Jeremiah 42:5 - Tedim Bible Revision 2017

⁵ Tua ciangin amaute in kei kiangah, “Topa na Pasian in kote adingin nang tungah a hong gen bangbang ka zuih kei tak mah uh leh Topa in mantakin thei tahen.

Tedim Bible

⁵ Tua ciangin amaute in Jeremiah kiangah, “Topa na Pasian in kote’ ading-a nang’ tunga a hong gen bangbang ka zuih kei tak mah uh leh Topa in man takin thei ta hen.

Jeremiah 42:5 Referans Kwoze

Piancilna 31:50

Ka tanute na bawlsiat a, ka tanuteʼ banah zi na lak beh leh, eite tawh kuamah a om loh hangin nang le keiʼ kikalah Pasian, teci ahihna phawk in,” a ci hi.

Thukhente 11:10

Gilead upate in Jefthah kiangah, “Topa pen eiteʼ kikalah teci hi ding hi. Na cih bangin ka gamta ding uh hi,” a ci uh hi.

Mangmuhna 3:14

“Laodisia khua pawlpi vantungmi kiangah lai gelh inla, thuman le citakin teci a pang, Pasianʼ piansakte khempeuh a kipatna ahi Amenʼ thugen in:

Mangmuhna 1:5

thuman takin teci a pang, sihna panin a kithokiksak Tapa upa, leitung kumpite tungah ukna aana a nei Jesu Khris kiang panin note tungah hehpihna le nopsakna thupha hong tung tahen. Tua Jesu Khris in eite hong it a, ama sihna tawh i mawhna panin eite hong suaktasak a,

Malakhi 3:5

Vanglian Topa in hih bangin ci hi: “Note tungah thukhen dingin ka hong pai ding hi; ai tawite, numei tawh a mawhte, a man lopi a teci pangte, numeiteʼ thaman piakna ah khemna a zangte; meigong, tagah le gamdang mite a zawhthawh bawlte le kei hong zahtak lo mi khempeuhteʼ lang khat ah thakhatin teci pangin thu ka khen ding hi.

Malakhi 2:14

Bang hangin hong sang lo hiam, na ci uh hi. Na khangno lai uh a na teenpih na zite uh tungah na cihtak lohna uh amah in hong thei a, na zite uh tungah na cihtak tawntungna ding uh Pasian tungah thu ciamin, na zite uh zong na lawmnu mah uh hi napi-in amaute tawh na thuciamna uh na pelhna hang uh ahi hi.

Micah 1:2

No minam khempeuhte aw, hih thu za un: Leitungah a teeng mi khempeuhte aw, hih thu ngai un: Noteʼ lang khat ah Topa Pasian in teci pang a, a vantung biakinn panin thu hong gen hi.

ROM (Romans) 1:9

Ama Tapa hangin Lungdamna Thu ka lungsim khempeuh tawh hilhin a na ka sep Pasian in hih ka thugente a man taktak ahihna thu hong thei hi.

Jeremiah 5:2

“Topa a nuntak bangin,” ci-in a kiciam uh hangin a zuaupi uh ahi hi.

1 SAMUEL MASA 20:42

Tua ciangin Jonathan in David kiangah, “Ei tegel Topaʼ min tawh kiciamin, ‘Kei le nang kikal le keima suanlekhakte le nangma suanlekhakte kikalah a tawntungin Topa om ding hi,’ i cih mah bangin nuam takin pai in,” a ci hi. Tua ciangin amah dingin paikhia a, Jonathan zong khuapi sungah a ciah hi.

1 SAMUEL MASA 12:5

Tua ciangin amah in amaute kiangah, “Note in kei tungah bangmah na muh lohna thu uh Topa pen noteʼ lang khat ah teci hi a, ama sathau nilh pa zong tu ni-in teci ahi hi,” a ci hi. Tua ciangin amaute in, “Hi mah hi; Topa, i teci ahi hi,” a ci uh hi.

Paikhiatna 20:19

Moses kiangah, “Nangmah in kote kiangah thu hong gen in; kote in ka ngai ding uh hi. Ahi zongin kote si kha ding ka hih uh ciangin ko tungah Pasian hong gensak kei in,” a ci uh hi.

Paikhiatna 20:7

“Topa noteʼ Pasianʼ min a sia lamin na zang kei ding uh hi. Bang hang hiam cih leh Topa in ama min a zang khialte gim pia ding hi.

Jeremiah 43:2

Hoshaiahʼ tapa Azariah le Kareahʼ tapa Johanan a kipan migilo dangte khempeuh in kei kiangah, “Nang in zuau na phuak hi. Topa i Pasian in, ‘Egypt gamah a teeng dingin pai kei un,’ ci-in a gen dingin nang hong sawl lo hi.

Jeremiah 43:4

Tua ahih manin Kareahʼ tapa Johanan le galkap maangte khempeuh a kipan mi khempeuh in Judah gamah om suakna ding Topaʼ thugenna a mang kei uh hi.

Jeremiah 42:20

Na sih nadingun lam na pial khin uh hi. Bang hang hiam cih leh Topa na Pasian uh kiangah kei nong paisak uh a, ‘Ko adingin Topa i Pasianʼ kiangah thu hong ngetsak in. Topa i Pasian in a hong gen peuhpeuh ko kiangah hong gen in. Ko zong ka mang ding uh hi,’ na hong ci uh hi.