Jeremiah 32:5 - Tedim Bible Revision 2017

⁵ Amah in Babylon khua ah Zedekiah la dinga, ama tungah na ka sep mateng tua lai ah om ding hi. Khaldea mite na do uh hangin na zo kei ding uh hi, Topa in hong ci hi,’ ci-in bang hangin thu hilh na hi hiam?” ci-in thong sungah a khum hi.

Tedim Bible

⁵ Amah in Babilon khua-ah Zedekiah a la ding a, ama tungah na ka sep mateng tua lai-ah a om ding hi. Khaldea mite na do uh hangin na zo kei ding uh hi, Topa in hong ci hi,’ ci-in bang hangin thu hilh na hi hiam?” ci-in thong sungah a khum ahi hi.

Jeremiah 32:5 Referans Kwoze

Ezekiel 17:15

Ahi zongin Judah Kumpipa in amah lehdo veve a, sakol galkap honpite a ngen dingin Egypt gamah mi pai simsak hi. A deihna bangin tangtung ding ahi hiam? Tua bangin a gamtatna tawh suakta zo ding ahi hiam? A thuciamna palsat napi-in gimthuak loin om thei ding ahi hiam?

Jeremiah 39:7

Zedekiahʼ mittangte a khelkhiatsak khit ciangin kol bulh a, Babylon ah a ciahpih hi.

Jeremiah 33:5

Ka hehna le ka thangpaihna tawh ka thah lup ding misi luangte tawh a kidimsak dingin Khaldea mite in a hong sim ding uh hi. Bang hang hiam cih leh khuapi sunga a om miteʼ gitlohna hangin hih khuapi panin ka mai ka seel hi.

Jeremiah 27:22

Tuate Babylon khua ah kipua khia dinga, ka kankik mateng tua lai ah a omsuak ding hi. Tua khit ciangin tuate ka lakik dinga, hih munah ka koihkik ding hi, Topa in hong ci hi,” ci-in ka gen hi.

Ezekiel 12:13

Ama pai nading munah ka ngenthang ka zak dinga, amah awk ding hi. Tua ciangin Babylon khuapi ah amah ka paipih dinga, a khuapi a mu lopi-in tua lai ah a si ding hi.

Jeremiah 37:10

Nangmah in na gal Babylon galkap khempeuh zo lua kisa-in buk sunga mi liam teng bek na suaktasak khaphial ahi zongin, amaute hong thokik teitei ding uh a, hih khuapi hong halsak veve ding uh hi,’ ci-in va gen in,” a hong ci hi.

Jeremiah 2:37

Nangmah zong tua gam panin maizumna tawh na lu tungah vut khusa-in nong paikhia ding hi; bang hang hiam cih leh p keimah Topa in na muan mite ka nial zo hi; amauteʼ hangin na gualzo ngei kei ding hi.

Paunak 21:30

Mihingteʼ pilna, a thutheihna le a thugente khempeuh, Topaʼ deihna tawh a kituah kei leh a kimanna om lo hi.

2 KHANG TANGTHU NIHNATE 24:20

Tua ciangin siampi Jehoiadaʼ tapa Zekhariahʼ sungah Pasianʼ kha hong lut hi. Tua ciangin amah dingin mite en sukin mite kiangah, “Pasian in hih bangin ci hi: ‘Bang hangin na mavan theih loh nadingun Topaʼ thupiaknate palsat na hi uh hiam? Note in Topa nusia na hih manun amah in note hong nusia hi,’ ci hi,” a ci hi.

2 KHANG TANGTHU NIHNATE 13:12

En un, koteʼ lutangin kote tawh Pasian hong om khawm a, note a do ding sapna peengkul a tum dingin a siampite a galkap peengkulte uh tawh hong om uh hi. Israel mite aw, na pu na pate uh Pasian, Topa do kei un; bang hang hiam na cih uh leh na tangtung kei ding uh hi,” a ci hi.

Gamlak-vakna 14:41

Ahih hangin Moses in, “Bang hangin tu-in Topaʼ thupiakna palsat na hi uh hiam, tangtung lo ding hi lo ahi hiam?

Jeremiah 32:6

Jeremiah in zong, “Topa in kei hong hopih a,

Jeremiah 32:24

“‘En in, khuapi lak nadingin kan a to khinzo uh hi. Namsau tawh kithahna hang, kialpi hang le pulnatna hangin amaute a sim Khaldea miteʼ khut sungah khuapi a kipia ding hi. Nong gen sa bangin hong tun loh phamawh ahih manin en in, nangʼ na mu ta hi.

Jeremiah 39:5

Ahih hangin Babylon galkapte in nung delh uh a, Jerikho zanglei ah Zedekiah a pha uh hi. A mat khit uh ciangin Hamath gam Riblah khua ah, Babylon kumpipa Nebukhadnezzarʼ kiangah paipih uh a, amah in thukhenna a pia hi.

Kah la 1:14

Amah in ka mawhna khempeuh a vekpi-in ciamteh a, tuate henin lom khat suahin ka ngawngzang ah hong khih a, gik lua mahmah ahih manin ka taang zo peuhmah kei hi. Topa in ka galteʼ khut sungah hong pia ahih manin a cimawh ta ka hi hi.

Ezekiel 12:12

Amaute a uk ulian pa in khuamial lakah a liangko-in ama van pua-in paikhia ding hi. Ama paikhiat nadingin amaute in kulh tawhvang sakin tua panin amah suakta ding hi. Amah in a mai humcip ding ahih manin a pai nading mun mu thei lo ding hi.

Jeremiah 39:4

Judah kumpipa Zedekiah le galkap khempeuh in amaute a muh uh ciangin a taisim uh hi. Zan laitakin kumpipaʼ huan sung tawnin kulh tegel kikal a kongpi kantanin khuapi sung pan paikhia uh a, Arabah gam lam a manawh uh hi.