Jeremiah 34:8 - Tedim Bible Revision 2017

^8-9 Zedekiah kumpipa in numei ahi a, pasal ahi zongin Hebru mipih silate khah khia-in, kuamah in a Jew mipihte sila-in khawi thei lo ding hi, ci-in suahtak nading thu zasak a, Jerusalem khua-a mi khempeuh tawh thuciamna a bawl hi.

Tedim Bible

^8-9 Zedekiah kumpipa in numei ahi zongin pasal ahi zongin Hebru mipih silate khah khia-in, kuamah in a mipih Judah mite sila-in khawi thei lo ding hi, ci-in suahtak nading thu zasak a, Jerusalem khua-a mi khempeuh tawh thuciamna a bawl khit ciangin Topa in Jeremiah a hopih hi.

Jeremiah 34:8 Referans Kwoze

Siampi Laibu 25:10

Note in a kum sawm ngana siangthosakin, gam sunga a teeng mi khempeuh tungah suahtakna thu na zasak ding uh hi. Note in nomauʼ neihsa ciat ngahkikin, sila-in a kizuak mite nomauʼ innkuanpihte ciat kiangah na ciahkik uh ciangin note adingin jubilee hi ding hi.

Jeremiah 34:17

Tua ahih manin Topa in kong cih in ah: Mi khempeuh in na sanggam na mipihte uh khah khia loin, suahtakna pia loin ka thu hong mang lo na hih uh leh, en un, Topa in kong cih in ah, note hong khah khia-in suahtakna kong pia ta hi. Namsau tawh kithahna, pulnatna le kialpite tawh na sih nadingun note kong khah khia a, kong suaktasak hi. Leitung gam khempeuhteʼ hong lipkhap dingin kong bawl hi.

2 KUMPI NIHNATE 11:17

Tua ciangin Jehoiada in amaute Topaʼ mi ahih nading uh Topa le kumpipa le mite kikalah thuciamna khat bawl a, kumpipa le mite kikalah zong a bawl hi.

Isaiah 61:1

Gimna a thuak mite tungah thuhoih a puak dingin Topa in kei hong teelin hong sawl ahih manin keima sungah Topa Pasian’ kha hong om hi. Lungsim kitamzante a damsak ding, salin a kimante tungah suahtakna thu a gen ding, a kikhum mite adingin thong kong a hong ding,

Nehemiah 9:38

Hih thute khempeuh hangin a kip thuciamna khat bawlin lai-in ka gelh uh a, ka uliante uh, ka Levi mite uh le ka siampite un zong tua lai tungah a min uh a gelh uh hi.

2 KHANG TANGTHU NIHNATE 29:10

Tu-in a lauhuai a hehna eite tung pan a kiheikhiat theih nadingin Israel Pasian, Topa tawh thuciamna khat bawl ding ka lungsimah om hi.

2 KHANG TANGTHU NIHNATE 23:16

Tua ciangin Topaʼ mi ahih nading uh Jehoiada in amah le mi khempeuh le kumpipa kikalah thuciamna khat a bawl hi.

Thu-hilhkikna 15:12

“Na sanggampa, Hebru pasal khat ahi a, Hebru numei khat ahi zongin nang tungah hong kizuak leh, amah in nangma na kum guk sung hong sem dinga, a kum sagihna ciangin nang kiang panin a suakta-in na pai khiasak ding hi.

Isaiah 58:6

Keiʼ deih antanna hih bang pawl ahi hi: Gitlohna khaute phelin, hakkol savun khaute phel a, a kinengniam mite khah khia-in thuman lohna hakkol khempeuh suk tan ding ahi hi.