Jeremiah 43:9 - Tedim Bible Revision 2017

⁹ “Suangtum gol pawl khat la inla, Tahpanhes khua Faro kumpi inn lutna suangphah nuai ah phum in. Na phum lam Judah mi khempeuh musak in.

Tedim Bible

⁹ “Suangtum gol pawlkhat la in la, Tahpanhes khua Faro kumpi inn lutna suangphah nuaiah phum in. Na phum lam Judah mite khempeuh kimusak in.

Jeremiah 43:9 Referans Kwoze

Mangmuhna 18:21

Tua ciangin a thahat vantungmi khat in an gawina suang tawh a kibang suang lianpi khat la-in tuipi sung denna a, “A lian Babylon khuapi hih bangin kilawn dinga, kimukik ngei nawn lo ding hi.

Sawltak 21:11

Koteʼ kiangah amah hong pai-in Paulʼ kawnggak hong laksak a, tua kawnggak tawh ama khut le a khete a gakcip khit ciangin, “Kha Siangtho in, ‘Jerusalem khua sungah hih bangin Jew mite in hih kawnggak nei pa hencip dinga, Gentail miteʼ khut sungah pia ding hi,’ ci hi,” a hong ci hi.

Nahum 3:14

Hong ki-umcihna na nan nadingin tui tawi-in na kulhte ciang beh inla, leiseek a seek dingin buan cilin, leiseekna kuang a baih sa-in nei talecin zong,

Hosea 12:10

Kamsangte tungah thu ka gen hi. Maangmuhna a banbanin pia-in, kamsangte tungah thu gentehna tawh thu a gen pa zong keimah ka hi hi.

Ezekiel 4:1

Tua khit ciangin, “Mihing ahi Ezekiel aw, leiseek khat la-in na mai ah koih inla, Jerusalem khuapi lahna-in tua leiseek tung git in.

2 SAMUEL NIHNA 12:31

Amah in a sunga om mite paikhiat pihin singatnate, tuzumte le heite tawh na a sem dingin koih a, leiseek seekna ah amaute na semsak hi. Tua bangin Ammon miteʼ khuapi khempeuh a hih hi. Tua ciangin David le mi khempeuh Jerusalem ah a ciah uh hi.

Paikhiatna 1:14

buan le leiseek tawh nasepna le lo sungah nasep namkim khempeuh tawh amauʼ nuntakna haksasak uh hi. Israel miteʼ sepna khempeuh ah amaute in a gim mahmah in semsak uh hi.

Jeremiah 43:8

Tua ciangin Tahpanhes khua ah Topa in kei hong hopih a,

Jeremiah 43:10

Tua ciangin amaute kiangah, ‘Vanglian Topa, Israel miteʼ Pasian in hong genin ah: En un, keimah in ka nasem pa ahi Babylon kumpipa Nebukhadnezzar ka la dinga, hih ka suang phumte tungah ama kumpi tokhom hong phut dinga, tuate tungah a kumpi puanbuk a lam ding hi.

Jeremiah 44:30

Topa in kong genin ah: ‘En un, Judah kumpi Zedekiah, a galpa ahi amah a that nuam Babylon kumpipa Nebukhadnezzarʼ khut sungah ka piak mah bangin Egypt kumpipa Faro Hofra, a galteʼ khut sung, amah a that nuam miteʼ khut sungah ka pia ding hi,’ hong ci hi,” ka ci thuah lai hi.

Jeremiah 25:19

Egypt kumpipa Faro le a nasemte, a kumpi uliante;