Jeremiah 4:5 - Tedim Bible Revision 2017

⁵ Judah gamah va gen unla, Jerusalem khua ah va taangko un. Gam sung khempeuh ah peengkul mutin awng unla, va gen un. Hong kikhawm unla khuapi muanhuaite sungah va bu ni, va ci un.

Tedim Bible

⁵ Judah gamah va gen un la, Jerusalem khua-ah va tangko un. Gam sung khempeuh-ah peengkul mut-in awng un la, va gen un. ‘Hong kikhawm un la, khuapi muan’ huaite sungah va lut ni!’ va ci un.

Jeremiah 4:5 Referans Kwoze

Jeremiah 8:14

“Tua ciangin mite in, ‘Bang hangin tutu lai ihi hiam? Kikaikhawm unla khuapi muanhuaite va beel ni; tua lai ah va si ni. Bang hang hiam cih leh Topaʼ tungah i mawh manin Topa i Pasian in eite a si dingin hong seh khinzo a, i dawn dingin gu tui hong pia khinzo hi.

Jeremiah 6:1

Benjaminʼ suante aw, na suahtak nadingun tai un. Jerusalem khua taisan un. Tekoa khua ah peengkul tum unla, Bethlehem khua ah theihsakna meikhu khusak un. Bang hang hiam cih leh leilu lam panin gimna leh siatna lianpi a hong pai ding hi.

Joshua 10:20

Joshua le Israel mite in amaute a beisiang dongin tampi tak a thah khit uh ciang le a suakta lai mite amauʼ khuapi muanhuai sungah a tum khit uh ciangin,

Hosea 8:1

Pataukohna peengkul tum in. Galte in muvanlai bangin ka gam a leenlak dingin hong kithawi uh hi. Bang hang hiam cih leh ka mite in ka thuciamna uh pelhin, ka thuhilhnate hong nial uh hi.

Amos 3:8

Humpinelkai a hawk ciangin lau loin ki-om thei ahi hiam? Topa Pasian in thu a gen ciangin kua in ama thu gen loin om thei ding ahi hiam?

Amos 3:6

Khuapi sungah pataukohna gal peengkul a kitum ciangin mite lau loin om mawk thei ahi hiam? Topaʼ tunsak lohpi-in khuapi sungah lauhuaina mawk tun ahi hiam?

Jeremiah 35:11

Ahih hangin Babylon kumpipa Nebukhadnezzar in hih gam hong sim ciangin kote in, ‘Hong pai un. Khaldea galkapte le Syria galkapte kihta ihih manin Jerusalem khua ah pai ni,’ ka kici uh a, tua mah bangin tu-in Jerusalem khua ah ka teng uh hi,” a hong ci uh hi.

Jeremiah 11:2

“Hih thuciamna thute ngai inla, Judah mite le Jerusalem khua mite kiangah va gen in.

Jeremiah 9:12

Tua ciangin keimah in, “Hih thu a thei tel ding mipil kua om ahi hiam? Hih thu a gen tel theih nadingin Topa in kua tungah hilh tel na hi hiam? Kuamah in hih gam a kantan nawn loh nadingin bang hangin kisia-in gamlak tawh kibang ahi hiam?” ci-in ka dong hi.

Jeremiah 5:20

Jakobʼ suanteʼ tungah gen in. Judah miteʼ tungah hih bangin ci in:

Gamlak-vakna 10:3

A nihin a kitum ciangin kikhopna buk kong nangma kiangah mihon khempeuh hong kikhawm ding uh hi.

Ezekiel 7:14

“Amaute in gal peengkul tum uh a, a vekpi-un kiging uh hi. Ahi zongin mi khempeuh tungah ka hehna tungkim ding ahih manin galsim dingin kuamah kuan khia zo lo ding hi.

Joel 2:1

Zion mual tungah peengkul tum unla, Pasianʼ mual siangtho tungah pataukohna tum un. Topa ni hong nai ta ahih manin gam sung mi khempeuh lau ta uh hen.

Gamlak-vakna 10:2

“Ngun peengkul nih bawl in. Tuate na bawl ciangin na seek dinga, mihonte khop nading le giahphual nusiat nadingin na zang ding hi.

Isaiah 28:19

Hong nawk sialin note hong ban ding hi; bang hang hiam cih leh zingsang khat khit zingsang khat, sun le zanin hong nawk tawntung ding hi. Topa’ tung panin na zak uh thute a banbanin launa lianpi vive hi ding hi.