Jeremiah 38:10 - Tedim Bible Revision 2017

¹⁰ Tua ciangin kumpipa in Ethiopia mipa Ebedmelek sawl a, “Hih lai panin mi thum tonpih inla, kamsang pa Jeremiah a sih ma-in tuikhuk sung pan va kai khia un,” a ci hi.

Tedim Bible

¹⁰ Tua ciangin kumpipa in Ethiopia mipa Ebedmelek sawl a, “Hih lai panin mi thum tonpih in la, kamsangpa Jeremiah a sih ma-in tuikhuk sung pan va kaikhia un,” a ci hi.

Jeremiah 38:10 Referans Kwoze

Paunak 21:1

Topaʼ khut sungah kumpipa om a, lo sunga tui lak bangin a deihna peuh ah hei kawikawi thei hi.

Late 75:10

Migiloteʼ vangliatna khempeuh amah in susia dinga, ahih hangin thuman miteʼ vangliatna khang semsem ding hi.

Esther 8:7

Tua ciangin Kumpipa Ahasueras in Kumpinu Esther le Jew mi Mordekai tungah, “Haman in Jew mite thah hong sawm ahih manin sing tungah amah kikhailum khin a, Hamanʼ neihsa khempeuh Estherʼ tungah kong pia khin hi.

Esther 5:2

Inntual ah Kumpinu Esther dinga a om kumpipa in a muh ciangin Esther in kumpipaʼ maipha ngah a, kumpipa in a khut a a tawi kumpi ciangkhut pen Estherʼ lamah a zan hi. Tua ciangin Esther in hong naihin tua ciangkhut dawn va lawng hi.

Jeremiah 38:7

Kumpipaʼ inn sungah na a sem kumpi ulian khat ahi Ethiopia mi Ebedmelek in tuikhuk sungah kei hong kikhiat lam a za hi. Tua laitakin Benjamin Kongpi ah kumpipa tu-in a om hi.

Jeremiah 38:9

“Ka to kumpipa aw, hih mite in kamsang pa Jeremiah, tuikhuk sungah a khiat suk uh a khial uh hi. Bang hang hiam cih leh khua sungah anlum om nawn lo ahih manin an ngawlin a puksi veve ding ahi hi,” a ci hi.

Jeremiah 38:11

Tua ciangin Ebedmelek in zong a mite tonpih a, kumpipaʼ inn ah pai-in vankoihna sungah a lut khit uh ciangin tuikhuk sung pan khau tawh kei hong kaih khiatna ding uh puan sia sa le puan lui pawl khat a la uh hi.