Jeremiah 42:10 - Tedim Bible Revision 2017

¹⁰ Hih gamah note na omsuak uh leh note kong lam dinga, kong phel kei ding hi. Kong phut dinga, kong bot khia kei ding hi. Bang hang hiam cih leh noteʼ tungah siatna kong tunsak manin ka dah hi.

Tedim Bible

¹⁰ Hih gamah note na om suak uh leh note kong lam ding a, kong phel kei ding hi. Kong phut ding a, kong botkhia kei ding hi. Bang hang hiam cih leh note’ tungah siatna kong tun’ sak manin ka dah hi.

Jeremiah 42:10 Referans Kwoze

Ezekiel 36:36

Tua ciangin noteʼ kimkot ah a om a suakta lai minam dangte in a sia sa khuapite lamkikin, a kinusia lote a puahkik pa pen Topa ahi keimah ka hihna thu hong thei ding uh hi. Topa ahi keimah in hih thu ka gen khin a, ka gen bangin ka gamta ding hi.

Jeremiah 31:28

Amaute a kibetkhiat nading le a kitap zan nading ahi zongin, a kisuankhiat nading le a kisiat nading ahi zongin ka vaihawm mah bangin, Topa in ka cih in ah, amaute a kilam nading le a kiphuh nadingin ka vaihawm ding hi.

Jeremiah 24:6

Amaute limtakin ka kem dinga, hih gamah ka lakik ding hi. Amaute ka khangtosak dinga, ka susia kei ding hi; ka suan dinga, ka bot khia kei ding hi.

Joel 2:13

Na dah taktakna uh lungkhamna tawh langsak unla, na puante uh a bal kek bek hi kei un,” hong ci hi. Topa, noteʼ Pasian kiangah ciahkik un. Amah migi mahmah in hehpihna a nei hi a, a lungduai-in hong huh nuam tawntung a, gim hong pia loin hong maisak nuam tawntung hi.

Amos 7:6

Tua ciangin Topa in zong a lungsim hong kheelkik a, “Na muh bangin hih zong hong piang nawn lo ding hi,” Topa Pasian in hong ci hi.

Jeremiah 33:7

Judah mite le Israel mite ka hausakkik dinga, a nidang a a omngei bangun ka omsakkik ding hi.

Jonah 4:2

Topaʼ kiangah thu ngen a, “Kong thum hi, Topa aw; ka gam sungah ka om lai pekin hici mah in teh, ci hi lo ka hi hiam? Hanciamin Tarshish khua ah ka tai simna zong tua hang mah ahi hi; bang hang hiam cih leh nang pen a hehpih thei Pasian, a heh hak, a migi mahmah, siatna tunsak ding a kisik nuam Pasian na hihna kong thei hi.

Jonah 3:10

Pasian in amauʼ hihnate mu a, a khialhna uh panin a kihei uh a muh ciangin kisik a, amau tungah hih dingin a cih sa siatna a tungsak nawn kei hi.

Amos 7:3

Topa in zong a lungsim hong kheelkik a, “Tua na muh bangin hong piang nawn lo ding hi,” hong ci hi.

Hosea 11:8

Israel mite aw, bangci-a hong nusia thei dinga, bangci-a hong paidak thei ding ka hi hiam? Admah khua ka suksiat bangin kong susia nuam kei a, Zeboiim khua ka bawl bangin kong bawl nuam kei hi. Note hong khasiat mahmah ka hih manin tua ci banga hih ding ka lungsimah om lo hi.

Paikhiatna 32:14

Tua ciangin Topa in a lungsim kheel a, ama miteʼ tungah a tunsak ding siatna tungsak nawn lo hi.

Sawltak 15:16

‘Tanglai pek panin hih thu a hong theisak Topa in hih bangin a gen hi: Keima mi ahi dingin ka sap sa Gentail mite le midangte khempeuh in Topa a zon theih nadingun a nung ciangin ka hong paikik dinga, a kisia sa Davidʼ ukna gam ka puahkik ding hi. A siate a ngei bangsakkikin ka dingsakkik ding hi, ci hi,’ ci-in kigelh hi.

Jeremiah 26:19

“Tua hi napi, Judah kumpipa Hezekiah le Judah mi khempeuhte in amah that zenzen uh ahi hiam? Kumpipa in Topa zahtakin, Topaʼ pahtak ding a nget ciangin Topa in zong amauʼ tungah siatna tunsak dingin a gen sa khelkik zaw hi lo ahi hiam? Ahih hangin eite in eiteʼ tungah siatna lianpi khat i tungsak dektak hi,” a ci uh hi.

Late 106:45

Amaute ading a ngaihsutna-in ama thuciamna phawk a, ama itna kip tawh kizui-in a kolsak hi.

Late 102:16

Bang hang hiam cih leh Topa in Zion khua lam dinga, ama minthanna hong kilang ding hi.

Late 69:35

Bang hang hiam cih leh Pasian in Zion honin Judah khuapite lamkik dinga, a nasemte tua lai ah teengin tang pah ding uh hi.

Late 37:3

Topa muang inla, gamtat hoih in. Gam nuamah teeng inla, thumanin om in.

2 SAMUEL NIHNA 24:16

Vantungmi in Jerusalem khua a susia dingin kithawi-in a khut a zan ciangin tua tatsiatna panin Topa kisik a, mite lakah suksiatna na a sem vantungmi kiangah, “Pha zo hi; tu-in khawl ta in,” a ci hi. Topaʼ vantungmi pen Jebus mi Araunahʼ ancilna gei ah a om hi.

Thukhente 2:18

Topa in amaute adingin thukhente a khansak sialin Topa in thukhente huh a, thukhenteʼ nuntak sung tawntung a galte uh khut sung panin amaute hon hi. Bang hang hiam cih leh amaute a gimsak a nengniamteʼ hangin amauʼ tauna in Topaʼ hehpih nading piangsak hi.

Thu-hilhkikna 32:36

Bang hang hiam cih leh amauteʼ vang a beina le sila le sila ahi lote a beina a muh ciangin Topa in a miteʼ dikna kilangsak dinga, ama nasemte tungah hehpihna nei ding hi.

Jeremiah 27:11

Ahih hangin Babylon kumpipaʼ hakkol pua a, ama na a sem gam pen, lo kho-in a ten theih nadingin ama gam sung mahah ka omsak ding hi, ci-in Topa in hong gen hi,’ ci-in gen uh hen,” hong ci hi.

Jeremiah 43:4

Tua ahih manin Kareahʼ tapa Johanan le galkap maangte khempeuh a kipan mi khempeuh in Judah gamah om suakna ding Topaʼ thugenna a mang kei uh hi.

Jonah 3:4

Jonah zong khua sung lam manawhin kipan a, ni khat sung lam a pai khit ciangin, “Ni sawm li khit ciangin hih Nineveh khuapi kisusia ding hi,” ci-in a kiko hi.