Jeremiah 4:8 - Tedim Bible Revision 2017

⁸ Tua ahih manin puanhampi silhin tau-in kap un. Bang hang hiam cih leh Topaʼ hehna lauhuaipi eiteʼ kiang panin kihei khia nai lo hi.

Tedim Bible

⁸ Tua ahih manin ippi puan silh un la, tau-in kap un; bang hang hiam cih leh Topa’ hehna lauhuaipi eite’ kiang pan kiheikhia nai lo hi.

Jeremiah 4:8 Referans Kwoze

Jeremiah 6:26

Topa in, “Ka miteʼ tanu aw, puanhampi silh inla, vut lakah kikhuk in. Tapa khat neihsun a si bangin kap vangvang in. Bang hang hiam cih leh a hong susia ding pa thakhatin hong tung ding hi.

Isaiah 22:12

Tua ni ciangin Vanglian Topa Pasian in kahna le thumna, sam mettolna le puanhampi silhna a zang dingin thu hong pia hi.

Isaiah 32:11

Nuam takin a om hithiat numeite aw, liing un. Nomau tumtakin a lungkimte aw, liing lawng un. Na puan uh hawk khia-in na tangguakun om unla na kawng uh ah puanhampi teng un.

Isaiah 10:4

Thongkiateʼ lakah tonbucipin om ding le a kithat mite lakah sih ding bek a om hi. Hih thute khempeuh hangin ama hehna dam zo nai lo a, ama khut kizanlai hi.

Isaiah 5:25

Tua ahih ciangin Topa’ hehna ama mite tungah hong khangin, a khut zanin amaute vat gawp a, mualte a kiliing hi. Amauteʼ luanghawmte kongzing lampite ah nin bangin a om hi. Hih bang teng hangin zong a hehna dam zo nai loin ama khut kizanlai hi.

Amos 8:10

Na lungdam pawite uh dahna ka suaksak dinga, na lasaknate uh kahna awging ka suaksak ding hi. Dahna limin puanhampi na silh ding uh a, na sam uh zong na mettol ding uh hi. A tapa khat neihsun a sihsuah nupa na bang ding uh hi. Tua hun pen a tawp dongin nasia semsem ding hi.

Ezekiel 30:2

“Mihing ahi Ezekiel aw, Topa Pasian ahi keima thugen hih bangin pulak in: “‘A lauhuai ni,’ ci-in awng in.

Ezekiel 21:12

Mihing ahi Ezekiel aw, awng inla kiko in. Hih namsau pen ka mihingte le Israel makai khempeuh a kisawmna ahi hi. Amaute pen ka mite khempeuh tawh a kithat khawm ding ahi hi. Dahna tawh na dip hum in.

Jeremiah 48:20

Moab gam kisia khinzo a, zumhuaina thuak khinzo hi. Thum unla kah un! Arnon gun dungah, Moab gam kisiatna thu va gen un.

Jeremiah 30:24

A lungsim sunga a tupna teng a tangtunsak matengin, Topaʼ hehna a lauhuaipi kilehkik lo ding hi. Hong pai ding hunte ah note in na tel zaw semsem ding uh hi.

Isaiah 13:6

Topa’ ni hong nai ta ahih manin nakpi takin kap un. Vanglian paʼ kiang panin suksiatna hong tung ta ding hi.

Isaiah 9:21

Manasseh in Efraim, Efraim in Manasseh ne-in, tua tegel in Judah langpang khawm uh hi. Hih thute khempeuh hangin ama hehna dam zo nai lo a, ama khut kizanlai hi.

Isaiah 9:17

Tua ahih ciangin amauʼ tangvalte tungah Topa lungdam lo a, pa nei lote le a meigong numeite uh tungah hehpihna nei lo hi. Bang hang hiam cih leh mi khempeuh pen Pasianʼ thu a khual om loin siatna a bawl vive hi a, kam khempeuh in haina thu a gen uh hi. Hih thute khempeuh hangin ama hehna dam zo nai lo a, ama khut kizanlai hi.

Isaiah 9:12

Ama mai-a om Syria mite le a nung a om Filistia mite in kam ka-in Israel ne tum uh hi. Hih thute khempeuh hangin ama hehna dam zo nai lo a, ama khut kizanlai hi.

Late 78:49

Amauteʼ tungah a lauhuai ama sinsona, hehna, thangpaihna, gimna, le a susia thei van mi hon khat a khah hi.

Gamlak-vakna 25:4

Topa in Moses kiangah, “Israel miteʼ tung panin Topaʼ hehna a kihtakhuai a bei theih nadingin miteʼ ukpite khempeuh man inla, Topaʼ mai ah sun tangin amaute khai in,” a ci hi.

Kah la 1:12

A kiim a pam ah a pai mi khempeuh kiangah, “Hong en in, keiʼ thuak zahin gimna a thuak, Topa in a heh laitakin a hong thuaksak gimna a thuak kei longal, midang kuamah om lo hi,” ci-in a kiko hi.

Joel 1:13

Siampite aw, puanhampi silhin kap un; biakna tau-a nasemte aw, thumin tau un. Ka Pasianʼ na a semte aw, biakinn sungah tum unla, zan thapai-in dahna lim puanhampi silh un. Noteʼ Pasianʼ biakinn sungah piak ding an le leenggahzu khat zong om nawn lo hi.

Jeremiah 25:34

“No makaite aw, tau unla, kap un; vut lakah kikhuk un, no uliante aw. Bang hang hiam cih leh hong kithahlup ni ding le na kikhenthang ni ding uh hong tung zo hi; tuutal teelte bangin hong kithat lum ding hi.

Micah 1:16

Judah mite aw, na it mahmah na tate uh, sal a suak dingin hong kilaksak ding ahih manin, amauteʼ hangin na dahna limun na sam uh met unla, musane bangin na lu uh tolsak un.