Jeremiah 40:8 - Tedim Bible Revision 2017

⁸ Mizpah khua Gedaliah kiangah a pai uh hi. Nethaniahʼ tapa Ishmael, Kareahʼ tapa Johanan, Tanhumethʼ tapa Seraiah, Netofah khuami Efaiʼ tate le Maakath mi Jezaniah-te in a galkapte hong paipih uh hi.

Tedim Bible

⁸ Mizpah khua Gedaliah’ kiangah a pai uh hi. Nethaniah’ tapa Ishmael, Kareah’ tapa Johanan, Tanhumeth’ tapa Seraiah, Netofah khua Efai’ tate, Ma-akath mi Jezaniah leh a galkapte a pai uh hi.

Jeremiah 40:8 Referans Kwoze

Jeremiah 42:1

Tua ciangin galkap maangte khempeuh, Kareahʼ tapa Johanan, Hoshaiahʼ tapa Azariah le a neu pen pan a kipan a lian pen dongin mi khempeuh hong pai khawmin

Thu-hilhkikna 3:14

Manasseh mi Jair in Bashan kici Argob gam khempeuh, Geshur mite le Maakath miteʼ gamgi dong la a, tua sunga khua neu minte ama min tamsakin tu ni donga a kip Havvoth jair a phuak hi.)

Jeremiah 43:2

Hoshaiahʼ tapa Azariah le Kareahʼ tapa Johanan a kipan migilo dangte khempeuh in kei kiangah, “Nang in zuau na phuak hi. Topa i Pasian in, ‘Egypt gamah a teeng dingin pai kei un,’ ci-in a gen dingin nang hong sawl lo hi.

Jeremiah 42:8

Tua ciangin keimah in Kareahʼ tapa Johanan, amah tawh a om khawm galkap maangte khempeuh le a neu pen a kipan a lian pen dongin mi khempeuh ka sam a,

Jeremiah 40:6

Tua ciangin kei zong Ahikamʼ tapa Gedaliahʼ omna Mizpah khua ah ka pai a, gam sungah a om lai ka mipihte tawh ka om khawm hi.

Nehemiah 7:26

Bethlehem le Netofah khuami - za khat sawm giat le giat ahi hi.

Ezra 2:22

Netofah khuami - sawm nga le guk ahi hi.

2 SAMUEL NIHNA 10:8

Tua ciangin Ammon mite hong kuan khia-in kulh kongpi lutna ah galsim dingin panmun hong la uh hi. Zobah le Rehob a Syria mite, Tob mite le Maakah-te, gamlak ah amau pawl ciatin om uh hi.

2 SAMUEL NIHNA 10:6

Ammon mite in amaute Davidʼ huat mi a suah khitna uh a muh uh ciangin, Ammon mite in mi sawlin Beth-rehob a Syria mite, Zobah a Syria mite, khe galkap tul sawm nih le Maakah kumpipaʼ mi tul khat tawh le Tob mite tul sawm le tul nih a cial uh hi.

Jeremiah 43:5

Tua ciangin Kareahʼ tapa Johanan le galkap maangte khempeuh in, a kihawlkhiatna uh gam khempeuh panin a hong ciahkik mite le Judah gamah a om lai sunteng Egypt gamah a paipih uh hi.

Jeremiah 40:11

Tua mah bangin Moab gam, Ammon gam, Edom gam le gamdang a teeng Judah mi khempeuh in, Babylon kumpipa in Judah gamah mi pawl khat omsak lai a, tuate a uk dingin Ahikamʼ tapa, Shafanʼ tupa Gedaliah koih hi, cih thu a za uh hi.

Jeremiah 38:26

amaute kiangah, ‘Kumpipa in kei, Jonathanʼ inn ah a si dingin a hong puakkik nawn loh nadingin a thum hi ing,’ ci-in dawng in,” ci-in a hong gen hi.

Jeremiah 37:20

Tu-in ka to kumpipa aw, ka thugen nong ngaih nadingin kong thum hi. Kumpi thuvanpi pa Jonathanʼ inn ah nong puakkik nawn loh nadingin na mai nuai ah kiniamkhiatna tawh kong thum hi. Bang hang hiam cih leh nong puakkik leh tua lai ah ka si taktak ding hi,” ka ci hi.

Jeremiah 37:15

Kumpi uliante zong kei tungah heh mahmah uh a, hong sat khit uh ciangin thong dingin a kizang sa, kumpi thuvanpi pa Jonathanʼ inn ah thong hong kiasak uh hi.

Ezra 2:2

Zerubbabel, Jeshua, Nehemiah, Seraiah, Reelaiah, Mordekai, Bilshan, Mispar, Bigvai, Rehum le Baanah-te makai-in tua mite a ciahpih uh hi. Israel mi phazahte:

1 KHANG TANGTHU MASATE 11:30

Netofah khuami Maharai, Netofah khuami Baanahʼ tapa Heled,

1 KHANG TANGTHU MASATE 2:54

Bethlehem khuapi a sat Salmaʼ suante: Netofah mite, Atroth-beth-joab mite le Zorah mi ahi Manahath minam nih sung pan alang ahi hi.

1 KHANG TANGTHU MASATE 2:48

Kalebʼ zineu Maakah in Sheber le Tirhanah nei hi.

2 KUMPI NIHNATE 25:25

Ahih hangin a kha sagihna sungin kumpi innkuan sung panin Elishamaʼ tapa Nethaniah, a tapa Ishmael mihing sawm tawh hong kuanin Gedaliah le Mizpah ah amah tawh a om Judah mi le Khaldea mite simin a that hi.

2 KUMPI NIHNATE 25:23

Tu-in gam sunga om galkap a ukte le a mite in Babylon kumpipa in a uk dingin Gedaliah a sehna thu a zak uh ciangin amaute a mite uh tawh Mizpah a Gedaliah kiangah hong pai uh hi. Tuate pen Nethaniahʼ tapa Ishmael, Kareahʼ tapa Johanan, Netofah mi Tanhumethʼ tapa Seraiah le Maakath mi Jaazaniah ahi uh hi.

2 SAMUEL NIHNA 23:34

Maakah khuami Ahasbaiʼ tapa Elifelet, Gilo khuami Ahithofelʼ tapa Eliam,

Jeremiah 40:13

Tua ciangin Kareahʼ tapa Johanan le gam sung khua neu-a om galkap bute khempeuh Mizpah khua Gedaliah kiangah hong pai uh a,

Jeremiah 40:14

“Ammon kumpipa Baalis in nang a hong suam dingin Nethaniahʼ tapa Ishmael a sawl lam na thei hiam?” ci-in a dong uh hi. Ahih hangin Ahikamʼ tapa Gedaliah in amauʼ thugen a um kei hi.

Jeremiah 40:15

Tua ciangin Kareahʼ tapa Johanan in Mizpah khua-a Gedaliahʼ kiangah, “Nethaniahʼ tapa Ishmael hong thatsak in. Kuamah in hong thei lo ding uh hi. Nang hong kithat leh nang a hong beel Jew mite kikhenthang dinga, Judah gamah mi a om lai sunteng in zong beilawh ding uh ahih manin bang hangin amah in nang hong that laizang ding ahi hiam?” ci-in a hopih sim hi.

Jeremiah 41:1

Kha sagih kha hong tun ciangin Nethaniahʼ tapa, Elishamaʼ tupa, kumpi nam le kumpipaʼ ulian pente khat ahi Ishmael, mi sawm tawh Mizpah khua Ahikamʼ tapa Gedaliahʼ kiangah hong hawh uh hi. Mizpah khua ah amaute in an a nekkhawm laitakun,

Jeremiah 41:2

Nethaniahʼ tapa Ishmael le tua mi sawmte in, Babylon kumpipa in gam uk dingin a koih Ahikamʼ tapa, Shafanʼ tupa Gedaliah pen namsau tawh satin a that lum uh hi.

Jeremiah 41:11

Ahih hangin Kareahʼ tapa Johanan le amah tawh a om khawm galkap maang khempeuh in Nethaniahʼ tapa Ishmaelʼ tatsiatnate a zak uh ciangin