Jeremiah 30:11 - Tedim Bible Revision 2017

¹¹ Bang hang hiam cih leh Topa in kong cih in ah, a hong hon khia dingin note kong ompih hi. Note ka hong thehthangna gamte khempeuh ka susia dinga, ahih hangin note kong susia kei ding hi. A kilawm zahin kong thuhilh dinga, gim pia loin kong mawk nusiat kei ding hi.

Tedim Bible

¹¹ Bang hang hiam cih leh Topa in kong cih-inah, a hong honkhia dingin note kong ompih hi. Note kong theh thangna gamte khempeuh ka susia khin ding a, ahih hangin note kong susia kei ding hi. A kilawm zahin kong thuhilh ding a, daantat loin kong mawk nusiat kei ding hi.

Jeremiah 30:11 Referans Kwoze

Jeremiah 10:24

Topa aw, a hoihbek takin, heh lua loin kei hong hilh in. Hong heh lua lecin kei ka si ding hi.

Jeremiah 1:19

Amaute in nangʼ lang khat ah hong do ding uh hi. Ahih hangin a hong zo kei ding uh hi; bang hang hiam cih leh Topa in kong cih in ah, nangmah a hong hu dingin ka hong ompih ding hi,” a hong ci hi.

Jeremiah 4:27

Bang hang hiam cih leh Topa in, “Gam buppi, gamlak suak dinga, ahih hangin ka susia sam kei ding hi.

Jeremiah 1:8

Amaute kihta kei in; bang hang hiam cih leh nangmah a hong hu dingin ka hong ompih hi, Topa in kong ci hi,” hong ci hi.

Isaiah 8:10

Note kikhawmin thu na vaihawm uh hangin a mawkna suak dinga, thu khat peuhpeuh na gen uh hangin kip lo ding hi. Bang hang hiam cih leh kote tawh Pasian hong om khawm hi.

2 TIMOTI NIHNA 4:22

Topa in nangmah hong ompih tahen. Note khempeuh tungah Pasianʼ hehpihna thupha hong tung tahen.

Sawltak 18:10

Hih khua sungah keima mi tampi om a, nang hong ompih ka hih manin kuamah in nang bangmah hong cih lo ding hi,” a ci hi.

Mattiu 28:20

Tua ciangin note tungah kong gen thute khempeuh a zuih nadingun na hilh un. Hun bei dongin note a hong ompih tawntung ding ka hihna thu phawk ta un,” a ci hi.

Jeremiah 15:20

Hih mite tungah sumngo a kibawl khua kulhpi kong bangsak dinga, amaute in a hong sim uh hangin a hong zo kei ding uh hi. Bang hang hiam cih leh a hong hon khia ding le a hong suaktasak dingin nang ka hong ompih hi, Topa in ka hong ci hi.

Jeremiah 5:18

“Ahih hangin tua bang hun ciang nangawnin, Topa in kong cih in ah, note kong sumai mangkhin sam kei ding hi.

Jeremiah 5:10

A gualin a kisuan a leenggah huan sungah pai inla, suksiatsak in; ahi zongin suk maimangsak sam kei in. A hiangte heuh khiatsak in; bang hang hiam cih leh tua a hiangte Topa aʼ hi lo hi.

Late 6:1

Topa aw, na heh laitak hong taii kei inla, lung so sa-in hong thuhilh kei in.

Mattiu 1:23

“Nungak khat gai-in tapa khat nei dinga, ama min dingin Emmanuel kiphuak ding hi,” ci hi. Emmanuel a khiatna in, eite tawh Pasian hong om khawm hi, a cihna ahi hi.

Ezekiel 11:13

Tua bangin thu genin ka om laitakin Benaiahʼ tapa Pelatiah hong din sih hi. Kei zong leilak ah bok sukin ka kiko a, “Topa Pasian aw, Israel gam sungah a om lai mi khempeuh thah khit sawm na hi hiam?” ka ci hi.

Isaiah 43:25

Na thupalsatnate hong paih khiatsak pa pen keimah ka hi a, kei ka hih manin na khialhnate ka ciamteh kei ding hi.

Siampi Laibu 26:44

Bangbang ahi zongin, a galte uh gam sungah amaute a om sungteng uh keimah in amaute nil khia loin, amaute a susia maimang zah ding le amaute tawh ka thuciamna a pelh zah dingin amaute ka mudah kei ding hi; bang hang hiam cih leh kei pen Topa amauʼ Pasian ka hi hi.

Thu-hilhkikna 4:31

Bang hang hiam cih leh Topa na Pasian uh hehpihna a nei Pasian ahi hi. Amah in note hong tamasak loin, hong nusia lo dinga, na pate uh tawh a thuciamna mangngilh lo ding hi.

Kah la 3:22

A bei thei lo Topaʼ hong itna le a hehpihna a kizom paisuak hi a,

Ezekiel 6:8

“Tua banga kihonthahna panin pawl khat ka suaktasak dinga, minam dangte lakah kithehthangin,

Hosea 11:9

Ka heh manin gim kong pia kei dinga, no Israel-te kong susia kei ding hi. Bang hang hiam cih leh keimah, mihing hi loin, Pasian ka hi hi. Kei a Siangtho Pa, note tawh kong om khawm a, a hehsa-in note kiangah kong pai kei ding hi.

Paikhiatna 34:7

mi tul tampite adingin itna kip a nei; mawhna, thupalsatna le khialhna maisakin; ahih hangin bangbang hitaleh mawhna a khah khong ngei lo; pateʼ mawhna tateʼ tung le tuteʼ tung, khang thum khang lina dongin a thuk pa,” ci-in a pulak hi.

2 SAMUEL NIHNA 24:12

“Pai inla, David kiangah hih bangin gen in. ‘Topa in hih bangin ci hi: Nangma tungah thu thum kong pia hi; nang tungah kong hih theih nadingin tuate khat teel in,’ ci hi,” a ci hi.