Jeremiah 40:9 - Tedim Bible Revision 2017

⁹ Ahikamʼ tapa, Shafanʼ tupa Gedaliah in zong amaute kiangah kiciamin gen a, “Babylon miteʼ khutnuai ah na om ding uh kihta tuan kei un. Hih gam sung mahah om unla, Babylon kumpipaʼ na sepsak le-uhcin note tungah thusia bangmah om lo ding hi.

Tedim Bible

⁹ Ahikam’ tapa, Shafan’ tupa Gedaliah in zong amaute kiangah kiciam-in gen a, “Khaldea mite’ khut nuai-a na om ding uh kihta tuan kei un. Hih gam sung mah ah teeng un la, Babilon kumpipa’ na sepsak le uh cin, no tungah thusia bangmah om lo ding hi.

Jeremiah 40:9 Referans Kwoze

Jeremiah 27:11

Ahih hangin Babylon kumpipaʼ hakkol pua a, ama na a sem gam pen, lo kho-in a ten theih nadingin ama gam sung mahah ka omsak ding hi, ci-in Topa in hong gen hi,’ ci-in gen uh hen,” hong ci hi.

2 KUMPI NIHNATE 25:24

Tua ciangin amaute le a mite uh tungah Gedaliah kiciamin, “Khaldea mi ulianteʼ hangin lau kei un; gam sungah teengin, Babylon kumpipaʼ na sem un. Tua hileh note adingin thu hong nuam ding hi,” a ci hi.

Late 128:2

Na khut tawh na sep thaman na ne dinga, na lungdamin na maavang ding hi.

Late 37:3

Topa muang inla, gamtat hoih in. Gam nuamah teeng inla, thumanin om in.

Piancilna 49:15

A tawlngakna mun hoih sa a, a leitang noptuak sa hi. Tua ahih ciangin van pua dingin a liangko niamsak a, sila bangin na kisemsak hi.

Kah la 1:1

Khat vei lai-in mi a dimtakin a teenna Jerusalem khuapi bangzah takin gamdai ahi hiam? Leitung bup in a zahtak khuapi tu-in meigong tawh a kibang ta hi. Leitung a om khuapi khempeuhteʼ lak panin a thupi pen khuapi tu-in salin a kiman khinzo hi.

Kah la 5:9

Gam sung khempeuh ah misuamte dim ahih manin, luangkham zen mahin an zong dingin ka pai uh hi.