Jeremiah 4:14 - Tedim Bible Revision 2017

¹⁴ Jerusalem khua aw, nang hong kihotkhiat nadingin na lungsim sung panin gitlohna sawp khia in. Na sungah gitlohna lungsim bang tanvei kemcip ding na hi hiam?

Tedim Bible

¹⁴ Jerusalem khua aw, nang hong kihotkhiat nadingin, na lungsim sung panin gitlohna sawpkhia in. Na sungah gitlohna lungsim bang tan vei kem cip ding na hi hiam?

Jeremiah 4:14 Referans Kwoze

Jeim 4:8

Pasian kiang nai un. Amah in zong hong nai ding hi. Mawhneite in na khut uh sil siang unla, a kineihkhemte in na lungsim uh siangsak un.

Sawltak 8:22

Tua ahih manin na ngaihsut hoih lohna panin kisikkik inla, hih bang na ngaihsutna thu ah na mawhna hong maisak theih nadingin Topa kiangah thu ngen in.

Isaiah 55:7

Migilo in ama gitlohna nusia henla, thuman lo mi in ama ngaihsutna nusia hen. Amah in a hehpih theih nadingin Topa eiteʼ Pasianʼ kiangah amah paisak un. Bang hang hiam cih leh a mawhna maisiangsak ding hi.

1 KORIN MASA 3:20

Tua ciangin, “Mipilteʼ ngaihsutna a mawkna hi, ci-in Topa in a thei hi,” ci-in zong na gen lai hi.

ROM (Romans) 1:21

Amaute in Pasian thei napi-in a zahtak dingun a kilawm bangin zahtak loin, a tungah a lungdam dingun a kilawm bangin lungdam lo uh hi. Amaute in thuhoih ngaihsun nuam lo uh a, a ngaihsutnate uh a mawknapi a suak hi.

Luka 11:39

Tua ciangin Topa in ama kiangah, “No Farisi mite in hai leh kuangte a pualam na siangsak uh a, ahi zongin note na lungsim sung uh ah huaihamin na gi kei uh hi.

Jeremiah 13:27

Na kihhuainate, na angkawmna, na hukna le gamlak mual tungah numei paktat bangin milim pasian peuh na biak kawikawinate ka mu zo hi. Jerusalem aw, gimna ngah ta in. Na siantho nadingin bang tanvei sawt ding ahi hiam, a ci hi.

Paunak 1:22

“Mihaite aw, bang tanvei hai omom nuam na hi uh hiam? Bang tanvei pilna thudon loin om ding na hi uh hiam? Pilna ngaihsutin nei ngei lo ding na hi uh hiam?

Late 66:18

Ka lung sungah mawhna kem leng, Topa in keima thu hong ngai lo ding hi.

Mattiu 12:33

“Singgah limci a gah theih nadingin a kung a cidam phot ding kisam a, a kung gina kei leh a gah limci lo hi. Tua ahih manin singkung khat a pianzia pen a gahin hong kithei hi.

Ezekiel 18:31

Na gamtatna sa uh mawhna khempeuh nusia unla, na lungsim uh le na ngaihsutna uh thaksuaksak un. Bang hangin no Israel mite si nuam na hi uh hiam?

Late 119:113

Nangma tungah a thuman lote ka mudah a, ahih hangin keimah in nangma thu ka deih hi.

Late 51:2

Ka khialhna panin hong silsiang kiuhkeuh inla, ka mawhna panin kei hong siangsak in.

Jeremiah 2:22

Vuttui tawh kisilin satpiang tampi na zang zongin na mawhna nin ka mu lai veve hi, Topa Pasian in kong ci hi.

Jeremiah 6:19

Leitung aw, ngai in! En un, hih mite tungah a thuak ding mahun a kilawm siatna ka tungsak ding hi. Bang hang hiam cih leh ka thu hong ngai lo uh a, ka thukhamte a nial uh hi.

Jeremiah 17:1

Topa in a genna ah, “Judah miteʼ mawhna sik laikung khat tawh kigelh hi. Suang manpha mukzum tawh amauteʼ lungtang peek tung le biakna tau kite tungah khuakin ki-at hi.

Zekhariah 8:17

Khatlekhat kisiatsakna ding vaihawm kei unla, a man lopi-in teci pangin kiciam kei un. Zuauna, thuman lohna le kibawlsiatnate ka deih kei hi,” hong ci hi.

Jeremiah 18:11

Tua ahih manin tu-in, Judah mite le Jerusalem khua miteʼ kiangah Topa in a cih in ah, ‘En un, noteʼ siat nading ka geel a, noteʼ lang khat ah ngimna khat ka nei hi. Na vekpi-un na siatna uh pan kilehkik unla, na om dan uh le na nasepnate uh bawl pha un,’ va ci in.

Johan 13:9

Tua ciangin Simon Peter in, “Topa aw, tua bang ahihleh ka khe bek hong silsak kei inla, ka khutte le ka lu zong hong silsak in,” a na ci leuleu hi.