Jeremiah 38:9 - Tedim Bible Revision 2017

⁹ “Ka to kumpipa aw, hih mite in kamsang pa Jeremiah, tuikhuk sungah a khiat suk uh a khial uh hi. Bang hang hiam cih leh khua sungah anlum om nawn lo ahih manin an ngawlin a puksi veve ding ahi hi,” a ci hi.

Tedim Bible

⁹ “Ka Topa kumpipa aw, hih mite in kamsangpa Jeremiah, tuikhuk sungah a khiatsuk uh a khial uh hi. Bang hang hiam cih leh khua sungah anlum om nawn lo ahih manin anngawlin a puk si ding hi,” a ci hi.

Jeremiah 38:9 Referans Kwoze

Jeremiah 37:21

Tua ahih manin kumpipa Zedekiah in kumpi thonginn sungah ka kiat zawk nading thu pia a, khua sunga anlum a bei matengin anlum sai panin nisimin anlum khat ta hong piasak den hi. Tua ahih manin kumpipaʼ thong sungah a om ka suak hi.

Jeremiah 52:6

Tua kum a kha lina, a ni kua ni ciangin khuapi sungah kial nasia lua ahih manin, mite in annek ding a nei nawn kei uh hi.

JOB (Job) 31:34

Midangteʼ hong kampau ding kihtakin ka nei ngei kei hi. Amauʼ hong simmawh ding ka kihtakna hangin pau loin ka omngei kei a, ka bucip ngei kei hi.

Jeremiah 38:8

Ebedmelek zong kumpi inn panin hong pai khia-in kumpipa kiangah,

Jeremiah 38:10

Tua ciangin kumpipa in Ethiopia mipa Ebedmelek sawl a, “Hih lai panin mi thum tonpih inla, kamsang pa Jeremiah a sih ma-in tuikhuk sung pan va kai khia un,” a ci hi.

Kah la 1:11

Amaute, a thum kawm sa-in annek zong dingin a paikhia uh hi. A nuntak theih nadingun a sum a pai uh tawh an a khek uh hi. Khuapi in, “Hong en in Topa aw, ka thuakna teng hong mu in,” ci-in a kiko hi.

Kah la 3:53

Leihawm thukpi kawt sungah hong hing khiat uh a, suangtumpi tawh a hong sincip uh hi.

Jeremiah 19:9

A galte uh le a that nuam mite in, amaute sim ding uh a, nek ding om lo lua ahih manin a tapate le a tanute uhʼ sa ka nesak dinga, mi khempeuh in a veengteʼ sa a ne ding uh hi,’ va ci in.

Jeremiah 39:17

Ahih hangin Topa in kong cih in ah, tua ni ciangin nang kong hon khia dinga, na kihtak miteʼ khut sungah hong kipia lo ding hi.