Jeremiah 39:5 - Tedim Bible Revision 2017

⁵ Ahih hangin Babylon galkapte in nung delh uh a, Jerikho zanglei ah Zedekiah a pha uh hi. A mat khit uh ciangin Hamath gam Riblah khua ah, Babylon kumpipa Nebukhadnezzarʼ kiangah paipih uh a, amah in thukhenna a pia hi.

Tedim Bible

⁵ Ahih hangin Khaldea galkapte in a nung delh uh a, Jerikho leizangah Zedekiah a pha uh hi. A mat khit uh ciangin Hamath gam Riblah khua-ah, Babilon kumpipa Nebukhadnezzar’ kiangah a paipih uh a, amah in thukhenna a pia hi.

Jeremiah 39:5 Referans Kwoze

2 KUMPI NIHNATE 23:33

Tua ciangin amah in Jerusalem a uk theih loh nadingin Faro Neko in Hamath gam sung Riblah khua ah amah kol bulh a, Judah mite tung panin ngun talen za khat le kham talen khat siah a kai hi.

Joshua 5:10

Israel mite Gilgal-a giahphual ah a om sungun tua kha a ni sawm le li ni nitakin Jerikho zanglei ah Paisan Pawi a bawl uh hi.

Jeremiah 38:23

Na nupite le na tate khempeuh Babylon mite kiangah kipaipih dinga, nang mahmah zong amauteʼ khut sung panin na suakta kei ding hi. Babylon kumpipa in hong man dinga, hih khuapi mei tawh a kaang tum ding hi,” ka ci hi.

Jeremiah 38:18

Ahih hangin Babylon kumpipaʼ uliante na belh kei leh Babylon kumpipaʼ khut sungah hih khuapi kipia dinga, amau in mei tawh halin amauteʼ khut sung pan na suakta kei ding hi,” ka ci hi.

Joshua 4:13

mi tul sawm li bang galdo dingin hiam tawi-in a baih sa-in Jerikho zanglei lam Topaʼ mai ah a pai uh hi.

Kah la 4:20

Amaute in galteʼ khut sung panin a hong huh zo dingin ka up uh, Pasianʼ teel a muanhuai kumpi a hong matsak uh hi.

Kah la 1:3

Judah mite, a huh ding a nei lo silate bangin a inn panun kihawl khia hi. Amaute gam dangah teeng uh a, amauʼ gam ding a om kei hi. Galte in umcih uh a, a suahtak theih nading uh lampi a om kei hi.

Jeremiah 4:12

Ka sawl huih pen tua bang dingin hat lua ding hi. Tu-in Topa in amaute tungah thu khenin a gen hi,” kici ding hi.

2 KHANG TANGTHU NIHNATE 33:11

Tua ahih ciangin Topa in Assiria kumpipaʼ galkap ukte amauʼ kiangah paipih a, amaute in sikkawite tawh Manasseh manin sumngo khau tawh khihin Babylon ah a paipih uh hi.

2 KUMPI NIHNATE 25:6

Tua ciangin amaute in kumpipa man uh a, ama tungah thukhenna a pia, Riblah a Babylon kumpipa kiangah amah paipih uh hi.

2 KUMPI NIHNATE 17:24

Tua ciangin Assiria kumpipa in Babylon, Kuthah, Avva, Hamath le Sefarvaim panin mite paipih a, Israel miteʼ tangin Samaria khuapite ah amaute a koih hi. Amaute in Samaria gam luahin a khuapite ah teeng uh hi.

2 SAMUEL NIHNA 8:9

Hamath kumpipa Toi in David in Hadadezerʼ galkap buppi a zawhna thu a zak ciangin,

Thukhente 3:3

Tua a siit minamte: Filistia ulian ngate, Kanaan mi khempeuh, Sidon mite le Baal-hermon Mual panin Hamath lutna ciang dong Lebanon Mual tungah a teeng Hiv mite ahi hi.

Joshua 13:5

le Gebal miteʼ leitang le Lebanon gam khempeuh, nisuahna lamah, Hermon Mual nuai-a Baalgad panin Hamath tumna ciang,

Gamlak-vakna 13:21

Tua ahih ciangin amaute pai to-in Zin gamlak panin Hamath khua lutna gei, Rehob mun dong gam a vaan uh hi.

Jeremiah 21:7

Tua khit ciangin, Topa in kong cih in ah, Judah kumpipa Zedekiah le a nasemte le pulnatna, namsau le kialin a si lo a nungta lai teng pen, amauʼ galte le amaute a that nuam Babylon kumpipa Nebukhadnezzarʼ khut sungah ka pia ding hi. Amah in amaute namsau tawh that dinga, hehpih loin, zong a maap kei dinga, itna lungsim a nei kei ding hi,’ va ci un,” a ci hi.

Jeremiah 24:8

“Ahih hangin Topa in kong cih in ah: Judah kumpipa Zedekiah le ama gam uk uliante a kipan hih gamah a omsuak Jerusalem khua sunga a om lai sunteng le Egypt gamah a teengte limci lo lua ahih manin a kine thei lo theigahte bangin ka bawl ding hi.

Jeremiah 44:30

Topa in kong genin ah: ‘En un, Judah kumpi Zedekiah, a galpa ahi amah a that nuam Babylon kumpipa Nebukhadnezzarʼ khut sungah ka piak mah bangin Egypt kumpipa Faro Hofra, a galteʼ khut sung, amah a that nuam miteʼ khut sungah ka pia ding hi,’ hong ci hi,” ka ci thuah lai hi.

Jeremiah 49:23

Damaskas khua tawh kisai-in Vanglian Topa in a genin ah: “Hamath khua le Arpad khuate in thusia za uh ahih manin lungmangin a om uh hi. Tuipi dai thei lo bangin a launa uh dai thei lo hi.

Ezekiel 23:24

Amaute in leilu lam panin nang hong sim ding uh a, leeng galkap le van pua leeng tampi hong kengin galkap tampi tak tawh hong kuan ding uh hi. Lumte le sik lukhute tawh kidalin amaute in nang hong umcih ding uh hi. Amauteʼ khut sungah nang kong ap dinga, amauteʼ ngeina om bangin nangʼ tungah thu hong khen ding uh hi.

Habakkuk 1:7

Amaute lauhuai-in, kihtakhuai mahmah uh a, a gen khempeuh uh nial theih hi lo hi.

Isaiah 22:3

Note hong uk mite tai uh a, thal zat kul loin amaute kiman hi. Gamlapi ah na tai uh hangin hong kimu note khempeuh hong kiman hi.