Jeremiah 33:2 - Tedim Bible Revision 2017

² “Leitung bawlin a kipsak Topa, a min Topa a kici Topa in kong genin ah:

Tedim Bible

² “Leitung bawla a kipsak Topa, a min Topa a kici Topa in kong gen-inah:

Jeremiah 33:2 Referans Kwoze

Isaiah 37:26

“‘Sawt pek a kipan ka ngaihsut sa ahih lamtak za ngei nai lo na hi hiam? Nang in khuapi muanhuaite susia gawpin ninbu lomtang na suahsakna ding, a sunga teeng mite a thahatna uh bei-in, lungkia-in a om mawk nading, amaute pen lo lai-a om kungnote le lopa ngeekte, innkhum zang ah a po, a khan khit ma-in a keutum lopate tawh a kibatna ding, tu-in ka tunsak ding thute pen tanglai pek panin ka ngaihsut sa thu ahi hi.

Paikhiatna 15:3

Topa, galhang pa hi a, Topa, ama min ahi hi.

Paikhiatna 6:3

Abraham, Isaac le Jakob-teʼ tungah Vanglian Pasian-in ka kilang a, ahih hangin Topa ahi keima min tawh amauteʼ tungah kei ka kitheisak kei hi.

Mangmuhna 21:10

Tua laitakin Kha Siangtho tawh ka kidim a, tua vantungmi in mual sang mahmah khat dawnah hong paipih hi. Vantung Pasian kiang panin a hong pai suk Khuapi Siangtho ahi Jerusalem khua a hong lak hi.

Isaiah 43:1

Ahih hangin Jakob aw, nangmah hong piangsak pa, Israel aw, nangmah hong bawlpa, Topa in tu-in hih bang ci hi: “Hong hon khia khin ka hih manin lau kei in. Na min tawh kong sam khinzo a, nang pen kei-aʼ na hi hi.

Isaiah 14:32

Filistia mite in a hong sawl kamtaite mi khatpeuh in bangci dawn ding ahi hiam? “Topa in Zion kipsak khin a, gimna a thuak ama mite in tua sungah bukna mu uh hi,” ci-in a dawng ding uh hi.

Late 102:16

Bang hang hiam cih leh Topa in Zion khua lam dinga, ama minthanna hong kilang ding hi.

Late 87:5

Zion tawh kisai-in ahihleh, “Minam khempeuh ama sung pan a suak ahi hi,” kici ding hi. Bang hang hiam cih leh Sangpen pa mahmah in amah kipsak ding hi.

Mangmuhna 21:2

Mothak khat a pasal tawh a kituah dingin a kizem bangin vantung Pasian kiang panin Khuapi Siangtho ahi Jerusalem khua thak a hong pai suk ka mu hi.

Hebru 11:16

Ahi zongin amauteʼ lunggulh pen leitung sangin a hoih zaw vantung gam ahi hi. Pasian in amaute adingin khuapi khat na vaihawmsak ahih manin, tua bang mite in amah pen ka Pasian uh hi, ci-in a gen ding uh Pasian in maizumna in na ngaihsun lo hi.

Hebru 11:10

Pasian in geelin a lam, bulkip a nei khuapi, Abraham in a ngakna-in tua bangin a om ahi hi.

Amos 9:6

Topa in vantungah a inn deite bawl a, van kuumpi tawh leitung a khuh suk hi. Amah in tuipi panin tuite sam khia a, leitung khempeuh ah tua tuite a sung hi. Hih bangin a bawlpaʼ min pen Topa ahi hi.

Amos 5:8

Van a om aksi Seguk le Zawlzawngte bawlin, khuamial pen khuavak suaksak a, sun pen zan suaksakin, tuipi panin tuite sam khia a, leitungah tua tui a bua khia pa a min pen Topa ahi hi.

Jeremiah 32:18

Nangmah in a kikheel ngei lo itna mi tul tampiteʼ tungah na lak a, ahih hangin pateʼ mawhnate tateʼ tungah na thuk hi. Vanglian Topa a kici a lian mahmah, a hat mahmah Pasian aw,

Jeremiah 10:16

Jakobʼ Pasian tua bang hi lo a, amah pen na khempeuh a piangsak pa ahi hi. Ama mi dingin Israel mite teel a, ama min, Vanglian Topa ahi hi.

Jeremiah 16:21

“Tua ahih manin amaute ka hilh ding hi. Tu tung peuhmah in Topa ka hihna thu a hong theih nadingun ka vangliatna le ka hatna ka theisak ding hi,” ci-in Topa in a gen hi.

Jeremiah 51:19

Jakobʼ Pasian tua bang hi lo a, na khempeuh a piangsak pa ahi hi. Ama adingin Israel mite teel a, ama min pen Vanglian Topa ahi hi.

Isaiah 42:8

“Kei pen Topa ka hi a, Topa pen keima min ahi hi. Pasian dangʼ tungah keima-aʼ tawh a kibang minthanna ka pia kei a, a kisui milimte zong keimah hong kiphatnate pawl ka ngahsak kei hi.