Jeremiah 41:16 - Tedim Bible Revision 2017

¹⁶ Tua ciangin Kareahʼ tapa Johanan le a paipih galkap maangte khempeuh in, Nethaniahʼ tapa Ishmael in Mizpah khua ah Ahikamʼ tapa Gedaliah a thah khit ciangin manin a paikhiatpih galkapte, nupite, naupangte le kumpi inn sung mangte a kipan a om lai mi khempeuh Gibeon khua panin a ciah pihkik uh hi.

Tedim Bible

¹⁶ Tua ciangin Kareah’ tapa Johanan leh a paipih galkap mangte khempeuh in, Nethaniah’ tapa Ishmael in Mizpah khua-ah Ahikam’ tapa Gedaliah a thah khit ciang manin a paikhiatpih galkapte, nupite, naupangte leh kumpi inn sung mangte akipan a om lai mite khempeuh Gibeon khua panin a ciahpih kik uh hi.

Jeremiah 41:16 Referans Kwoze

Jeremiah 42:8

Tua ciangin keimah in Kareahʼ tapa Johanan, amah tawh a om khawm galkap maangte khempeuh le a neu pen a kipan a lian pen dongin mi khempeuh ka sam a,

Jeremiah 41:10

Tua ciangin kumpi cing galkap maang Nebuzaradan in, Ahikamʼ tapa Gedaliahʼ uk dingin a piak kumpipaʼ tanute le Mizpah khua-a a kinusia mi khempeuh a kipan Mizpah khua ah a om lai mi khempeuh Nethaniahʼ tapa Ishmael in man a, Ammon gam lam zuanin a paikhiatpih hi.

2 KUMPI NIHNATE 25:23

Tu-in gam sunga om galkap a ukte le a mite in Babylon kumpipa in a uk dingin Gedaliah a sehna thu a zak uh ciangin amaute a mite uh tawh Mizpah a Gedaliah kiangah hong pai uh hi. Tuate pen Nethaniahʼ tapa Ishmael, Kareahʼ tapa Johanan, Netofah mi Tanhumethʼ tapa Seraiah le Maakath mi Jaazaniah ahi uh hi.