Jeremiah 39:6 - Tedim Bible Revision 2017

⁶ Riblah khua ah Babylon kumpipa in Zedekiahʼ muh mahin a tapate thahlupsak a, Judah gam kumpi ulian khempeuh zong a that lum hi.

Tedim Bible

⁶ Riblah khua-ah Babilon kumpipa in Zedekiah’ muh mahin a tapate thahlup sak a, Judah gam kumpi ulian khempeuh zong a thatlum hi.

Jeremiah 39:6 Referans Kwoze

Jeremiah 52:10

Riblah khua ah Babylon kumpipa in Zedekiahʼ muh mahin a tate thahlupsak a, Judah gam kumpi ulian khempeuh zong a that lum hi.

Jeremiah 21:7

Tua khit ciangin, Topa in kong cih in ah, Judah kumpipa Zedekiah le a nasemte le pulnatna, namsau le kialin a si lo a nungta lai teng pen, amauʼ galte le amaute a that nuam Babylon kumpipa Nebukhadnezzarʼ khut sungah ka pia ding hi. Amah in amaute namsau tawh that dinga, hehpih loin, zong a maap kei dinga, itna lungsim a nei kei ding hi,’ va ci un,” a ci hi.

2 KUMPI NIHNATE 25:7

Amaute in Zedekiahʼ muhna ah a tapate thatin, Zedekiahʼ mitte khel khia uh a, amah kol bulhin Babylon ah a paipih uh hi.

Thu-hilhkikna 28:34

Tua ahih ciangin na mit un a muh ding nate in note hong hehsak mahmah ding hi.

Isaiah 13:16

Amauʼ muhna mahah a naungekte uh leilak kiden gawp nading hi. Amauteʼ inn kiluhin, a zite uh kibuansak ding hi.

Esther 8:6

Ka mipihte tungah hih siatna lianpi a tung ka muh ding bangci thuak zawh ding ka hi hiam? Ahih kei le ka innkuan pih tungah a tung hih siatna ka muh ding bangci thuak zawh ding ka hi hiam?” a ci hi.

2 KHANG TANGTHU NIHNATE 34:28

Na pate kiang kong zuansak dinga, hih mun le a tunga teengte tungah ka tunsak ding siatna khempeuh na mit in mu lo ding hi,’ ci hi,” a ci hi. Tua ciangin amaute in kumpipa kiangah a thu puakkik uh hi.

2 KUMPI NIHNATE 22:20

Tua ahih ciangin, nangmah in nuam takin na han na zuan dinga, hih mun tungah ka tunsak ding siatna khempeuh na mit in mu lo ding hi,’ ci hi,” a ci hi. Tua ciangin amaute in kumpipa kiangah tua thu a puakkik uh hi.

Piancilna 44:34

Bang hang hiam cih leh tangvalpa kei tawh hong ton kei leh ka pa kiangah bangci ciahkik thei ding ka hi hiam? Ka paʼ tungah a tung ding siatna ka thuak zo kei ding hi,” a ci hi.

Piancilna 21:16

Tua ciangin amah pai-in a hoih khop khat a gamla, thal lot khat tan bangah a ta nungngatin a tu suk hi. Bang hang hiam cih leh amah in, “Naupangʼ sih hong musak kei in,” a ci hi. Amah nungngatin a tut laitakin naupang nakpi-in a kap hi.

Isaiah 34:12

Kumpi om lo Gam, ci-in amaute in min phuak ding uh a, a ulian khempeuhte a mawkna hi ding uh hi.

Jeremiah 20:4

Bang hang hiam cih leh Topa in hong cih in ah, ‘En in, keimah in nang le na lawmteʼ lau nadingin nang kong bawl ding hi. Babylon kumpipaʼ khut sungah Judah gam khempeuh ka pia ding hi. Amah in sal dingin amaute Babylon khua ah paipih dinga, namsau tawh a that lum ding hi.

Jeremiah 34:3

Ama khut sung panin na suakta kei dinga, hong kimanin ama khut sungah nang hong kipia taktak ding hi. Nang le Babylon kumpipa maitang kimu-in na kiho ding uh a, Babylon khua ah na pai ding hi.

Jeremiah 38:23

Na nupite le na tate khempeuh Babylon mite kiangah kipaipih dinga, nang mahmah zong amauteʼ khut sung panin na suakta kei ding hi. Babylon kumpipa in hong man dinga, hih khuapi mei tawh a kaang tum ding hi,” ka ci hi.

Ezekiel 23:24

Amaute in leilu lam panin nang hong sim ding uh a, leeng galkap le van pua leeng tampi hong kengin galkap tampi tak tawh hong kuan ding uh hi. Lumte le sik lukhute tawh kidalin amaute in nang hong umcih ding uh hi. Amauteʼ khut sungah nang kong ap dinga, amauteʼ ngeina om bangin nangʼ tungah thu hong khen ding uh hi.

Ezekiel 24:5

Tuu limci penteʼ sa zang unla, beel nuai ah mei cih un. A tui sosak unla, a guh le a sate sosak un.

Zefaniah 1:8

Topa in hih bangin thu gen a, “Tua bangin mite a kigawh ni-in, uliante le kumpipaʼ tapate, le gamdangteʼ ngeina a zuite khempeuh, gim ka pia ding hi.