Jeremiah 42:6 - Tedim Bible Revision 2017

⁶ Nang kong sawlna uh Topa i Pasianʼ hong gen bangbang hoih taleh sia taleh ka mang ding uh hi. Bang hang hiam cih leh Topa i Pasianʼ thu mang leeng, ei adingin na hong hoih ding hi,” a hong ci uh hi.

Tedim Bible

⁶ Nang kong sawlna uh Topa i Pasian’ hong gen bangbang hoih taleh sia taleh ka mang ding uh hi. Bang hang hiam cih leh Topa i Pasian’ thu mang leng, ei’ adingin na hong hoih ding hi,’ a ci uh hi.

Jeremiah 42:6 Referans Kwoze

Jeremiah 7:23

Ahih hangin, ‘Ka thu hong mang un; tua hileh noteʼ Pasian ka hi dinga, note pen ka mite na hi ding uh hi. Note adingin a hoih zawk nadingin na khempeuh ah kong thupiak bang na zui un,’ ci-in thu ka pia zaw hi.

Thu-hilhkikna 5:29

Amaute le a suan a khakte uh a nopsak tawntung theih nadingun keimah zahtak ding le ka thupiak khempeuh zuih ding hih bang ngaihsutna nei tawntung le-uh ka deih ahi hi.

ROM (Romans) 8:7

Mi khatpeuh in ama pumpi deihna a ki-uksak ciangin Pasianʼ thukhamte zui lo ahih manin Pasianʼ gal suak a, a zuih nop hangin zong zui thei lo hi.

Thu-hilhkikna 5:33

Note nungta-in, nuamsa-in na luah ding uh leitang ah sawtpi na nuntak nadingun Topa na Pasian un note hong thupiakna lampi khempeuh na tawn ding uh hi.

ROM (Romans) 7:13

Tua ahihleh a hoih na khat in keiʼ sih nading hong piangsak ahi hiam? Hi lo hi. Tua sihna pen mawhnaʼ nasepna hi a, mawhna pianzia bangci bang taktak hiam, cih a kitheih nadingin a hoih na khat zangin kei tungah sihna a hong piangsak ahi hi. Tua ahih manin thukham a om manin mawhna a siahuai mahmah ahihna hong kilang zaw kan lai hi.

ROM (Romans) 7:7

Tua ahihleh Thukham mahmah pen a siahuai ahi hiam? A sia hi lo hi. Mawhna bang hiam cih Thukham in hong theitelsak hi. Thukham in, “Hazatna lungsim nei kei in,” ci-in gen lo hileh, haza i cih bang ahi hiam, ci-in ka thei kei ding hi.

Isaiah 3:10

Amaute tungah thu hoih ding hi, ci-in thuman mite kiangah hih thu gen un. Bang hang hiam cih leh amaute in amauʼ gamtat hoih thaman ngah ding uh hi.

Late 128:2

Na khut tawh na sep thaman na ne dinga, na lungdamin na maavang ding hi.

Joshua 24:24

Mite in Joshua kiangah, “Topa i Pasianʼ na ka sem ding uh a, ama thu ka mang ding uh hi,” a ci uh hi.

Paikhiatna 24:7

Tua ciangin amah in thuciamna laibu la-in, miteʼ zakin tua laibu a sim hi. Amaute in, “Topaʼ gen sa khempeuh kote in ka hih ding uh a, kote ka thumang ding uh hi,” a ci uh hi.

Thu-hilhkikna 5:27

A nai ah va pai inla, Topa i Pasian in a gen ding khempeuh va za in. Topa i Pasian in nang tungah hong gen teng koʼ tungah nang hong gen sawn in. Kote in hong mangin ka sem ding uh hi,’ nong ci uh hi.

Jeremiah 22:15

Taamtak sing tawh inn na lam manin kumpi kisa na hi hiam? Na pa in an ne tui dawn a, thumanna le diktatna tawh na a sep manin a maa pai hi lo ahi hiam?

Jeremiah 43:4

Tua ahih manin Kareahʼ tapa Johanan le galkap maangte khempeuh a kipan mi khempeuh in Judah gamah om suakna ding Topaʼ thugenna a mang kei uh hi.

Late 78:36

Ahih hangin amaute in a kampi bek uh tawh amah phat khem uh a, a leii uh tawh ama tungah zuaugen uh hi.