Jeremiah 4:10 - Tedim Bible Revision 2017

¹⁰ Tua ciangin keimah in, “Ah, Topa Pasian aw, nangmah in hih mite le Jerusalem khua mite khem cihtakin na khem khinzo hi. Bang hang hiam cih leh amau kiangah, ‘Nopna hong om ding hi,’ ci napi-in, amau a sunlum dingin namsau khat a om gige hi,” ka ci hi.

Tedim Bible

¹⁰ Tua ciangin keimah in, “Aa, Topa Pasian aw, nangmah in hih mite leh Jerusalem khuamite khem cih tak-in na khem khin zo hi. Bang hang hiam cih leh amau’ kiangah, ‘Nopna hong om ding hi,’ ci napi cin, amau a sunlum dingin namsau khat a om gige hi,” ka ci hi.

Jeremiah 4:10 Referans Kwoze

Jeremiah 5:12

“Amaute in Topa hong nial uh a, ‘Amah in bangmah hih lo ding hi. Eite tungah siatna hong tung lo dinga, gal ahi zongin kial ahi zongin i thuak kei ding hi.

Isaiah 37:35

Bang hang hiam cih leh keimah le ka nasem pa David ka khualna-in hih khuapi a suahtak nadingin ka hu ding hi,” a ci hi.

ROM (Romans) 1:28

Mite in a man ahi Pasianʼ thu ngaihsutin nei nuam lo uh ahih manin amauteʼ ngaihsut hoih lo bangin a gamtat theih nadingun Pasian in a khah khia hi. Tua ahih manin a gamtat dingun a kilawm lo pipi-in a gamta uh hi.

ROM (Romans) 1:26

Tua ahih manin amau utna bangin a zumhuai pi-in a gamtat theih nadingun Pasian in a khah khong hi. A numeite un pasal tawh lup khop ngeina zang loin a numeipihte mah uh lunggulhin lum khawm uh a,

ROM (Romans) 1:24

Mihingte tua zahta-in hai lua uh ahih manin amau ututin a gamtat theih nadingun Pasian in khah khong vet a, a zumhuai mahmah pi-in a gamta uh hi.

Ezekiel 11:13

Tua bangin thu genin ka om laitakin Benaiahʼ tapa Pelatiah hong din sih hi. Kei zong leilak ah bok sukin ka kiko a, “Topa Pasian aw, Israel gam sungah a om lai mi khempeuh thah khit sawm na hi hiam?” ka ci hi.

Kah la 2:21

Khangno le khanghamte kongzing tengah si uh hi. Galte in nungak le tangvalte namsau tawh a that lum uh hi. Amaute hehpih loin na heh ni-in na that lumsak hi.

Jeremiah 32:17

‘Topa Pasian! Nangma vangpi le na khut tawh vantung le leitung na bawl khinzo hi. Nang adingin a haksa lua khat beek om lo hi.

Jeremiah 23:17

Keimah Topaʼ thugenna a hong ngai lo mite kiangah, hong hoih na ve, ci-in a gen tawntung uh hi. Amauʼ lungsimʼ deihna bang ciat bek a zui tentan mi khempeuhte kiangah zong, gimna hong tung zenzen lo ding hi, ci-in a gen uh hi,” a ci hi.

Jeremiah 8:11

Amaute in ka miteʼ thuaknate thupi simsak lo uh a, hoihna a om keei lopi, ‘Hoih hi, hoih hi,’ ci mawkmawk uh hi.

Jeremiah 6:14

Amaute in ka miteʼ thuaknate thupi simsak lo uh a, hoihna om keei lopi, ‘Hoih hi, hoih hi,’ ci mawkmawk uh hi.

Jeremiah 4:18

Na lungsim le na gamtatnateʼ hangin nangʼ tungah hih thu hong tung hi. Hih pen nangma gitlohna hang hi a, na lungtang pailetin hong sun hi,” a ci hi.

Jeremiah 1:6

Tua ciangin keimah in, “Ah, Topa Pasian aw, kei thugen ka siam kei a, naupang khat ka hi lel hi,” ka ci hi.

Isaiah 63:17

Topa aw, kote in nang kong kihtak loh theih nadingun bang hangin na lampi panin kote hong pialsakin ka lungsim uh khauhsak na hi hiam? Nangma nasemte, nangma luah minamte na ngaihsutna-in hong kiheikik in.

Isaiah 30:10

Amaute in thu mu theite tungah, “Mu kei un,” ci uh a, kamsangte tungah, “Koteʼ tungah thuman hong gen kei un. Kote tungah thuzol bek hong gen unla, thutak ahi lote hong gen un.

Paikhiatna 9:14

Bang hang hiam cih leh leitung khempeuh ah kei tawh a kibang khat beek om lo hi, ci-in na theih nadingin hih hunin na inn sung tawng dong le na nasemte le na miteʼ tungah ka gimnate khempeuh kong tungsak ding hi.

Paikhiatna 5:22

Tua ciangin Topaʼ lamah Moses kiheikikin, “Topa aw, bang hangin nangmah in hih mite tungah siatna bawl na hi hiam? Bang hangin kei hong sawl peuhmah na hi hiam?