Jeremiah 42:1 - Tedim Bible Revision 2017

¹ Tua ciangin galkap maangte khempeuh, Kareahʼ tapa Johanan, Hoshaiahʼ tapa Azariah le a neu pen pan a kipan a lian pen dongin mi khempeuh hong pai khawmin

Tedim Bible

¹ Tua ciangin galkap mangte khempeuh, Kareah’ tapa Johanan, Hoshaiah’ tapa Azariah leh a neupen pan-a kipan a lianpen dongin mi khempeuh hong paipih uh a,

Jeremiah 42:1 Referans Kwoze

Jeremiah 41:11

Ahih hangin Kareahʼ tapa Johanan le amah tawh a om khawm galkap maang khempeuh in Nethaniahʼ tapa Ishmaelʼ tatsiatnate a zak uh ciangin

Jeremiah 40:13

Tua ciangin Kareahʼ tapa Johanan le gam sung khua neu-a om galkap bute khempeuh Mizpah khua Gedaliah kiangah hong pai uh a,

Jeremiah 6:13

Bang hang hiam cih leh a neu pen pan a lian pen dongin, thuman lopi tawh sum zongin a huaiham uh hi. Kamsangte a kipan siampite dongin thuman lo khin uh hi.

Jeremiah 44:12

Egypt gamah a teeng dingin a lungsim a khensat khin Judah mi a omlaite, a vekpi-un ka sisak khin ding hi. Egypt gamah namsau tawh kithat sakin kial tawh ka puksisak ding hi. A neu pen a kipan a gol pen dongin namsau le kialpi tawh a si ding uh a, miteʼ lipkhap, mite in kihamsiatna-in a zat leh miteʼ simmawh ka suaksak ding hi.

Jeremiah 42:8

Tua ciangin keimah in Kareahʼ tapa Johanan, amah tawh a om khawm galkap maangte khempeuh le a neu pen a kipan a lian pen dongin mi khempeuh ka sam a,

Jeremiah 40:8

Mizpah khua Gedaliah kiangah a pai uh hi. Nethaniahʼ tapa Ishmael, Kareahʼ tapa Johanan, Tanhumethʼ tapa Seraiah, Netofah khuami Efaiʼ tate le Maakath mi Jezaniah-te in a galkapte hong paipih uh hi.

Sawltak 8:10

tua khua sunga om mi lian mi neu a om khempeuh in a thu limtakin ngai-in, “Vanglian Pa,” a kici Pasian pen amah ahi hi, a ci uh hi.

Jeremiah 8:10

Tua ahih manin a zite uh midangte ka piaksak dinga, a lote uh zong midangte ka luahsak ding hi. Bang hang hiam cih leh a neu pen pan a lian pen dongin thuman lopi tawh sum zongin a huaiham uh hi. Kamsangte a kipan siampite dongin thuman lo khin uh hi.

Mattiu 15:8

‘Hih mite in a kampi bek uh tawh kei hong zahtak bawl uh a, ahi zongin a lungsim taktak uh kei tawh kigamla hi.

Ezekiel 33:31

Tua ciangin nangma thugen a za dingin ka mite hong kisutuah uh a, ahi zongin nangma gen bangin amaute gamta lo uh hi. Amaute a kamun hoih khem napi-in, a lungsim uh ah amauʼ meetna ding bek ngaihsun uh hi.

Ezekiel 11:1

Tua ciangin Pasianʼ kha in biakinn nisuahna lam kongpi ah hong paipih hi. Tua kongpi gei ah mihing sawm nih le nga na om a, tuate lakah minam makai ahi nihte, Azzurʼ tapa Jaazaniah le Benaiahʼ tapa Pelatiah-te zong na kihel uh hi.

Ezekiel 8:11

Tua lai ah Israel minam makai sawm sagih na om a, tuateʼ lakah Shafanʼ tapa Jaazaniah zong na om hi. Amaute in paknamtui halna kuang khat ciat tawi uh a, paknamtui a kihalna khute van lamah kah to biaibuai hi.

Jeremiah 42:20

Na sih nadingun lam na pial khin uh hi. Bang hang hiam cih leh Topa na Pasian uh kiangah kei nong paisak uh a, ‘Ko adingin Topa i Pasianʼ kiangah thu hong ngetsak in. Topa i Pasian in a hong gen peuhpeuh ko kiangah hong gen in. Ko zong ka mang ding uh hi,’ na hong ci uh hi.

Jeremiah 41:16

Tua ciangin Kareahʼ tapa Johanan le a paipih galkap maangte khempeuh in, Nethaniahʼ tapa Ishmael in Mizpah khua ah Ahikamʼ tapa Gedaliah a thah khit ciangin manin a paikhiatpih galkapte, nupite, naupangte le kumpi inn sung mangte a kipan a om lai mi khempeuh Gibeon khua panin a ciah pihkik uh hi.

Isaiah 48:1

Israel min tawh a kilo, Judah sung panin a piang khia, Topa’ min tawh thu ciam napi-in, thuman thutak tawh Israel Pasian a pulak lo Jakob innkuan aw, hih thu ngai un.

Isaiah 29:13

Tua ciangin Topa in, “Amauteʼ lungsim kei tawh kigamla napi-in hih mite in a kam uh tawh kei kiangah hong pai uh a, a muk uh tawh kei hong pahtawi-in, amaute in kei hong kihtakna pen mihingteʼ thupiak a zuihna uh ahi lel hi.

2 KUMPI NIHNATE 25:23

Tu-in gam sunga om galkap a ukte le a mite in Babylon kumpipa in a uk dingin Gedaliah a sehna thu a zak uh ciangin amaute a mite uh tawh Mizpah a Gedaliah kiangah hong pai uh hi. Tuate pen Nethaniahʼ tapa Ishmael, Kareahʼ tapa Johanan, Netofah mi Tanhumethʼ tapa Seraiah le Maakath mi Jaazaniah ahi uh hi.

Jeremiah 37:3

Kumpi Zedekiah in Shelemiahʼ tapa Jehukal le Maaseiahʼ tapa siampipa Zefaniah keima kiangah hong sawl a, “Topa i Pasianʼ kiangah kote adingin thu hong ngetsak in,” ci-in a hong gensak hi.

Jeremiah 41:18

Bang hang hiam cih leh Babylon mite a kihta uh hi. Babylon kumpipa in gam uk dingin a koih Ahikamʼ tapa Gedaliah pen Nethaniahʼ tapa Ishmael in suam lum ahih manin a kihta uh ahi hi.

Jeremiah 43:2

Hoshaiahʼ tapa Azariah le Kareahʼ tapa Johanan a kipan migilo dangte khempeuh in kei kiangah, “Nang in zuau na phuak hi. Topa i Pasian in, ‘Egypt gamah a teeng dingin pai kei un,’ ci-in a gen dingin nang hong sawl lo hi.