Jeremiah 4:23 - Tedim Bible Revision 2017

²³ Leitung ka et leh limlemel nei lo a, vantungah zong khuavak om lo hi.

Tedim Bible

²³ Leitung ka et leh lim-le-mel nei lo a, vantungah lah khuavak om lo hi.

Jeremiah 4:23 Referans Kwoze

Mattiu 24:29

“Tua gimna hun a tun khit phetin ni hong mialin kha hong taang nawn lo dinga, vantung panin aksite hong kia dinga, vantung a om nate a pai ngei-in pai thei loin lampial gawp ding hi.

Isaiah 13:10

Bang hang hiam cih leh vantung aksite le amauʼ aksi honpite in khuavak pia khia lo ding hi. Ni a suah tung a kipan mial dinga, kha in zong khuavak taang khiasak lo ding hi.

Piancilna 1:2

Leitung in limlemel nei loin a awngthawlpi ahi hi. Tuipi tung tengah khua mial bikbek a, tua tui tungah Pasianʼ Kha in na a sem hi.

Amos 8:9

Tua ni ciangin sunkim laipi mahin ni ka tumsak dinga, sunkim laipi mahin leitung khempeuh ah khua ka mialsak ding hi. Topa Pasian ahi keimah in hih thu kong gen khin hi.

Joel 2:10

Amauʼ mai ah leipi liing a, vanpi nangawn liing damdam hi. Ni le kha zong mial ta a, aksite zong taang nawn lo hi.

Isaiah 5:30

Tua ni ciangin amaute in tuipi ging bangin Israel ngik ding uh hi. Mi khatpeuh in hih gam sung en leh khuamial le lungzinna bek om a, meiite in khua a mialsak hi.

Mattiu 24:35

Vanlelei a maimang zongin ka thugente maimang ngei lo ding hi.

Mangmuhna 20:11

Tua ciangin tokhom kang a lian khat le a tungah a tupa ka mu hi. Ama omna panin lei le van leng khia mang a, a tunna mel uh kithei lo hi.

Jeremiah 9:10

“Mualte adingin kapin tau unla, gamlak lo nona munte adingin thumin tau un. Bang hang hiam cih leh tuate keu gawp a, kuamah pai nawn lo hi. Bawng ham zong kiza nawn lo a, van a leeng vasate le gamsate a taimang ta uh hi.

Jeremiah 2:12

Tua thu phawk unla lau un; vantungte aw, dah mahmah unla liing un, Topa in kong ci hi.

Kah la 3:2

Amah in a thuk mahmah khuamial sungah a hong hawl khia hi.

Zekhariah 14:6

Tua ni hong tun ciangin khua dam, vuk kiat cihte om nawn lo dinga,