Jeremiah 4:26 - Tedim Bible Revision 2017

²⁶ Ka et leh, logam leihoih teng sehnel gam suak khin a, Topaʼ mai, a hehna lianpi mai ah, khuapi khempeuh kisia khin uh hi.

Tedim Bible

²⁶ Ka et leh, logam leihoih teng sehnel gam suak khin-a, Topa’ mai leh a hehna lianpi mai-ah, khuapi khempeuh kisia khin uh hi.

Jeremiah 4:26 Referans Kwoze

Micah 3:12

Tua ahih manin noteʼ hangin lo khawh bangin Zion kikho-in, Jerusalem, nin kipaihna phualpi hong suak dinga, biakinn omna mual, gamlak a suak ding hi.

Jeremiah 12:4

Ka gam sung bang tanvei keucip ding ahi hiam? Mun khempeuh ah lopate bang tanvei vul cip ding ahi hiam? A teng miteʼ gitlohna hangin gamsate le vasate a mangthang khin uh hi. Bang hang hiam cih leh amaute in, “I gamtatnate Pasian in hong mu kei ngawn,” a ci uh hi.

Late 76:7

Ahih hangin nang na kihtakhuai mahmah hi. Na heh khit phot ciangin nangma mai ah kua ding ngam nawn ding ahi hiam?

Jeremiah 9:10

“Mualte adingin kapin tau unla, gamlak lo nona munte adingin thumin tau un. Bang hang hiam cih leh tuate keu gawp a, kuamah pai nawn lo hi. Bawng ham zong kiza nawn lo a, van a leeng vasate le gamsate a taimang ta uh hi.

Jeremiah 12:13

Amaute in mangbuh tuh uh a, ahi zongin kiak bek a ngah uh hi. Nasep a hahkat mahmah hangun bangmah a ngah kei uh hi. A kihtakhuai Topaʼ hehna hangin anlak hun ciangin a maizum ding uh hi,” a ci hi.

Siampi Laibu 26:31

Keimah in na khuapite uh siasakin, na biakna munte uh gamkhing ka suaksak dinga, nomauʼ hong biakna a gim namtuite ka diik kei ding hi.

Jeremiah 7:34

Tua ciangin Judah gam khuapite le Jerusalem khua kongzing lakah gualnopna le lungdamna awte le zi nei thakte le mothakteʼ awte ka gingsak nawn kei ding hi; bang hang hiam cih leh tua mun kinusia ding hi.

Jeremiah 25:11

Gam sung khempeuh kisia-in, gam simtham suak dinga, hih mite khempeuh kum sawm sagih sung Babylon kumpipaʼ salin a om ding uh hi.

Kah la 2:7

Topa in a siangtho biakinnpi le a biakna tau deih nawn lo a, biakinn kulhpi, galte a susiasak hi. Lungdamna tawh amah i biakna munah, amaute gualzo-in a kiko uh hi.

Zefaniah 1:18

Topaʼ heh thuk ni hong tun ciangin a ngun le a khamte un amaute hon khia zo lo ding hi. Ama hehna meikuang in leitung khempeuh kaang tum dinga, thakhat thu-in leitung a teeng mi khempeuh a sumai ding hi.