Jeremiah 44:10 - Tedim Bible Revision 2017

¹⁰ Tu ni ciang dong note na kiniamkhiat kei uh a, kei hong zahtak loin, note le na pute na pate uh tungah kong piak ka thukhamte le ka ngeinate na zui kei uh hi.

Tedim Bible

¹⁰ Amaute in tuni ciang dong kiniamkhiat lo uh a, hong zaktak loin, note leh na pute na pate kianga kong piak ka thukhamte leh ka ngeinate na zui kei uh hi.

Jeremiah 44:10 Referans Kwoze

Paunak 28:14

Topa a zahtak tawntungte pen mi nuamsa hi a, a lungkhauh mite in lungkhamna tuak ding uh hi.

Mangmuhna 15:4

Topa aw, nang, kua in hong kihta lo dinga, na liatna hong phat lo ding ahi hiam? Nang bek na siangtho hi. Thumanin na sepnate mi khempeuh in mu uh ahih manin minam khempeuh nang kiangah hong pai-in, na mai ah hong bia ding uh hi,” a ci uh hi.

1 PETER MASA 5:6

Pasian in ama hoihsak hun ciangin note hong lap toh theih nadingin a thahat Pasianʼ khutnuai ah kiniamkhiatin na om un.

Jeremiah 8:12

Hih a kihhuai nate a sep uh ciangin a maizum beek uh hiam? Maizum beek lo uh a, kisuang thei beek lo uh hi. Tua ahih manin a site lak mahah amau zong si ding uh a, gim ka piak ni ciangin a kilawn khia ding uh hi, Topa in kong ci hi.

ROM (Romans) 11:20

Tua pen thuman ahi hi. Amaute in a up lohna hangun a kisat khia hi a, note in na upna hangun amauteʼ munah a om na hi uh hi. Tua ahih manin kiphatsakna lungsim nei kei unla, lamdangsakna tawh om khikhe zaw un.

Luka 23:40

Ahi zongin a khat pa in a lawmpa taii a, “Pasian nangawn kihta lo na hi hiam? I vekpi-in gim hong kipiakna kibang kim hi.

Mattiu 27:54

Jesu enin a om galkap bupa le galkapte in zinlinna le a thupiangte a muh uh ciangin lamdang sa mahmah uh a, “Hih pa, Pasianʼ Tapa taktak mah ahi hi,” a ci uh hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun ding hi. Bawng khumna panin a kikhah bawngnote bangin suakta-in nuam na sa ding uh hi.

Ezekiel 9:4

“Jerusalem khua sung khempeuh ah pai kawikawi inla, hih khuapi sungah a muhdahhuai gamtatnate a kisepna hangin dahin a lungkham mi khempeuhteʼ taltang ah ciaptehna va bawl in,” ci-in a sawl hi.

Jeremiah 36:24

Ahih hangin kumpipa ahi a, hih thute a za khin a nasemte khat beek ahi zongin lau tuan loin, kisikkik lo uh ahih manin a puan uh a bal kek kei uh hi.

Jeremiah 10:7

Gam khempeuhteʼ Kumpipa aw, nang a hong kihta lo ding kua om ahi hiam? Nang, kihtak ding mah na hi hi. Bang hang hiam cih leh leitung mipil khempeuhte le amauʼ gam sung khempeuh lakah nang tawh a kibang kuamah om lo hi.

Isaiah 66:2

Hih nate khempeuh keima bawl sa ahih manin hih nate khempeuh keima-aʼ ahi hi, Topa in ci hi. Ahih hangin kiniamkhiatin, lungsim a kitamzan mipa, keima thu ah lau-in a liing kelkel pa, keima deih mipa ahi hi.

Isaiah 57:15

Bang hang hiam cih leh a sang, a lian, a nungta tawntung Pa, ama min Siangtho ahi pa in hih bangin ci hi: “Kei pen a sangna mun le a siangtho munah ka om a, a kiniamkhiat miteʼ lungsim le a kisik miteʼ lungsim a thakhauhsakkik dingin kisikna le kiniamkhiatna lungsim a neite tawh zong kei ka om khawm hi.

Paunak 16:6

Thumanna le cihtakna mawhmai ngahna hi a, Topa zahtakna siatna tawh kipelhna ahi hi.

Paunak 14:16

Mipilte kidawmin siatna panin kihem a, mihaite in thu ngaihsun masa loin gamta pahpah hi.

Paunak 8:13

Topa zahtakna pen thusia muhdahna hi a, kiphatsakna le kihihsakna, gamtat sia le thuzuau ka mudah hi.

Late 51:17

Pasianʼ san theih biakna pen lungsim kitamzan ahi hi. Pasian aw, a kitamzan, a kisik lungsim na simmawh kei ding hi.

Late 34:18

Lungsim kitamzante kiangah Topa hong om a, lungsim zan gawpte a hon hi.

2 KHANG TANGTHU NIHNATE 34:27

hih mun le a tunga teengte langpanna ama kammal na zak ciangin na lungsim kisikin Pasianʼ mai ah na kiniamkhiat a, keima mai ah nang kiniamkhiatin na puante bal kekin ka mai ah kap na hih manin, kei zong nang kong za hi, Topa in ci hi.

2 KHANG TANGTHU NIHNATE 33:19

Tua ciangin ama thungetna le ama kutna Pasian in a sanna le ama khialhna le a cihtak lohna khempeuh le amah a kiniamkhiat ma-in mual dawna biakpiaknate bawlin Asherah-te le milim dangte a koihna munte thu, Thumuteʼ Khang Tangthu sungah kigelh hi.

2 KHANG TANGTHU NIHNATE 33:12

Amah a lungkham ciangin Topa a Pasian kunh-in a pu a pateʼ Pasianʼ mai ah nakpi takin a mahmah kiniamkhiat hi.

2 KHANG TANGTHU NIHNATE 32:26

Ahi zongin a nung ciangin Hezekiah a lungsim kiphatsakna thu ah amah le Jerusalem-a teeng mite tawh kiniamkhiat uh ahih manin amauteʼ tungah Topaʼ hehna hong tung lo hi.

2 KUMPI NIHNATE 22:19

amaute gamkhing le samsiat a ngahte a suah nadingin hih mun le a tungah a teeng mite tungah ka kampauna na zak ciangin na lungsim kisikin Topaʼ mai ah nang mahmah kiniamkhiatin, na puante bal kekin ka mai ah na kahna thu, keimah in zong ka za hi, Topa in ci hi.

1 KUMPI MASATE 21:29

“Keima mai ah bangzahin Ahab a kiniamkhiatna na mu hiam? Keima mai ah amah kiniamkhiat ahih manin ama hun sungin siatna ka tungsak kei ding hi. Ahih hangin a tapaʼ hun sungin ama innkuan tungah siatna ka tungsak ding hi,” a ci hi.

Paikhiatna 10:3

Tua ahih ciangin Faroʼ kiangah Moses le Aaron pai-in ama kiangah, “Hebru miteʼ Pasian, Topa in hih bangin ci hi: ‘Ka mai ah nang na kiniamkhiat nading bang tanvei nial ding na hi hiam? Amaute in keimah hong biak theih nadingin ka mite paisak in.

Paikhiatna 9:30

Ahih hangin nang le na nasemte in ahihleh, Topa Pasian na zahtak nai lohna uh ka thei hi,” a ci hi.

Paikhiatna 9:17

Ka mite tungah nang kiliansak lai-in amaute na paisak kei hi.

Late 78:10

Amaute in Pasianʼ thuciamna zui lo uh a, ama thukham bangin gamta nuam lo uh hi.

Jeremiah 6:15

Hih a kihhuai nate a sep uh ciangin a maizum beek uh hiam? Maizum beek lo uh a, kisuang thei beek lo uh hi. Tua ahih manin a siteʼ lak mahah amaute zong si ding uh a, gim ka piak ni ciangin a kilawn khia ding uh hi,” Topa in hong ci hi.

Jeremiah 26:4

Nangmah in amaute kiangah, ‘Topa in hih bangin ci hi: Note in ka thu hong ngai loin, note mai-a kong lah sa ka thukham bangin na gamtat kei uh a,

Jeremiah 32:23

Amau zong lutin a luah pah uh hi. Ahih hangin amaute in na thu hong mang loin, thukham hong zui lo uh a, hih dinga na thupiakte khat beek a hih kei uh hi. Tua ahih manin amaute tungah hih siatna khempeuh na tungsak hi.

Jeremiah 44:23

Note in paknamtui halin, Topaʼ tungah mawh tham loin, Topaʼ thu mang loin ama thukhamte, a ngeinate le a hong thupiakte zui lo na hih manun tu ni mahmah in zong hih gimna note tungah hong tung ahi hi,” ka ci hi.

Isaiah 42:24

Kua in a sut gawp pa tungah Jakob pia a, a luh gawpte tungah Israel pia ahi hiam? Topa mahmah in a piak hi lo ahi hiam? Ama tungah eite i khial hi. Ama hong deih bangin i nungta kei a, ama hong thuhilhnate i mang kei hi.

Jeremiah 5:3

Topa aw, nangmah in thuman en gige hi lo na hi hiam? Nangmah in amaute na sat hangin a awlmawh tuan kei uh hi. Na suk gawp hangin na thuhilhna a ngai tuan kei uh hi. Amauteʼ maitang suangtum sangin sak zaw a, a kisik nuam kei uh hi.