

Nahum 1:2

Topa Pasian in amah a demte koihkhong lo a, amah a langpangte gim pia-in a galte thukkik hi.

Daniel 9:12

Na gen sa bangin kote tung le ko hong ukte tungah na hong bawl zo hi. Leitung a om khuapi dang khatpeuh sangin Jerusalem khuapi a nasia zaw-in gim na pia hi.

Ezekiel 24:13

Jerusalem aw, na gamtat hoih lohnate in nang hong ninsak khin hi. A siansuah dingin kong hanciamciam hangin a nin mahin na om lai veve hi. Ka heh mahmahna na thuak khit matengin na siangkik ngei kei ding hi.

Ezekiel 24:8

Ka heh suakin a phu a kilak theih nadingin a manthanʼ theih loh nading munah a sisante a tua ci-in ka omsak hi.

Ezekiel 20:33

“Kei pen a nungta Topa Pasian ka hih mah bangin, khut khauh tak le ka vangliatna le ka hehna tawh note kong uk gawp taktak ding hi.

Ezekiel 6:12

A gamla a om mite cina-in si ding uh a, a nai-a omte gal sungah si ding uh hi. A om lai sunte gil kialin puksi ding uh hi. Amaute in keima hehna thuak ding uh hi.

Ezekiel 5:13

“Ka lung a kim dongin kong hih dinga, ka hehna le ka sinsona teng na thuak ding uh hi. Note tungah hih thute hong tun ciangin, noteʼ cihtak lohna hangin deihsak luatna tawh a hong heh pau ka hihna na phawk ding uh hi.

Jeremiah 36:7

Topaʼ tungah amaute thumin a vekpi-un a hoih lohna uh panin a kihei thei kha ding uh hi. Bang hang hiam cih leh hih miteʼ tungah Topa in tunsak dingin a gen sa a hehna le a thangpaihna lian mahmah hi,” ka ci hi.

Jeremiah 4:4

Judah mite le Jerusalem khua mite aw, Topaʼ thu zui unla, lungsim takpi tawh zui un. Na tua cih kei uh leh na bawl uh mawhnate hangin ka hehna mei bangin hong kuang khia dinga, a phelh zo kuamah om lo ding hi,” a ci hi.

Siampi Laibu 26:28

note ka hong heh ngawh bawl dinga, noteʼ khialhna hangin a zah sagih vei-in kong thuhilh ding hi.

Siampi Laibu 26:31

Keimah in na khuapite uh siasakin, na biakna munte uh gamkhing ka suaksak dinga, nomauʼ hong biakna a gim namtuite ka diik kei ding hi.

Isaiah 1:7

Na gam uh khing a, na khuapite uh mei tawh kihal hi. Na muh tangpi mahun gamdang mite in na gam uh hong laksakin na khempeuh susia gawp hi.

Jeremiah 4:27

Bang hang hiam cih leh Topa in, “Gam buppi, gamlak suak dinga, ahih hangin ka susia sam kei ding hi.

Jeremiah 7:17

Judah gam khuapite sung le Jerusalem khua kongzing lakah bang hih uh cih mu lo na hi hiam?

Jeremiah 34:22

En un, Topa in kong cih in ah, keimah in thu ka pia dinga, hih khuapi ah hong paikik ding uh hi. Amaute in hih khuapi hong simin, hong la-in mei tawh hong halsak ding uh hi. Judah gam khuapite kuamaʼ ten lohna mun awng ka suaksak ding hi,” a hong ci hi.

Kah la 1:13

Amah in vantung panin meikuang hong khia suk a, ka sung lam a hong kang hi. Amah in thang hong siah a, awkin leilak ah ka kipuk hi. Tua bangin natna ka thuak tawntung hi.

Ezekiel 20:34

Gam khempeuh ah note kong thehthangna panin kong kaihkhopkik ciangin note tungah ka vangliatna le ka hehna kong lak ding hi.

Zekhariah 1:2

Topa in Zekhariah kiangah, “Mite tungah hih bangin thu gen in: ‘Na pu na pate uh tungah Topa ahi keimah ka heh mahmah hi.

Zekhariah 7:14

Tua ahih manin Topa in, “Huihpiʼ mutkhiat bangin amaute thehthang gawpin, a theih ngei nai lohna uh gam dangah amaute teeng ding uh hi. Amauʼ nusiat leitang hoih zong gamkhing suak dinga, a tungah kuamah om nawn loin daicip ding hi,” a ci hi.

Jeremiah 8:3

Hih a gilo minamteʼ lakah a om lai sunteng in ka hawl khiatna munah nuntak ding sangin sih ding a teel zaw ding uh hi, Vanglian Topa in kong ci hi.

Jeremiah 44:22

Topa in na hoih lohnate uh le na bawl uh kihhuainate hangin note hong thuak zo nawn lo hi. Tua ahih manin tu ni mahmah in zong na gam uh gamlak suak khin a, miteʼ kihamsiatna suakin kuamah teeng nawn lo hi.

Kah la 1:1

Khat vei lai-in mi a dimtakin a teenna Jerusalem khuapi bangzah takin gamdai ahi hiam? Leitung bup in a zahtak khuapi tu-in meigong tawh a kibang ta hi. Leitung a om khuapi khempeuhteʼ lak panin a thupi pen khuapi tu-in salin a kiman khinzo hi.

Kah la 5:18

Zion mual gamdai ta a, kinusia khin ahih manin se-alte a kawi vak ta hi.

Zekhariah 1:6

Ahi zongin ka nasem ahi kamsangteʼ tungtawnin ka hilhkholhna le ka thupiaknate in note dongin hong su kha lo ding sa na hi uh hiam, ka ci hi. Tua ahih ciangin a tawpna ah amaute kisik uh a, hih dinga ka lungsimah ka geel sa bangin amauʼ gamtatna tawh kizui-in gim a pia ka hihna thu a phawk uh hi,’ ci in,” a ci hi.