Jeremiah 32:9 - Tedim Bible Revision 2017

⁹ “Keimah in zong ka innlak sanggampa Hananelʼ kiang panin Anathoth khua-a lo ka lei a, ama adingin ngun shekel sawm le sagih ka teh khia hi.

Tedim Bible

⁹ “Keimah in zong ka innlak sanggampa Hanamel’ kiang panin Anathoth khua-a lo ka lei a, ama adingin ngun shekel sawm leh sagih ka tehkhia hi.

Jeremiah 32:9 Referans Kwoze

Esther 3:9

Kumpipa in hoih na sak leh amaute a kisuksiatna ding thu pia-in lai-in gelh in. Tua hileh nangma sumkholna sungah koih dingin na khutnuai-a na uliante tungah ngun talen tul sawm ka pia ding hi,” a ci hi.

1 KUMPI MASATE 20:39

Kumpipa in a nawk laitakin kumpipa tungah amah kiko-in, “Na nasem pa gal sungah kuan hi. Galkap khat in kei kiangah gal mat sa mi khat hong paipih a, ‘Hih mipa kem in; amah na tai suah leh ama nuntakna tangin nangma nuntakna hi dinga, ahih kei leh ngun talen khat na liau ding hi,’ hong ci hi.

Hosea 3:2

Tua ahih ciangin ngun shekel sawm le nga le mangbuhham seu sawm le nga tawh zi lei-in

Isaiah 55:2

An ahi lo nate lei nadingin bang hangin na sum uh zang a, hong gilvahsak thei lo nate ngah nadingin bang hangin na sem na hi uh hiam? Keima thu limtakin ngai-in a limci an ne unla, anlimte ah nuamsa-in om un.

Piancilna 37:28

Tua ciangin Midian mi sum bawlte in hong nawk hi. Amaute in Josef kai to-in dum sung panin dom khiato uh a, Ishmael mite tungah ngun shekel sawm nihin amah zuak uh a, amaute in Egypt ah Josef a paipih uh hi.

Piancilna 24:22

Kalaohte in tui a dawn khit ciangin mipa in shekel lang a gik kham nakbah khat le shekel sawm a gik kham tau nih tua nu adingin la-in pia a,

Paikhiatna 21:32

Bawngtal in sila ahi pasal hitaleh numei hitaleh khat peuhpeuh a ki tawh a pik leh, a nei pa in amauʼ topaʼ tungah ngun shekel sawm thum pia dinga, bawngtal kidenglum ding hi.

Nehemiah 5:15

Keima hun ma-in a ukte in mite tungah van gikpi suan uh a, amauteʼ tung panin nisimin an le leenggahzu ngun shekel sawm li man a la uh hi. Amauʼ nasemte nangawn mite tungah kiliansak lai uh hi. Ahi zongin Pasian ka zahtakna hangin tua bangin kei ka gamta kei hi.

Ezekiel 4:10

Nek khatin anlum shekel sawm nih gik bek na ne dinga, ni khatin khatvei bek na ne ding hi.