Jeremiah 40:3 - Tedim Bible Revision 2017

³ Ama gen bangmahin Topa in tu-in zong a hih khinzo hi. Note in Topaʼ thu mang loin a tungah mawh na hih manun, note tungah hih bang thu a hong tung ahi hi.

Tedim Bible

³ Ama’ gen mah bangin Topa in tu-in zong a hih khin zo hi. Note in Topa’ tungah mawhin a thu mang lo na hih manun, note’ tungah hih na hong tung ahi hi.

Jeremiah 40:3 Referans Kwoze

ROM (Romans) 2:5

Lungsim khauhin na kisik nop lohna hangun Pasianʼ hehna le a manin a thukhenna a hong kilat Ni ding ciangin na gimthuak ding uh a nasia semsem dingin a bawl na hi uh hi.

Jeremiah 50:7

Amau a mute in na ne gawp uh hi. A galte un, ‘Ko bangmah khialhna ka nei kei uh hi. Bang hang hiam cih leh a pute a pate un a muan leh a lametna uh Topaʼ tungah amaute a khial uh hi,’ a ci uh hi.

ROM (Romans) 3:19

Tua ahih manin kuamah in paulap a zon theih loh nading le mi khempeuh in Pasianʼ thukhenna a thuak theih nadingin Thukham a nei mite khempeuh in tua Thukham a zuih ding uh ahihna thu i thei hi.

Nehemiah 9:33

Kote tungah hong tung sa thu khempeuh ah nang a thutang na hi a, nang citakin a om na hi a, kote a khial gamtat kha ka hi uh hi.

Nehemiah 9:28

Ahi zongin a tawldam khit uh ciangin nangma muhna ah a sia gamta zel uh a, nangmah in amauʼ galteʼ khut sungah amaute na nusia a, a galte un amaute a uk gawp uh hi. Ahi zongin amaute in nang tungah huhna hong nget uh ciangin vantung panin amauʼ ngetna za-in na hehpihna tawh amaute tam veipi na hon khia hi.

Thu-hilhkikna 29:25

Tua ciangin mite in, ‘Amah in Egypt gam panin a paikhiatpih lai-in amaute tawh a bawl, a pu a pate uh Pasian ahi Topaʼ thuciamna amaute in nusia-in,

Jeremiah 44:23

Note in paknamtui halin, Topaʼ tungah mawh tham loin, Topaʼ thu mang loin ama thukhamte, a ngeinate le a hong thupiakte zui lo na hih manun tu ni mahmah in zong hih gimna note tungah hong tung ahi hi,” ka ci hi.

Jeremiah 11:17

Israel mite le Judah mite in meihalna tawh Baal bia-in hong hehsak uh a, hih bang siatna bawl uh ahih manin, amaute a phut keimah Vanglian Topa in amauteʼ tungah siatna a tun nading thu ka pia zo hi,” hong ci hi.

Jeremiah 22:8

“Tua ciangin minam dang tampi in hih khuapi kantan ding uh a, a innsak a innkhangteʼ kiangah, ‘Bang hangin hih khuapi lian hici bawl ahi hiam,’ ci-in khatlekhat a kidong ding uh hi.

Jeremiah 39:16

“Ethiopia mi Ebedmelek kiangah pai inla, ‘Vanglian Topa, Israel miteʼ Pasian in hong genin ah: En in, hih khuapi hoih nading hi lo, a siat nading ka gen sate ka tungsak dinga, tua ni a hong tun ciangin nangmah in zong na mu ding hi.

Kah la 2:17

Topa in a seh sa bangin a tawpkhakna ah a hong bawl hi. Sau veipi lai-in a hong hilhkholhna bangin hong hehpih nawn loin a hong susia hi. Galte gualzo a, ei hong guallelsak a, amaute a lungdamsak hi.