Jeremiah 4:6 - Tedim Bible Revision 2017

⁶ Zion paina lampi kihilh unla, na suahtak nadingun tai un; zekai kei un. Bang hang hiam cih leh leilu lam panin siatna lianpi ka hong puak suk hi.

Tedim Bible

⁶ Zion mual lampi kihilh un la, na suahtak nadingun tai un, zekai kei un! Bang hang hiam cih leh leilu lam panin siatna lianpi kong puaksuk hi.

Jeremiah 4:6 Referans Kwoze

Jeremiah 50:2

“Gam khempeuh ah genin taangko unla, dial khai unla im kei un. ‘Babylon khuapi kia ta hi. Bel pasian maizum ta a, Merodak pasian kitan gawp ta hi. A milimte uh maizum ta a, a pasian-te uh kisia gawp ta hi,’ ci-in taangko un.

Jeremiah 51:27

“Gal a sim dingin leitung bup thu pia unla, gamdangte kiangah peengkul mut un. Amah a sim dingin kithawisak un; Ararat, Minni le Ashkenaz gamte simsak un. Makai khat teel unla, kauphe honpi zahin a tam sakolte va la un.

Jeremiah 51:12

Babylon khua kulhpi tungah dial khai unla, galvil ding tampi koih un. Cingsak unla, galte a buk sim dingin kithawi un. Bang hang hiam cih leh Babylon khua mite tawh kisai-in Topa in a gen sa teng a geel khinzo a, a sem khinzo hi.

Jeremiah 25:9

en un, leilu lam a om minam khempeuhte le ka nasem pa ahi Babylon kumpipa Nebukhadnezzar ka vaikhak dinga, hih gam le a sunga a teeng mi khempeuh le hih kiim a om gam khempeuh a sim dingin ka va la ding hi. Keimah in amaute ka susia mangkhin dinga, amaute a tawntungin siacipin simmawhna ka thuaksak ding hi, ci-in Topa in kong gen hi.

Jeremiah 6:22

Topa in, “En un, leilu lam gam panin mi hong pai uh a, leimong gamla pen panin galsim dingin gam lian khat hong kithawithawi hi.

Jeremiah 6:1

Benjaminʼ suante aw, na suahtak nadingun tai un. Jerusalem khua taisan un. Tekoa khua ah peengkul tum unla, Bethlehem khua ah theihsakna meikhu khusak un. Bang hang hiam cih leh leilu lam panin gimna leh siatna lianpi a hong pai ding hi.

Jeremiah 4:21

Bang tanvei gal kisimna mu lai ding ka hi hiam? Bang tanvei peengkul aw za lai ding ka hi hiam?

Isaiah 62:10

Jerusalem mite aw, kulh kongpite panin paikhia unla a hong ciahkik na mipihte uh adingin lam bawl khol un. Lam zik un; lam lianpi zikin suangtumte paikhia unla, miteʼ muh dingin lim khat khai to un.

Zefaniah 1:10

Topa in hih bangin thu gen a, “Jerusalem khua-a om Ngasa Kulh kongpi ah miteʼ kikona na za ding uh a, tua khuapi Veeng Nihna sungah miteʼ kahna le mual neute tungah a puak zaizai na za ding uh hi.

Jeremiah 51:54

“Ngai un! Babylon khua ah mi kiko hi. Khaldea gam sung mite a kisuksiatna kahna awging ahi hi.

Jeremiah 50:22

Gam sungah galsimna aw kiza a, na tampi kisia hi.

Jeremiah 21:7

Tua khit ciangin, Topa in kong cih in ah, Judah kumpipa Zedekiah le a nasemte le pulnatna, namsau le kialin a si lo a nungta lai teng pen, amauʼ galte le amaute a that nuam Babylon kumpipa Nebukhadnezzarʼ khut sungah ka pia ding hi. Amah in amaute namsau tawh that dinga, hehpih loin, zong a maap kei dinga, itna lungsim a nei kei ding hi,’ va ci un,” a ci hi.

Jeremiah 18:11

Tua ahih manin tu-in, Judah mite le Jerusalem khua miteʼ kiangah Topa in a cih in ah, ‘En un, noteʼ siat nading ka geel a, noteʼ lang khat ah ngimna khat ka nei hi. Na vekpi-un na siatna uh pan kilehkik unla, na om dan uh le na nasepnate uh bawl pha un,’ va ci in.

Jeremiah 22:7

Nangʼ lang khat ah a hong susia ding mi ka kithawisak dinga, a hei uh hong keng ding uh hi. Amaute in na sidar khuam hoih pente hong phuksakin mei ah hong khulsak ding uh hi.

Zekhariah 6:6

Sakol vomte in a kaih leeng pen leilu lam Babylon ah a pai ding hi a, sakol kangte, nitumna lam, sakol gialte, leitaw lam, sakol sante, nisuahna lam gamah a pai ding ahi hi.

Jeremiah 10:22

Ngai dih un, thu khat kigen hi. Judah khuapite gamlak a suaksak ding le se-alteʼ khua a suaksak dingin leilu lam gam panin buaina lianpi khat hong pai hi.

Ezekiel 9:1

Tua ciangin Pasian hong kiko a, “Hih khuapi a susia ding no mihingte hong pai unla, na hiam zat ciat ding uh zong hong keng un,” ci-in a sam hi.

Ezekiel 9:2

Leilu lam biakinn kongpi pualam panin thakhatin mihing guk hong pai-in hiam khat ciat hong tawi uh hi. Saihadial puan a silh, lai gelhna ding a tawi mi khat tawh zong hong pai khawm uh hi. A vekpi-un sumngo biakna tau gei ah hong ding uh hi.