Jeremiah 32:10 - Tedim Bible Revision 2017

¹⁰ Thukimna lai bawlin, min gelhin, gip khenin, a hong theih pih ding mite zong ka sap khit ciangin tawi khaina ah sum ka teh hi.

Tedim Bible

¹⁰ Thukimna lai bawlin, min gelhin, gip khenin, a hong theihpih ding mite zong ka lak khit ciangin tawi khaina-ah sum ka teh hi.

Jeremiah 32:10 Referans Kwoze

Jeremiah 32:44

Benjamin gam, Jerusalem khua kimkot le Judah gam khuapite a kipan mual tunga khuapite, Shefelah zanglei-a khuapite le leitaw lam Negeb gam a khuapite ah sum tawh lo kilei dinga, a theih pih mite tawh thukimna min gelhin gip tawh kikhen ding hi; bang hang hiam cih leh keimah in amaute a gam mah uh ah ka omsakkik ding hi, Topa in kong ci hi,” a hong ci hi.

Jeremiah 32:12

Neriahʼ tapa ahi, Mahseiahʼ tupa Baruk kiangah ka pia hi. Tua laite, ka innlak sanggampa Hananel tawh, tua kileina laite tunga a min uh a gelh a hong theih pih mite tawh thong huang sunga a tu Judah mite tawh a omkim laitakun ka pia hi.

Jeremiah 32:25

Ahih hangin Topa Pasian aw, hih khuapi Khaldea miteʼ khut sung a tung ding hi napi, nangmah in, “A hong theih pih ding mi sam inla, tua lo lei in,” ci-in nong sawl teitei hi,’ ci-in thu ka ngen hi,” a ci hi.

Isaiah 44:5

“Khat in, ‘Kei pen Topa ka hi hi,’ ci-in, a dang khat in Jakob min tawh ama min lo dinga, a dang khat leuleu in, ‘Topa-aʼ, ci-in ama khut tungah gelhin, Israel min tawh a mahmah kinophuah ding hi,” ci hi.

JOB (Job) 14:17

Ka khialhnate hong maisakin, nong paih khiatsak dinga, ka mawhna khempeuh nong phiatkhiatsak ding hi. Tu-a bangin a piang thei hileh ka ut mahmah hi.

Thu-hilhkikna 32:34

“Hihte kei kiangah kikholin, ka vankoihna sungah kisiincip hi lo ahi hiam?

Mangmuhna 9:4

Amaute in lopate, singkungte a kipan a hing khat peuhpeuh bangmah cih loin, a taltang uh ah Pasianʼ ciaptehna a om lo mite bek a gimsak nadingun thu a kipia hi.

Mangmuhna 7:2

Tua ciangin a nungta Pasianʼ ciaptehna a tawi vantungmi khat, nisuahna lam panin hong pai to ka mu hi. Leitung le tuipi suksiat theih nading vangliatna a kipia vantungmi lite kiangah amah in nakpi takin gen a,

Efesa 4:30

Ni khat ni ciangin Pasian in note hong tatkhiat taktak nading thu a ciantakin hong lahna le Pasianʼ neihsa na hihna uh hong ciaptehna-in Kha Siangtho hong pia ahih manin, tua Pasianʼ Kha Siangtho na dahsak kei un.

Efesa 1:13

Note in zong hotkhiatna a hong ngahsak thei Lungdamna Thu a man za-in Khris na up uh ciangin, Pasian in a hong ciam sa bangin ama mi na hihna uh a kilat nadingin note tungah Kha Siangtho hong piakna tawh a hong ciamteh hi.

2 KORIN NIHNA 1:22

Amah in eite pen ama aʼ ihihna ciaptehna eite tungah hong bawl a, ama aʼ ihihna le eite tungah a hong piak ding na khempeuh a hong pia takpi ding ahihna a kitel nadingin eiteʼ lungsim sungah Kha Siangtho a hong ma piak hi.

Johan 6:27

A ning thei ante ngaihsutin nei masa kei unla, nuntak tawntungna an kan masa zaw un. Pa Pasian in tua an a pia dingin kei hong seh sa ahih manin keimah in note tungah nuntak tawntungna an kong pia ding hi,” ci-in a dawng hi.

Johan 3:33

Ama thugen a umte pen, Pasianʼ thugen man hi, ci-in a um ahi uh hi.

Daniel 8:26

Hih zingsang le nitak biakpiakna maangmuhna thu a hong kihilh telna pen a man ahi hi. Tu-in hih maangmuhna thu a hong tun ding hun sawtpi hi lai ding ahih manin imcip phot in,” hong ci hi.

Isaiah 30:8

Tu-in pai inla, hong tung lai ding hunte ah teci ahi ngitnget dingin amauteʼ mai ah suangpek tungah gelh inla, laibu khat sungah at in.

Solomon la 8:6

Kei sim loh kuamah ngai kei inla, kei sim loh kuamah kawi kei in. Itna zong sihna zahin thahat a, ngaihna zong sihna zahin khauh hi. Itna, mei bangin kuang khia a, meikuang lian pen a suak hi.

Joshua 18:9

Tua ciangin mite kuanin gam sungah pai suk pai to-in khen sagih suahin tua gam a khuakhua-in a ciaptehna uh laibu khat sungah khum uh a, Shiloh giahphual a Joshua kiangah amaute hong pai uh hi.

Mattiu 27:66

Tua ahih ciangin amaute pai uh a, a han hukna suang limtakin a ciamteh khit uh ciangin galkapte a cingsak uh hi.

Piancilna 23:16

Efronʼ cih bangin Abraham thukim hi. Abraham in Efron adingin, Hit miteʼ zakna ah a min lawh zah, tua hun laitak a sumbukteʼ lakah a kizang a gik zah tawh kizui-in ngun shekel za li a teh khia hi.

Piancilna 23:20

Lo le a sunga om leihawmte si vui nading munin a neih dingin Abrahamʼ tungah Hit mite in a pia uh hi.

Ruth 4:1

Tua ciangin mihon kikhopna kulh kongpi ah Boaz pai to-in tua munah tu suk hi. Tua laitakin a tanaute, Boazʼ gen pa hong pai hi. Tua ahih ciangin Boaz in, “Hong pai dih in, lawm aw; hih lai ah tu dih in,” a ci hi. Tua ciangin amah hong kihei-in tu suk hi.