Jeremiah 4:30 - Tedim Bible Revision 2017

³⁰ Jerusalem khuapi aw, a siacip ding na hi ta hi. Puansan silhin kham tawh na kizep liatluat hangin, na mitte zemin na golsak hangin, a mawkna-in a kizem na hi ta hi. Na lawm ngaihte in nang hong nusia ta uh a, tu-in hong that nuam ta uh hi.

Tedim Bible

³⁰ A kisia ding nangmah in bang cih ding na hi hiam? Puan san silh-a kham tawh na kizep liatluat hangin, na mitte zemin na golsak hangin, a mawkna-a kizem na hi ta hi. Na lawm ngaihte in nang hong paaikhia uh a, hong that nuam uh hi.

Jeremiah 4:30 Referans Kwoze

2 KUMPI NIHNATE 9:30

Jezreel khua ah Jehu hong tun ciangin Jezebel in a thu na za hi. Amah in a mitte zutin a lutang zem a, tawlet ah khuadak hi.

Kah la 1:19

Ka kipawlpihte ka sapsap hangin a hong huh nuam kei uh hi. A nuntak nading uh an a zonna lamun siampite le makaite kongzing lakah a si uh hi.

Kah la 1:2

Amah zan khuavakin kap a, a khitui a biang tungah a tak kauhkauh hi. Amah a it ngeite khempeuh a hehnem ding khat beek a om nawn kei hi. A kipawlpihte khempeuh in amah khemin, tu-in a langpan khinta uh hi.

Isaiah 10:3

Gimpiak ni hun, gamlapi panin huihpi hong nun ciangin note in bang cih ding na hi uh hiam? Huhna ngenin kua kiangah tai dinga, na neihsa uh koi lai ah koih ding na hi uh hiam?

Ezekiel 28:13

Pasianʼ Eden huan sungah nang na teeng a, suangmanpha nam khempeuh tawh na kizem hi. Karnelian, topaz le jasper, khrisolait, beryl le onik, sapfaia, karbankel, le emerald suang manphate, nangma kizepna hi a, kham tawh kibawl kizepna tampi tak zong na nei lai hi. Hihte khempeuh nangma adingin na suah ni-in a hong kibawlsak ahi hi.

Jeremiah 13:21

Nangma lawm dingin na bawl mite teekteek in nang hong uk ni ciangin bang na ci ding hiam? Numei nausuakte in na a sak velval uh bangin nang zong na na sa ding hi.

Isaiah 20:6

Tua ni ciangin hih tuipi gei-a teeng mite in, ‘En un, eiteʼ lametna, Assiria kumpipaʼ kiang panin eite hong hon khia dingin i belh miteʼ tungah hih bang piang khinta hi. Eite bangci suahtak ding ihi hiam?’ ci ding uh hi,” a ci hi.

Mangmuhna 17:13

Hih mi sawmte in ngimna khat nei uh a, vangliatna le aana a neih teng uh a ganhing tungah a pia uh hi.

Mangmuhna 17:4

Tua numei in puan a dupsan le a ausan silh a, kham, suangmanpha le kep kibawl kizepna a tuamtuamte tawh a pumpi dimin kizem a, a paktatna hangin a kihhuai a nin mahmah nate a dimin a omna kham hai khat a tawi hi.

Mangmuhna 17:2

Leitung kumpite in tua a paktat mahmah nu tawh gamtat hoih lo gamta uh a, leitung mite in ama paktatna leenggahzu dawnin a kham uh hi,” hong ci hi.

Hebru 2:3

Tua ahih manin a thupi mahmah hih hotkhiatna thudon loin i om leh suahtakna om thei ngei lo ding hi. A masa-in Topa mahmah in hotkhiatna thu hong pulak a, tua thu a za mite in thuman ahihna thu eite tungah hong gen leuleu uh hi.

Ezekiel 28:9

Nang a hong that ding a hong kuan ciangun, kei pasian bang hi ing, na ci lailai diam? Nang hong thatte na tuah ciangin mihing na hih lelna hong kilang ding hi.

Kah la 4:17

Huhna a ngenin ka khua dakdak uh a, khuadak zo nawn lo zah dongin ka om uh hangin bangmah ka ngah kei uh hi. A hong pia zo lo ding minamte tungah huhna ka ngenngen kha uh hi.

Jeremiah 5:31

Kamsangte in thuman gen lo uh a, siampite in zong amauʼ ut bangun a uk uh hi. Ka mite in phamawh sa lo sawnsawn uh hi. A tawpna hun hong tun ciangin bang cih ding uh ahi hiam, Topa in ci hi, ci-in gen in,” hong ci hi.

Isaiah 33:14

Zion-a a om mawhnei mite lau uh a, Pasianʼ thu a ngaihsun lo mite lau-in liingcip uh hi. Amaute in, “Pasianʼ thukhenna pen a kuang tawntung mei tawh kibang hi. Tua bang meikuang kua in thuak zo ding ahi hiam?” ci uh hi.

Paunak 6:25

Amauʼ melhoihna iplah kha kei inla, amauʼ hong zawlmitna khenglah kha kei in.

Paunak 7:10

Tua numei in numei paktatteʼ puansilh ngeite a silh kawmin ngimna khat tawh tua tangval na dawntuah hi.

Jeremiah 22:23

Lebanon gam panin a kila taamtak inn sungah nuam takin na teeng uh hi. Ahih hangin gimna hong tun ciangin bangzah takin na tau ding uh hiam? Numei nausuak dingte tawh na kibang ding uh hi.

Jeremiah 30:14

Na lawm ngaihte un hong mangngilh khin uh a, hong don nawn lo uh hi. Bang hang hiam cih leh na khialhnate uh lian lua-in, na mawhnate uh nasia lua ahih manin, galte bangin note kong bawl a, nasia takin gim kong thuaksak hi.

Obadiah 1:7

Na pawl teng in nang hong khem zo uh a, gamgi ciang dong hong hawl khia zo uh a, na pawl teng in a hong zo khinta uh hi. Na ankuang um pihte in na nuai ah thang hong siah khin uh a, “A pilna koi ah om ahi hiam?” a hong ci uh hi.