Jeremiah 39:3 - Tedim Bible Revision 2017

³ Jerusalem khua a kilak laitakin Nergal-sharezer, Samgar-nebo, galkap bu Sarsekhim le sakol galkap maang Nergal-sharezer te a kipan Babylon kumpi uliante khempeuh hong pai-in kongpi laita pen ah hong tu uh hi.

Tedim Bible

³ Jerusalem khua a kilak laitakin, Nergalsharezer, Samgarnebo, galkapmang Sarsekhim leh sakol galkap mang Nergalsharezer-te akipan Babilon kumpipa’ kumpi uliante khempeuh hong pai-in kongpi laita penah hong tu uh hi.

Jeremiah 39:3 Referans Kwoze

Jeremiah 38:17

Tua ciangin keimah in Zedekiah kiangah, “Topa, Vanglian Pasian, Israel miteʼ Pasian in hong genin ah, Babylon kumpipaʼ uliante na belh leh na nuntakna hong kimap dinga, hih khuapi in zong mei tawh hal tum na thuak loin nang le na innkuanpihte na nungta ding uh hi.

Jeremiah 21:4

“Zedekiah kiangah hih bangin na genkik un, ‘Topa, Israel miteʼ Pasian in a genin ah: En un, khua kulhpi pua lamah a hong umcih Babylon kumpipa le Khaldea mite na dona uh ahi, na khut sung uh a na kep na galhiamte uh bangmahin a kimang lo ka suaksak dinga, amaute khempeuh hih khuapi laizang ah kong paipih ding hi.

Jeremiah 39:13

Tua ciangin kumpi cing galkap maang Nebuzaradan tawh, galkap bu Nebushazban le sakol galkap maang Nergal-sharezer te a kipan Babylon kumpipaʼ uliante khempeuh in

Jeremiah 1:15

Bang hang hiam cih leh leilu lamah a om gam khempeuh keimah in ka sam a, amaute hong pai-in Jerusalem khua kongpite ah ahi zongin, khua kimkot a kulh kiimte ah ahi zongin, Judah gam khuapi khempeuh kiimte ah ahi zongin a kumpi tokhomte uh hong phut ciat ding uh hi.

2 KUMPI NIHNATE 17:30

Babylon mite in Sukkoth-benoth pasian lim, Kuth mite in Nergal pasian lim, Hamath mite in Ashima milim,

Ezekiel 26:10

A sakolte uh a paina leivui khute in khuapi tuamcip ding hi. Van pua leeng le leeng galkapteʼ ginna in khuapi kulhte cimsak dinga, a kisusia sa kulh kongpi a pai bangin hong lut lel ding uh hi.