Jeremiah 38:12 - Tedim Bible Revision 2017

¹² Tua ciangin Ethiopia mipa Ebedmelek in keima kiangah, “Na lenuai le khau kikalah puan siate dap in,” ci-in hong sawl hi. Kei zong tua mah bangin ka hih hi.

Tedim Bible

¹² Tua ciangin Ethiopia mipa Ebedmelek in Jeremiah’ kiangah, “Na lenuai leh khau kikalah puansiate dap in,” ci-in a sawl hi. Jeremiah in zong tua bangin ahih hi.

Jeremiah 38:12 Referans Kwoze

Efesa 4:32

khatlekhat kihehpihin, lungsim nem tawh na kiho zaw unla, Khrisʼ hangin Pasian in noteʼ mawhna hong maisak mah bangin khatlekhat na mawhna uh na kimaisak ta un.

ROM (Romans) 12:10

Unau ki-itna lungsim nei unla, khatlekhat kizahtak bawl ding lamsang kidem un.

ROM (Romans) 12:15

A lungdam mite lungdam pih unla, a dah mite dahpih un.

Jeremiah 38:7

Kumpipaʼ inn sungah na a sem kumpi ulian khat ahi Ethiopia mi Ebedmelek in tuikhuk sungah kei hong kikhiat lam a za hi. Tua laitakin Benjamin Kongpi ah kumpipa tu-in a om hi.

Jeremiah 38:11

Tua ciangin Ebedmelek in zong a mite tonpih a, kumpipaʼ inn ah pai-in vankoihna sungah a lut khit uh ciangin tuikhuk sung pan khau tawh kei hong kaih khiatna ding uh puan sia sa le puan lui pawl khat a la uh hi.

Jeremiah 38:13

Tua ciangin amaute in tuikhuk sung panin khau tawh kei a hong kai khiato uh hi. Ahi zongin thong huang sung mahah ka om lai hi.