Jeremiah 42:3 - Tedim Bible Revision 2017

³ Topa na Pasian in ka lam pai nading uh ahi a, ka na sep nading uh ahi zongin a hong lah nadingin thu hong ngetsak in,” hong ci uh hi.

Tedim Bible

³ Topa na Pasian in ka lam pai nading uh ahi zongin, ka nasep nading uh ahi zongin a hong lah nadingin thu hong ngetsak in,” a ci uh hi.

Jeremiah 42:3 Referans Kwoze

Paunak 3:6

Na hihna khempeuh ah amah phawk in. Tua hileh lampi man amah in hong lak ding hi.

Late 86:11

Topa aw, nang tungah hong thumanin nangma lampi ka zuih theih nadingin kei hong hilh inla, nangma min a zahtakte tawh keima lungsim pum khat hong bangsak in.

Micah 4:2

Minam tampite hong pai-in, “Israel miteʼ Pasianʼ biakinn, Topaʼ mualah va pai to ni. Tua lai ah ama deihna hong hilh dinga, ama deihna bangin i gamta ding hi,” ci ding uh hi. Bang hang hiam cih leh Zion panin thuhilhna hong ging khia a, Jerusalem panin Topaʼ thu hong paikhia hi.

Jeremiah 6:16

Topa in mite tungah, “Lam ka bomah ding unla khuadak un. Lam hoih ahi lampi luite dong unla tawn un. Tua hileh na tawldam ding uh hi,” a ci hi. Ahih hangin amaute in, “Ka tawn kei ding uh hi,” a ci uh hi.

Ezra 8:21

Tua ciangin eiteʼ Pasianʼ mai ah kote kiniamkhiat thei-in, kote le ka naupangte uh le ka neihsa khempeuh uh nuam takin ka khualzinna uh ah ka pai theih nading uh Pasianʼ tung pan ka nget theih nadingun Ahava lui ah antanna ding thu ka taangko hi.

Isaiah 2:3

mi tampite hong pai-in, “Hong pai un, amah in ama zialetongte hong hilh theih nading le ama lampite i zuih theih nadingin Jakobʼ Pasianʼ inn, Topa’ mualah pai to ni,” a ci ding uh hi. Bang hang hiam cih leh Topa in Zion panin thu hong gen dinga, Jerusalem khua panin Topa’ thuhilhna hong paikhia ding hi.

1 KUMPI MASATE 8:36

vantung panin za-in na mi Israel, na nasemteʼ khialhna maisak inla, amauteʼ zuih ding lampi hoih hilh inla, na mite tungah gamh-in na piak sa leitang tungah guah zusak in.

Thu-hilhkikna 5:29

Amaute le a suan a khakte uh a nopsak tawntung theih nadingun keimah zahtak ding le ka thupiak khempeuh zuih ding hih bang ngaihsutna nei tawntung le-uh ka deih ahi hi.

Thu-hilhkikna 5:26

Bang hang hiam cih leh a si thei mihing khempeuh sung panin eiteʼ zak bangin mei sung panin a nungta Pasian a pau khiatna awging za-in a nungta lai kua om ahi hiam?

Late 27:11

Topa aw, na lampi hong hilh inla, ka galteʼ hangin lam phei ah kei hong kha in.