Jeremiah 3:8 - Tedim Bible Revision 2017

⁸ A zulhzau Israel, midang tawh a khialhna hangin kimakna lai pia-in, ka hawlkhiat zong amah in a mu hi. Ahih hangin numei gina lo Judah lau tuan loin, amah zong numei paktat khat mah a va suak veve hi.

Tedim Bible

⁸ A zulhzau Israel, midang tawh a khialhna hangin kimaakna lai pia-a ka hawlkhiat zong amah in a mu hi. Ahih hangin numei gina lo Judah lau tuanloin pai a, amah zong numei paktat khat mah a va suak veve hi.

Jeremiah 3:8 Referans Kwoze

Thu-hilhkikna 24:1

“Mi khat in zi la-in a teenpih ciangin, tua nu tungah kilawm lohna a om manin numei in a pasalʼ mitah maipha mu lo a, amah in makna lai gelhin ama tungah pia-in ama inn panin sawl khia a, a pasalʼ inn panin amah kihem khia-in,

Hosea 3:4

Hih pen kumpi ahi a, makai ahi zongin, biakpiakna le biakpiakna khuampite ahi zongin, siampi puanpi le milim pasian-te nei loin hun saupi sung Israel mite om ding a cihna ahi hi.

Isaiah 50:1

Topa in, “Amah ka ciahsakna, na nu a kimakna lai koi ah om ahi hiam? Tua ahih kei leh nang kong zuakna ka leibatnate koi pan ahi hiam? Nomau mawhna hangin note hong kizuak a, nomau khialhna hangin na nu uh kipaikhiasak hi.

Ezekiel 23:9

Tua ahih ciangin a lunggulh mahmah, a it Assiria miteʼ khut sungah amah ka pia hi.

Ezekiel 16:47

Amauteʼ khekhap zui-in a muhdahhuai amauteʼ gamtatnate bek tawh na lungkim zo nai kei lai a, tawmvei sungin na gamtatnate khempeuh ah amaute sangin na sia zaw hi.

Jeremiah 3:1

“Mi khat in a zi ma henla, tua nu in zong amah nusia-in, midang khatʼ zi va suak leh, a pasal masa in tua nu lakik thei ding ahi hiam? Tua gam teng a ninsak khin suak ding hi lo ahi hiam? Nang pen numei paktat suakin mi tampi tak tawh kingai khinzo napi-in, tu-in kei kiang hong zuankik ding na hi hiam, Topa in kong ci hi.

Thu-hilhkikna 24:3

a pasal nunung in amah deih lo leuleu a, makna lai gelhin a numeiʼ khut sungah koih a, a inn panin tua nu sawl khia-in, tua ahih kei leh zi dinga a la a pasal nunung a sih leh,

Jeremiah 2:19

Na gitlohna mah in nangmah hong thuhilh dinga, kei na hong up nawn lohna in nangmah hong mawhsak ding hi. Topa na Pasian nong nusia a, keimah nong kihtak nawn loh ciangin, nuam het loin kha velval hi, cih thu thei inla mu in, Vanglian Topa Pasian in ka hong ci hi.

Jeremiah 33:24

“Hih mite in, Topa in a teel sa Israel le Judah minam tegel a nusia ta hi, ci-in a gen uh thei kha lo na hi hiam? Tua bangin amaute in ka mite simmawh uh a, amauʼ muhna ah minam khatin a sim nawn kei uh hi.

Ezekiel 16:46

Na unu pen leilu lam a om Samaria le a khuaneute ahi hi.

Ezekiel 16:51

Samaria in nangma gamtat siat zah lang gamta lo hi. Na sanggamnu sangin gamtat sia zaw mahmah na hih manin, nang le na sanggam numei dangte i et kak ciangin, amaute a mawh mahmah hi napi-in a mawh lo zah phialin hong kimu hi.

2 KHANG TANGTHU NIHNATE 21:11

Tua tham loin amah in Judah mual tung gamah mual dawna biakpiaknate bawl a, Jerusalem-a teeng mite citak loin omsak a, Judah mite lam pialsak hi.

Jeremiah 5:7

“Na mawhnate uh hong koici maisak thei ding ka hi hiam? Na tate un kei hong nusia zo uh a, pasian ahi lopite peuh tawh kiciam zo uh hi. Amaute a gilvah dong uh an ka vak khit ciangin amaute in angkawmin, numei paktatteʼ inn ah a hon om uh hi.

Ezekiel 23:44

Numei paktatte kiang a a hawh bangin amaute pai niloh uh hi. Tu-a bangin a gamtat hoih lo Oholah le Oholibah-te kiangah a paktat dingin amaute a pai uh hi.