Jeremiah 40:5 - Tedim Bible Revision 2017

⁵ Kei ka pau loh ciangin Nebuzaradan in, “Babylon kumpipa in Judah gam khuapite a uk dingin a koih Ahikamʼ tapa, Shafanʼ tupa Gedaliah kiangah paikik in. Amah tawh na mipihte lakah na teng in. Na ten nop kei leh lah na pai nopna peuhpeuh ah pai in,” a hong ci hi. Tua ciangin kumpi cing galkap mangpa in an le letsong hong pia-in kei a hong paisak hi.

Tedim Bible

⁵ Jeremiah a pai loh ciangin Nebuzaradan in, “Babilon kumpipa in Judah gam khuapite uk ding a, a koih, Ahikam’ tapa, Shafan’ tupa Gedaliah, kiangah paikik in. Amah tawh na mipihte lakah teeng in. Na teen’ nop kei leh lah na pai nopna peuhpeuh ah pai in,” a ci hi. Tua ciangin kumpi cing galkap mangpa in amah an leh letsong pia-in a paisak hi.

Jeremiah 40:5 Referans Kwoze

Jeremiah 39:14

thong huang sung panin kei a hong la khia uh hi. Ahikamʼ tapa ahi, Shafanʼ tupa Gedaliah in hong kemin inn ah a hong ciahpih dingin kei a hong ap uh hi. Tua ahih manin ka mipihteʼ lak mahah ka om hi.

Jeremiah 41:2

Nethaniahʼ tapa Ishmael le tua mi sawmte in, Babylon kumpipa in gam uk dingin a koih Ahikamʼ tapa, Shafanʼ tupa Gedaliah pen namsau tawh satin a that lum uh hi.

Hebru 13:6

Tua ahih manin kimuanna lungsim tawh hang takin, “Topa, kei hong huhpa hi a, ka lau kei ding hi. Kua in bang hong cih zo ding ahi hiam?” ci ngam ni.

Sawltak 28:10

Amaute in na tampi tak hong pia uh a, teembaw tungah ka tuankik uh ciangin lamkal a zat ding a kisam khempeuh hong puak uh hi.

Sawltak 27:43

Ahi zongin galkap bupa in Paul suaktasak nuam ahih manin tua bangin a thah ding uh a kham hi. Tua ahih manin tuipeek thei khempeuh in teembaw panin a nawl ah tui va peekin,

Sawltak 27:3

A zing ciangin Sidon khua ka tung uh a, Paul tungah bu Julias dik mahmah ahih manin a lawmte tawh a kimu ding le a lawmte in a kisapnate a piak theih nadingin a pai khiasak hi.

Jeremiah 40:4

Tu-in en in, na khut a kibulh kolte tu ni-in kong sutkhiatsak a, kong khah khia ta hi. Babylon khua ah kei tawh pai ding hoih na sak leh hong pai in. Keimah in limtakin nang kong kem ding hi. Ahih hangin Babylon khua ah kei tawh pai ding hoih na sak kei leh hong pai kei in. Gam khempeuh na mai ah om a, na pai nopna peuhpeuh ah na pai thei hi,” a hong ci hi.

Jeremiah 26:24

Ahih hangin Shafanʼ tapa Ahikam in Jeremiah hu ahih manin thah dingin miteʼ khut sungah kipia lo hi.

Jeremiah 15:11

Topa aw, amauteʼ hoih nadingin nang tungah kong thumsak kei a, gimna le haksatna hun ciangin ka galte adingin nangʼ tungah kong ngetsak kei leh tua amauʼ hong hamsiatnate keiʼ tungah hong tung tahen!

Paunak 21:1

Topaʼ khut sungah kumpipa om a, lo sunga tui lak bangin a deihna peuh ah hei kawikawi thei hi.

Paunak 16:7

Topaʼ deih bangin gamtatna pen galte nangawn lawm a kaih zawhna ahi hi.

JOB (Job) 22:29

Pasian in mi kiphasakte niamkhiat a, miniamte a hon hi.

Nehemiah 1:11

Keima hong thungetna le nangma min a zahtak nuam na nasemteʼ thungetna na bil hong ngat in. Tu-in kei tungah maavanna hong pia inla, kei tungah hih kumpipa hong migitna ding lungsim hong guan in,” ka ci hi. Tua hun laitakin kei pen kumpipaʼ an a pia pa ka hi hi.

Ezra 7:27

Tua ciangin Ezra in, “Jerusalem-a om Topaʼ biakinn tua bangin a min thangsak thuah dingin kumpipa lungsimah suak a, kumpipa le a thulamlakte le a uliante kei tungah a thunuam dingin a bawl i pu i pateʼ Pasian ahi Topa in thupha ngah tahen!” a ci hi. Tua hi a, Topa ka Pasian in kei hong ompihna thei ka hih manin ka lungsim hong hang a, kei hong zui dingin Israel makaite ka khawm hi.

Ezra 7:6

hih Ezra pen Babylon panin hong tung to hi. Amah pen Israel Pasian, Topa in a piak Moses thukham a siam lai thei mi khat ahi hi. Topa ahi ama Pasian in ompih ahih manin ama nget khempeuh kumpipa in a pia hi.

2 KHANG TANGTHU NIHNATE 34:20

Tua ciangin kumpipa in Hilkiah, Shafanʼ tapa Ahikam, Mikahʼ tapa Abdon, lai-at pa Shafan le kumpipaʼ nasem pa Asaiah thu pia-in,

2 KUMPI NIHNATE 22:14

Tua ahih ciangin siampi Hilkiah, Ahikam, Akbor, Shafan le Asaiah te zong Harhas tapa Tikvah, a tapa Shallum, biakinn puan a kem paʼ zi kamsangnu Huldah kiangah a pai uh hi (tua laitakin Jerusalem khua sung a Veeng Nihna ah tua nu teeng hi); tua ciangin tua nu tawh amaute kiho uh hi.

2 KUMPI NIHNATE 22:12

Tua ciangin kumpipa in siampi Hilkiah, Shafanʼ tapa Ahikam, Mikaiahʼ tapa Akbor, lai-at pa Shafan le kumpipaʼ nasem Asaiah thu pia a,

Jeremiah 41:1

Kha sagih kha hong tun ciangin Nethaniahʼ tapa, Elishamaʼ tupa, kumpi nam le kumpipaʼ ulian pente khat ahi Ishmael, mi sawm tawh Mizpah khua Ahikamʼ tapa Gedaliahʼ kiangah hong hawh uh hi. Mizpah khua ah amaute in an a nekkhawm laitakun,

Jeremiah 41:18

Bang hang hiam cih leh Babylon mite a kihta uh hi. Babylon kumpipa in gam uk dingin a koih Ahikamʼ tapa Gedaliah pen Nethaniahʼ tapa Ishmael in suam lum ahih manin a kihta uh ahi hi.