Jeremiah 43:10 - Tedim Bible Revision 2017

¹⁰ Tua ciangin amaute kiangah, ‘Vanglian Topa, Israel miteʼ Pasian in hong genin ah: En un, keimah in ka nasem pa ahi Babylon kumpipa Nebukhadnezzar ka la dinga, hih ka suang phumte tungah ama kumpi tokhom hong phut dinga, tuate tungah a kumpi puanbuk a lam ding hi.

Tedim Bible

¹⁰ Tua ciangin amaute kiangah, “A vanglian Topa, Israel mite’ Pasian in hong gen-inah: En un, Keimah in ka nasempa ahi Babilon kumpipa Nebukhadnezzar ka la ding a, hih ka suang phumte’ tungah ama’ kumpi tokhom a phut ding a, tuate tungah a kumpi puanbuk a lam ding hi.

Jeremiah 43:10 Referans Kwoze

Jeremiah 1:15

Bang hang hiam cih leh leilu lamah a om gam khempeuh keimah in ka sam a, amaute hong pai-in Jerusalem khua kongpite ah ahi zongin, khua kimkot a kulh kiimte ah ahi zongin, Judah gam khuapi khempeuh kiimte ah ahi zongin a kumpi tokhomte uh hong phut ciat ding uh hi.

Isaiah 44:28

‘Sairas kumpipa pen ka tuucingpa hi a, ka deihna teng tungsak ding hi,’ a ci pa; ‘Jerusalem kilamkik dinga,’ biakinn pen, ‘Na bulpi kiphutkik ding hi,’ a ci Topa ka hi hi,” a ci hi.

Late 31:20

Miteʼ sawm simna panin na omna huam sungah amaute na seel a, kitotna mun panin na buk sungah a muanhuai-in amaute na kem hi.

Late 27:5

Bang hang hiam cih leh haksat hun ciangin amah in a buk sungah kei hong seel ding hi. A puanbuk khuhna nuai ah kei hong seel dinga, a sangna suang tungah kei hong koih ding hi.

Late 18:11

A kimkot ah a ki-um nadingin khuamial bawl a, a tung kikhuh nadingin meii sahpi le tui tawh a zingsak hi.

Mattiu 22:7

Kumpipa zong heh mahmah a, a galkapte kuansakin tua mi thatte a thahsak khit ciangin a khua a hal tum sak hi.

Daniel 2:21

Amah in hun le khuahunte kheel a, kumpite koihin lah a la khia hi. Amah in mite tungah pilna le theihna a pia hi.

1 KUMPI MASATE 20:16

Tua ciangin Benhadad, bukte sungah amah a huh kumpi sawm thum le nihte tawh zukhamin a om laitak sun hunin amaute kuan khia uh hi.

1 KUMPI MASATE 20:12

Bukte sungah kumpite tawh zu ne-in Benhadad a om laitakin hih thu a zak ciangin amah in a mite kiangah, “Panmun la un,” a ci hi. Tua ciangin amaute in khuapi a sim gawp dingin panmun a la uh hi.

Isaiah 45:1

Kulh kongpi sungah a lut theih nadingin ama mai ah kongkhakte a honsak ding, kumpiteʼ vangliatnate a lakkhiatsak ding, ama mai ah minam dangte a zawhsak dingin, a taklam khutin a let, a sathau nilh pa Sairas tungah Topa in hih bangin ci hi:

Jeremiah 43:9

“Suangtum gol pawl khat la inla, Tahpanhes khua Faro kumpi inn lutna suangphah nuai ah phum in. Na phum lam Judah mi khempeuh musak in.

Jeremiah 46:13

Egypt gam a sim dingin Babylon kumpipa Nebukhadnezzarʼ hong paina tawh kisai-in Topa in hih bangin kei kiangah a hong gen hi:

Ezekiel 5:12

Note seh thum suah seh khat pen cina le gil kialin khuapi sungah na si ding uh hi. Seh thum suah seh khat, khuapi kiimah namsau-in na si ding uh hi. A om lai seh thum suah seh khat ahihleh mun khempeuh ah hong thehthangin namsau tawh kong delh ding hi.

Jeremiah 49:38

Topa in ka cih in ah, Elam gamah a kumpipa uh le kumpi uliante thatin ka kumpi tokhom ka phut ding hi.