Jeremiah 43:3 - Tedim Bible Revision 2017

³ Neriahʼ tapa Baruk in Babylon miteʼ khut sungah kote hong pia nuamin, hong kithah nading ahih kei leh Babylon ah saltang dingin hong kilak theih nading deih ahih manin ko a hong langpang dingin nang a hong zang ahi zaw hi,” a hong ci uh hi.

Tedim Bible

³ Neriah’ tapa Baruk in Khaldea mite’ khut sungah kote hong pia nuam-in hong kithah nading ahih kei leh Babilon-ah sal tang dinga hong kilak theih nading deih ahih manin ko a hong langpang dingin nang hong zang ahi zaw hi,” a ci uh hi.

Jeremiah 43:3 Referans Kwoze

Jeremiah 43:6

Papi, nupi, naupang, kumpipaʼ tanute a kipan kumpi cing galkap maang Nebuzaradan in Ahikamʼ tapa, Shafanʼ tupa ahi Gedaliahʼ kep dingin a nusiat mi khempeuh a paipih uh hi. Neriahʼ tapa Baruk le kei zong a hong kipaipih hi.

Jeremiah 38:4

Tua ciangin kumpipaʼ uliante in kumpipa kiangah, “Hih mipa i that lum ding hi. Bang hang hiam cih leh hih thute a gen manin hih khuapi sungah a om lai galkapte le mi khempeuhte lungkiasakin tha zawsak hi. Hih mipa in i gam miteʼ phattuam nading zong loin a gim ngah nading uh a zong zaw ahi hi,” a ci uh hi.

Jeremiah 36:26

Tua ciangin kumpipa in kumpipaʼ tapa Jerahmeel pen Azrielʼ tapa Seraiah le Abdeelʼ tapa Shelemiah tawh, ka lai-at Baruk le keimah a man dingin thu a pia hi. Ahih hangin Topa in ko tegel a hong seelsim hi.

Jeremiah 36:10

Tua ciangin Topaʼ biakinn sung, a Kongpi Thak tumna gei, a dei tungnung a Shafanʼ tapa thuvanpi pa Gemariahʼ inn dei sungah mi khempeuhʼ zakin Baruk in laizial sunga ka gelhsak kammalte a sim khia hi.

Jeremiah 36:4

Tua ciangin kei zong Neriahʼ tapa Baruk ka sam a, Topa in keima tungah a hong gen khit sa thu khempeuh sitin Baruk in laizial khat tungah a gelh hi.

Luka 6:26

“Mi khempeuh in note hong pahtakbawl ciangin gimna a thuak ding na hi uh hi. Bang hang hiam cih leh a pu a pate un zong tua bangmahin kamsang zuaute a pahtakbawl uh hi.

Late 109:4

Amaute ka itna, amaute adingin thu ka ngetsakna nangawn amaute in hong thukna-in kei hong mawhsak uh hi.

Jeremiah 32:12

Neriahʼ tapa ahi, Mahseiahʼ tupa Baruk kiangah ka pia hi. Tua laite, ka innlak sanggampa Hananel tawh, tua kileina laite tunga a min uh a gelh a hong theih pih mite tawh thong huang sunga a tu Judah mite tawh a omkim laitakun ka pia hi.

Jeremiah 41:18

Bang hang hiam cih leh Babylon mite a kihta uh hi. Babylon kumpipa in gam uk dingin a koih Ahikamʼ tapa Gedaliah pen Nethaniahʼ tapa Ishmael in suam lum ahih manin a kihta uh ahi hi.