Jeremiah 38:2 - Tedim Bible Revision 2017

² Keimah in mite kiangah, “Topa in hong cih in ah: Hih khuapi sungah a om mi peuhmah namsau tawh ahi a, kial tawh ahi a, pulnatna tawh ahi zongin a si ding uh hi. Ahih hangin pusuak khia-in Babylon mite a beel peuhmah nungta dinga, suakta liailiai ding uh hi.

Tedim Bible

² Jeremiah in mite’ kiangah, “Topa in hong cih-inah, Hih khuapi sunga a om mi peuhmah namsau tawh ahi zongin, kial tawh ahi zongin, pulnatna tawh ahi zongin a si ding uh hi. Ahih hangin pusuak khia-in Khaldea mite a beel peuhmah a nungta ding a, a suakta liailiai ding uh hi.

Jeremiah 38:2 Referans Kwoze

Jeremiah 39:18

Bang hang hiam cih leh nang kong hon khia taktak dinga, namsau tawh thahna na thuak kei ding hi. Topa in kong cih in ah, kei hong muang na hih manin na nuntakna na suahtak liailiai ding hi, hong ci hi,’ ci-in va gen in,” a hong ci hi.

Jeremiah 45:5

Tua sung panin nang a peng thei tuam dingin kingaihsun na hi hiam? Tua bangin kingaihsun kei in; bang hang hiam cih leh en in, Topa in kong cih in ah, mi khempeuh tungah gimna ka tungsak ding hi. Ahih hangin nang pen na paina mun khempeuh ah kong suaktasak liailiai ding hi, ci hi,” ka ci hi.

Jeremiah 34:17

Tua ahih manin Topa in kong cih in ah: Mi khempeuh in na sanggam na mipihte uh khah khia loin, suahtakna pia loin ka thu hong mang lo na hih uh leh, en un, Topa in kong cih in ah, note hong khah khia-in suahtakna kong pia ta hi. Namsau tawh kithahna, pulnatna le kialpite tawh na sih nadingun note kong khah khia a, kong suaktasak hi. Leitung gam khempeuhteʼ hong lipkhap dingin kong bawl hi.

Ezekiel 14:21

“Topa Pasianʼ thugen hih bang ahi hi: Mihing ganhing a sumai dingin gimna nasia pen li ahi gal, kialpi, a kihtakhuai gamsate le natna, Jerusalem ah ka tungsak ding hi.

Jeremiah 42:17

Egypt gamah pai-in a teeng khempeuh namsau tawh ahi a, kialpi tawh ahi a, pulnatna tawh ahi zongin a si ding uh hi. Amauteʼ tungah ka tunsak ding gimna panin kuamah a suakta kei ding uh hi.

Ezekiel 7:15

Khua pua lamah gal kidona om a, khua sungah cinatna le gilkialna om hi. Gamlak a om khempeuh gal sungah si ding uh a, khua sunga om khempeuh cina le gil kialin si ding uh hi.

Ezekiel 6:11

Tua ciangin Topa Pasian in, “Israel miteʼ gitlohna le a muhdahhuai a gamtatnate khempeuh uh hangin na khut singin lei tuan inla, a dahin kap in. Amaute gal kidona, kial le natna hangin si ding uh hi.

Jeremiah 44:13

Jerusalem khua ka siatsak bangin Egypt gam a teeng mite namsau tawh, kialpi tawh, pulnatna tawh sihna ka thuaksak dinga,

Jeremiah 42:22

Tua ahih manin na ten nopna mun uh ah namsau tawh thahna, kial le pulnatna tawh sihna na thuak ding uh hi, ci-in tu-in tel takpi-in thei ta un,” ka ci thuah lai hi.

Jeremiah 29:18

Amaute, namsau, kialpi le pulnatna tawh ka nung delh dinga, ka hawlkhiat nading mun khempeuh ah mite in kihamsiatna-in a zat dingun simmawhna le zahkonate ka thuaksak dinga, amauteʼ thuakna hangin leitung gam khempeuh ka lausak ding hi.

Jeremiah 27:13

Bang hangin namsau tawh, kialpi tawh, pulnatna tawh nang le na mite si ding uh ahi hiam? Babylon kumpipaʼ na a sem lo gam khat peuhpeuh tua ci sih ding, ci-in Topa in a gen hi.

Jeremiah 24:8

“Ahih hangin Topa in kong cih in ah: Judah kumpipa Zedekiah le ama gam uk uliante a kipan hih gamah a omsuak Jerusalem khua sunga a om lai sunteng le Egypt gamah a teengte limci lo lua ahih manin a kine thei lo theigahte bangin ka bawl ding hi.

Jeremiah 21:4

“Zedekiah kiangah hih bangin na genkik un, ‘Topa, Israel miteʼ Pasian in a genin ah: En un, khua kulhpi pua lamah a hong umcih Babylon kumpipa le Khaldea mite na dona uh ahi, na khut sung uh a na kep na galhiamte uh bangmahin a kimang lo ka suaksak dinga, amaute khempeuh hih khuapi laizang ah kong paipih ding hi.

Jeremiah 27:11

Ahih hangin Babylon kumpipaʼ hakkol pua a, ama na a sem gam pen, lo kho-in a ten theih nadingin ama gam sung mahah ka omsak ding hi, ci-in Topa in hong gen hi,’ ci-in gen uh hen,” hong ci hi.

Jeremiah 29:16

David kumpi tokhom tunga tu kumpipa le hih khuapi sunga om, note tawh saltang dingin a pai khawm lo na behte khempeuh uh tawh kisai-in Topa in kong genin ah: