Jeremiah 38:4 - Tedim Bible Revision 2017

⁴ Tua ciangin kumpipaʼ uliante in kumpipa kiangah, “Hih mipa i that lum ding hi. Bang hang hiam cih leh hih thute a gen manin hih khuapi sungah a om lai galkapte le mi khempeuhte lungkiasakin tha zawsak hi. Hih mipa in i gam miteʼ phattuam nading zong loin a gim ngah nading uh a zong zaw ahi hi,” a ci uh hi.

Tedim Bible

⁴ Tua ciangin kumpipa’ uliante in kumpipa’ kiangah, “Hih mipa i thatlum ding hi. Bang hang hiam cih leh hih thute a gen manin hih khuapi sunga a om lai galkapte leh mi khempeuhte lungkia sakin thazaw sak hi. Hih mipa in i gam mite’ phattuam nading zong loin a gim ngah nading uh a zong zaw hi,” a ci uh hi.

Jeremiah 38:4 Referans Kwoze

Jeremiah 26:11

Tua ciangin siampite le kamsangte in kumpi uliante le mi khempeuhteʼ kiangah, “Note in na bil uh tawh na zak ciat uh mah bangin hih pa in hih Jerusalem khuapi langpangin thu hilh ahih manin thah ding kilawm hi,” a ci uh hi.

Sawltak 16:20

Rom ulian thukhente kiangah paipih uh a, “Hih mite, Jew mi hi a, i khua sungah nawngkaina hong piangsak hi.

Amos 7:10

Bethel ah a om siampi nasem Amaziah in Israel Kumpi Jeroboam kiangah thu puak a, “Amos in Israel mite lakah nang hong sawm hi. Ama thugen in i gam sung siasak ding hi.

Jeremiah 29:7

Note salin kong koihna khuapiʼ phattuam nading bawl unla, tua khuapi adingin Topaʼ tungah thu ngetsak un. Bang hang hiam cih leh tua khuapi in phattuamna ngah leh no zong phattuamna a ngah mah na hi uh hi.

Nehemiah 6:9

Kote in ka hanciamna uh khiamin nasep a kizawh loh nading deihna tawh amaute in kote hong lausak theih nading uh a hanciam uh ahi hi. Tua ahih ciangin ka hahkat semsem zaw uh hi.

1 KUMPI MASATE 21:20

Ahab in Elijah a muh ciangin, “Ka galpa aw, kei hong mu na hi hiam?” a ci hi. Amah in dawngin, “Topaʼ muhna ah a sia a gamta dingin nangmah kipiatawm na hih manin nang kong mu hi.

Paikhiatna 5:4

Ahih hangin Egypt kumpipa in amaute kiangah, “Moses le Aaron aw, bang hangin amauʼ nasepna panin mite pai khiasak ding na hi uh hiam? Na nasepnate uh ah pai un,” a ci hi.

Sawltak 28:22

Ahi zongin tu-a nangma kipawlna miteʼ thu pen a koimah peuh ah mi khempeuh in gensia uh ahih manin nangma ngaihsutna taktak ka za nuam uh hi,” a ci uh hi.

Sawltak 24:5

Hih mipa, buaina a piangsak, a kihtakhuai mi ahihna ka mu uh hi. Mun khempeuh a om Jew mite lakah buaina piangsak a, Nazareth mi pawl a kicite a makai pa ahi hi.

Sawltak 17:6

Tua inn ah Paul le Silas a muh loh uh ciangin a innteek pa Jason le midang pawl khat kai khia-in uliante kiangah paipih uh a, “Hih mite in mun khempeuh ah buaina piangsak uh hi. Tu-in i khua sung hong tung uh a,

Luka 23:2

Tua lai panin amah mawh zon ding kipan uh a, “Hih mipa in ka mipihte uh lam khialsakin, kumpipa tungah siah piak loh dingin thu gen a, a mahmah zong Khris ahi kumpi khat ahihna a kigenna zong ka za uh hi,” a ci uh hi.

Ezekiel 22:27

A kumpi uliante uh, a sa mat sa uh a bal gawpgawp ngia hon tawh kibang uh hi. Sum ngah theih nadingin mi that uh hi.

Ezra 4:12

“Nangma kiang panin ko kiangah a hong pai Judah mite, tu-in Jerusalem ah tung khin uh a, a gilo, mi lehdo thei ahi khuapi pen amaute in lamkikin, amaute in a khua bulpi vel khinin, kulhpi cian a kipat khitna thu thei in.

2 KHANG TANGTHU NIHNATE 24:21

Ahih hangin amaute in amah sawm sim uh a, kumpipaʼ thupiakna tawh amaute in Topaʼ biakinn tual ah suang tawh amah deng lum uh hi.

Jeremiah 11:21

Tua ahih manin kei hong that nuamin, “Topaʼ min tawh thu hilh kei in. Na hilh leh koteʼ khutlumin na si ding hi,” a hong ci Anathoth khua mite tawh kisai-in

Jeremiah 18:23

Ahih hangin Topa aw, amaute in thah dingin kei a hong sawmna uh nang na thei hi. Amauʼ khialhnate na maisak kei inla, nangma muhna panin amauʼ mawhnate phiat mangsak kei in. Nangma mai ah amaute guallelsak inla, na heh ni mahin hih ek in.

Jeremiah 38:16

Tua ciangin kumpipa Zedekiah in kei kiangah, “Eite nuntakna a hong pia Topa a nuntak bangin kong sisak kei dinga, nang a hong that nuam hih miteʼ khut sungah zong kong pia kei ding hi,” ci-in kiciamna a hong pia sim hi.

Jeremiah 38:25

Ahih hangin kumpi uliante in nang kong hopih lam a zak khak uh a, nang kiangah hong pai-in hong hopihin, ‘Kumpipa kiangah na gen thute le kumpipa in nang kiangah hong gen thute hong gen in. Bangmah hong im kei lecin kong that kei ding uh hi,’ ci-in a hong gen khak uh leh

Jeremiah 43:3

Neriahʼ tapa Baruk in Babylon miteʼ khut sungah kote hong pia nuamin, hong kithah nading ahih kei leh Babylon ah saltang dingin hong kilak theih nading deih ahih manin ko a hong langpang dingin nang a hong zang ahi zaw hi,” a hong ci uh hi.