Jeremiah 4:19 - Tedim Bible Revision 2017

¹⁹ Aw, ka lungtang, ka lungtang! Na ka sa mahmah hi. Ka lungtang kisai vanvan a, ka om hithiat thei kei hi; bang hang hiam cih leh peengkul mutna aw, gal kisimna aw ka za hi.

Tedim Bible

¹⁹ Aw, ka lungtang, ka lungtang! Na ka sa mahmah hi! Ka lungtang kisai vanvan a, ka om hithiat thei kei hi; bang hang hiam cih leh peengkul mutna aw, gal kisimna aw ka za hi.

Jeremiah 4:19 Referans Kwoze

Habakkuk 3:16

Hih thute khempeuh ka zak ciangin ka pumlinʼ a, lau lua-in ka muk liing sapsap hi. Ka guh ka taang hong zen a, guh nei lo bangin ka puk cip suk hi. Ko hong sim gawp mite Pasian in gim a piak ding hun daitakin ka ngak khikhe ding hi.

Isaiah 22:4

Tua ahih ciangin keimah in, “Kei hong en kei unla, khitui tampi luangin hong kapkapsak un. Ka mi tampi a sihna hangin keimah hehnep ding hong hanciam kei un,” ka ci hi.

Isaiah 16:11

Tua ahih ciangin Moab gam hangin laiza lasakna bangin ka lungsim kisat gaihgaih a, Kir-hareseth khuapi hangin kei mahmah zong ka kisat gaihgaih hi.

Jeremiah 9:10

“Mualte adingin kapin tau unla, gamlak lo nona munte adingin thumin tau un. Bang hang hiam cih leh tuate keu gawp a, kuamah pai nawn lo hi. Bawng ham zong kiza nawn lo a, van a leeng vasate le gamsate a taimang ta uh hi.

Jeremiah 9:1

Ka lutang tuikhuk hong hi thei henla, ka mitte khitui nak hong hi thei leh ka miteʼ kithah lupna hangin a sun a zanin ka kapkap ding hi.

Isaiah 21:3

Tua ahih ciangin ka kawng na a, nausuak numei in na a sak bangin na ka sa hi. Khua a za thei lo zah dongin a kuncipin ka om a, khua a mu thei lo zah dongin lungkia-in ka om hi.

Galati 4:19

Taneute aw, note in Khrisʼ pianzia bang na neih dong uh, naupaii nupi in ta a suah ding a gimpih bangin note ka hong lunggimpih ding hi.

Daniel 8:27

Keimah Daniel, ni tawmvei sung tha zaw gawpin ka ci a na hi. Tua ciangin tho-in ka nasep ngei a semkik dingin kumpi inn ah ka pai hi. Ka maangmuhna thu thei zo lo ka hih manin cih nading mel thei loin daptakin ka om hi.

Daniel 7:15

Ka maangmuhnate in hong liing lawng sakin a hong patausak mahmah hi.

Isaiah 15:5

Moab gam adingin ka lungsim kiko hi. A galtai ama mite Zoar khua le Eglath-shelishiah khuate ah a tai uh hi. Bang hang hiam cih leh Luhith lampi ah amaute a kap sa-in pai to uh hi. Horonaim khua zuatna lampi ah amaute in siatna a thuakna uh hangin nakpi-in kiko uh hi.

Late 116:7

Lungmuang takin ka om ding hi; bang hang hiam cih leh keima tungah Topa hong thunuam hi.

ROM (Romans) 10:1

Sanggamte aw, i mipihte in hotkhiatna a ngah nading deihsakin lungsim takpi tawh Pasian kiangah thu ka ngetsak hi.

Amos 3:6

Khuapi sungah pataukohna gal peengkul a kitum ciangin mite lau loin om mawk thei ahi hiam? Topaʼ tunsak lohpi-in khuapi sungah lauhuaina mawk tun ahi hiam?

Daniel 7:28

Hih tangthu a beina hi ta hi. Hih thu ka ngaihsut ciangin keimah Daniel ka lau mahmah a, ka mel a daang gawp hi. Ahih hangin hih thu keima lungsim sung bekah ka koih hi.

Kah la 2:11

Ka kahkahna-in ka mit paat gawp ta a, ka lungsim gim lua mahmah hi. Ka mite a kisiatna hangin dahin husamin ka bah gawp hi. Naupangte le nungakte kongzing lakah sibup uh hi.

Kah la 1:16

Tua ahih manin ka mit pan khitui a dimletin a luang hi. Hong hehnem ding le a hong hanthawn ding kuamah om lo hi. Galte in hong zo khin a, ka mite a cimawh uh hi.

Jeremiah 23:9

Kamsangte tawh kisai-in: Topaʼ hang le ama thugen kammal siangthoteʼ hangin keima sungah ka lungsim hong kitam kham a, ka guh ka taang a liing hi. Zu tam ne lua-in a kham mipa tawh ka kibang hi.

Jeremiah 20:9

Keimah in, “Ama thu ka gen kei dinga, ama min ka lo kei ding hi,” ci mah leng zong, ama thu ka lungsim sungah mei bangin hong kuang a, ka guh ka tang sungah kikhumcip ahih manin ka ki-ipipna-in ka gim lua a, gen loin ka om thei kei hi.

Jeremiah 13:17

Ahih hangin ka thu nong ngaih kei uh leh na kisaktheihna uh hangin ka kap sim dinga, khitui luangin nakpi takin ka kidik ding hi. Bang hang hiam cih leh Topaʼ tuuhonte sal dingin kikai khia zo hi.

Jeremiah 4:21

Bang tanvei gal kisimna mu lai ding ka hi hiam? Bang tanvei peengkul aw za lai ding ka hi hiam?

Jeremiah 4:5

Judah gamah va gen unla, Jerusalem khua ah va taangko un. Gam sung khempeuh ah peengkul mutin awng unla, va gen un. Hong kikhawm unla khuapi muanhuaite sungah va bu ni, va ci un.

Late 146:1

Topa phat un. Keʼn, Topa ka phat ding hi.

Late 119:136

Mite in nangma thu zui lo uh ahih manin ka khitui hawk luanin a luang hi.

Late 119:53

Nangma thu a nusia migiloteʼ hangin ka heh a suak hi.

Late 103:1

Topa ka phat dinga, ka lungsim khempeuh tawh ama min siangtho ka phat ding hi.

Late 16:2

Topa tungah, “Nang, ka Topa na hi hi; nang tawh loin hoihna ka nei kei hi,” ka ci hi.

Thukhente 5:21

Kishon gun tuikhang in amaute tai a, a leeng vanvan tuikhang, Kishon tuikhang in tai hi. Thakhauh takin mai nawtsuak ding!

Gamlak-vakna 10:9

Na gam sung uh ah, no hong nengniam na galte uh tawh na kido ding uh ciangin, Topa na Pasian uh mai ah note hong kiphawk nadingin peengkulte tawh pataukohna aw na gingsak ding uh a, na langte panun note hong kihon ding hi.

Piancilna 49:6

Amauʼ kikhopna ah ka kihel kei dinga, amauʼ pawl tawh ka kizom kei ding hi. Bang hang hiam cih leh a heh manun mi that uh a, kiphatsakna lungsim tawh amaute in mawlpih dingin bawngtalteʼ zagui a sat tat uh hi.

1 KORIN MASA 14:8

Galdo nading peengkul a tum pa in a aw a kitelin tum kei leh galdo dingin kua kithawi thei ding ahi hiam?

Jeremiah 6:24

Tua thu i za a, bangmah i cih thei kei hi. Lungkhamna in hong lencip a, nupi nausuak ding bangin na i sa hi.

Jeremiah 8:21

Ka miteʼ thuakna hangin ka lungsim kisia a, lungkham lua-in ka kap hi.

Jeremiah 42:14

Gal om lohna, peengkul kitum lohna, anduh gilkial lohna Egypt gamah pai-in tua lai ah ka teeng ding uh hi,’ na cih uh leh

Jeremiah 49:2

Tua ahih manin, Topa in kong cih in ah, Ammon gam Rabbah khua kisimin, galdona aw a kizak hun ka tungsak ding hi. Tua khuapi kisusia mang dinga, a khuaneute a kihal tum ding hi. Tua ciangin Topa in kong cih in ah, Israel mite in a gam uh a laksakteʼ kiang panin a gam uh a ngahkik ding uh hi.

Jeremiah 50:22

Gam sungah galsimna aw kiza a, na tampi kisia hi.

Daniel 4:19

Tua ciangin Belteshazzar zong a kici Daniel lungmang lua ahih manin tawmvei sung bangmah gen thei loin a om hi. Kumpipa in, Belteshazzar aw, mang le a khiatna huhau-in na lung mangsak zenzen kei in, a ci hi. Belteshazzar in, Kumpipa aw, nang mangmat le a khiatna pen na galte tungah tung zaw hen, a ci hi.

2 KUMPI NIHNATE 4:19

Tua ciangin amah in a pa kiangah, “Aw, ka lutang, ka lutang!” a ci hi. A pa in a nasem pa kiangah, “A nu kiangah va pua in,” a ci hi.

2 KUMPI NIHNATE 8:11

Tua ciangin amah a maizum dongin a etna mun mah en denin Hazael sal gega hi. Tua ciangin Pasianʼ mipa a kap hi.

Isaiah 21:4

Ka lung vai a, launa in hong sidaangsak hi. Keima lunggulh zan khuamial pen keima linna a suak hi.

Jeremiah 8:18

Ka dahna dam thei lo a, ka lungsim na mahmah hi.

Kah la 1:20

Topa aw, ka thuaknate, ka lunggimnate hong en in. Ka mawhna hangin dah mahmah ka hih manin ka lungsim a kitam hi. Kongzing lakah kithahna om a, inn sungah zong sihna mah a om hi.