Jeremiah 39:1 - Tedim Bible Revision 2017

¹ Judah gamah Zedekiah kumpi a suah zawh kum kua le kha sawm a phak laitakin, Babylon kumpipa Nebukhadnezzar le a galkap khempeuh Jerusalem khua a sim dingin a hong kuan uh hi.

Tedim Bible

¹ Judah gamah Zedekiah kumpi a suah zawh kum kua leh kha sawm a phak laitakin, Babilon kumpipa Nebukhadnezzar leh a galkap khempeuh Jerusalem khua sim dingin hong pai uh hi.

Jeremiah 39:1 Referans Kwoze

Zekhariah 8:19

amah in, “Kha lina, kha ngana, kha sagihna le kha sawmna sunga antannate pen, Judah gam mite adingin lungdamin kipakin pawi bawlna hun suakta ding hi. Tua ahih manin thuman le kilemna deih pha un,” hong ci hi.

Thu-hilhkikna 28:36

“Note le na pu na pate un a theih ngei loh minam khat kiangah Topa in note le note tungah na koih uh na kumpipa uh hong tunpih dinga, tua lai ah sing le suang tawh a kibawl pasian dangteʼ na na sem ding uh hi.

Jeremiah 32:1

Nebukhadnezzar kumpipa in a uk zawh kum sawm le kum giat a phak kumin, Judah gamah Zedekiah kumpi a suah zawh kum sawm pha ta a, tua kumin Topa in Jeremiah a hopih hi.

Jeremiah 34:1

Babylon kumpipa Nebukhadnezzar in a galkapte khempeuh, a ukna gam khempeuh le a mi khempeuh tawh Jerusalem khua le a kiim a khuapite a sim laitakin Topa in kei hong hopih a,

Jeremiah 34:22

En un, Topa in kong cih in ah, keimah in thu ka pia dinga, hih khuapi ah hong paikik ding uh hi. Amaute in hih khuapi hong simin, hong la-in mei tawh hong halsak ding uh hi. Judah gam khuapite kuamaʼ ten lohna mun awng ka suaksak ding hi,” a hong ci hi.

Jeremiah 42:18

“Bang hang hiam cih leh Vanglian Topa, Israel miteʼ Pasian in kong cih in ah: Jerusalem khua ah a teeng miteʼ tungah ka hehna le ka thangpaihna a kibuak bangmahin Egypt gamah na pai uh leh note tungah ka hehna hong kibua ding hi. Mite in note hong lipkhap dinga, kihamsiatna-in hong zangin hong zahko ding uh hi. Note in hih mun na mukik nawn kei ding uh hi, ci-in gen hi,” ka ci hi.

Ezekiel 4:3

Tua ciangin sik peek khat la inla, nang le khuapi kikalah kulh lim dingin koih in. Tua ciangin khuapi lam en in. Tua khuapi a ki-umcih hi-in, nang pen a umcihteʼ lim ding na hi hi. Hih pen Israel mite adingin lim hi ding hi.

Ezekiel 5:2

Umcihna lim na man ciangin khuapi lim sungah seh khat hal tum in. Tua ciangin seh khat la leuleu inla, khuapi kiimah na pai kawmin na namsau tawh satnen in. A om lai seh khat pen huih lakah lawn in. Keimah in ka namsau tawh tuate ka sat ding hi.

Ezekiel 33:21

Salin ka om zawh uh a kum sawm le kum nih kum, a kha sawmna a ni masa ni-in Jerusalem panin a hong suakta mi khat kei kiangah hong pai-in, “Jerusalem khuapi kila khinta hi,” ci-in thu hong ko hi.

Ezekiel 40:1

Jerusalem khuapi a kilak zawh a kum sawm le kum lina kum, salin hong kipaipih zawh a kum sawm nih le ngana, a kha masa a ni sawm ni-in ka sungah Topaʼ vangliatna hong om lamtak ka kiphawk a, amah in kei hong paikhiatpih hi.

2 KHANG TANGTHU NIHNATE 36:17

Tua ahih ciangin Topa in Khaldea miteʼ kumpipa amauteʼ lang khat ah paipih a, tua kumpipa in amauʼ Pasianʼ biakinn sung nangawn ah namsau tawh a tangvalte uh that a, numei pasal, a moi a ham, a dam a na, kuamah khasiat lo hi. Pasian in a vekpi-in ama khut sungah a pia hi.

Jeremiah 6:6

Bang hang hiam cih leh Vanglian Topa in, “A singte phuksak unla, Jerusalem khua sim nadingin phungin ciang un. Hih khuapi gim piak kul hi; bang hang hiam cih leh kinetniamna bekbek tawh a kidim hi.

Jeremiah 52:1

Zedekiah kumpi a suahin kum sawm nih le kum khat pha a, Jerusalem khua ah kum sawm le kum khat sung a uk hi. A nuʼ min Hamutal hi a, Libnah khua-a teeng Jeremiahʼ tanu ahi hi.